Mikeia 5:11 - O Mikanda Ikola

¹¹ Anga o jisanzala joso mu ixi ié nga kà ji muanga-muanga, ni jimbonge jê joso ja masuamenu nga kà ji lundumuna.

Mikeia 5:11 Iomraidhean Croise

Izaía 1:7

Ixi ienu ia xala ngùndu, madiembu menu ma jikata mu túbhia; o mikáu ienu enda ni ku mi dia-iu kuala athu engi, akua jixi ja makanga, enu mu ki mona mesu; kibuika-phe kia athu engi kia mi vubuka.

Izaía 2:6

Maji eie uehelela o mundu ué, o diembu dia Jakobo mukonda a dʼizalesa ni ífua ia akua thunda; ala azambuidi kala akua Fidíxia; ia a di-fungisa kumoxi ni akua jixi jengi.

Izaía 27:9

Kienhiki-phe, o kikuma kioso kia Jakobo, a kà ki bhuisa-ku ni kiamenga; o kiki kia kà kala kiene o kibundu kia kukatula o kituxi kiê kioso, kioso. O Jihova muene kia-nda kubhanga o matadi oso a kalatódio kala matadi ma hala a ma bula-bula; kieneʼokio ue, o mixitu ni iteka ia lumbidile o dikumbi, ki ia kà tena dingi kuimana.

Izaía 6:11

Eme-phe, ngixi: Ngana Katé bhebhi? Muene ua kumbulula: Katé ki buika o madiembu, sé muthu u tungamu, né ngó muthu umoxi mu jinzu, oxi iene ioso kilômbo ngundu.

Kuditenda 2:2

Mabhata moso-lolo ma Jakobo, Jihova ua ma jikinisa, sé ngó ku a lendukila; jimbonge ja kolo, ja monʼa kilumba kia Juda, kia vulumuka o njinda iê, joso ua ji lundumuina bhoxi; utuminu uoso ua u kasanesa, o ilamba iê ia sebuluka.

Izekiiele 38:11

Ua kʼàmba, uixi: Nga-nda kubanda mu kúlua ni jisanzala ja kambe o imbaka, nga kʼèza mu kúlua ni iá a nhoha kiambote, a tunga a soma; ene oso mu kutunga kuâ ka moneka kimbaka, ka moneka ue dikûmba mba mabhitu.

Hozeia 10:14

Kala kiki, mu jimbanza jenu mua-nda kubalumuka kibulukutu kia ita, o jimbonge jenu a-nda ku mi muangena-ju, mukuâ ni Xalumane kia muanga-muanga Bete-Halubele mu kizuua kia ita; bhu kumbi dienhódio bhene bhua sasujuila o mama ni tuana tuê.

Amoji 5:9

Muene u bhangesa kuila né dizonda u tukumuka kibuika kia mu bhiẋila; mbonge né-mbe ia imbaka i senguluka muene.

Zakadiia 4:6

Muene anga u kuata kuzuela, uixi: O kiki, kiene o kizuelu kia Jihova kua Zolobabele, kuila: Ki mu nguzu mba mu undanda, maji mu Nzumbi Iami, kiene kia tange Jihova dia Ilombo Ieta.