Mikeia 5:10 - O Mikanda Ikola

¹⁰ Anga kia kà bhita mu kizuuʼokio, kuma eme ngi Jihova, o jikabalu jé joso ji uala na-ju, nga kà ji buidisa, ni makalu moso nga kà a bukujula.

Mikeia 5:10 Iomraidhean Croise

Izaía 2:7

Oxi iâ, iezala ni phalata ni ulu, jimbongo jâ ki jene mbambe; oxi iâ ue iedi ni jikabalu jinzungule, o makalu mâ kuvula kuahi.

Jelemiia 3:23

Kia kidi kiene, kingoho o kudielela o tuthuthulundu ni ku nzungule ia i-milundu; kuma o kubhuluka kua Izalaiele kuala mua Jihova Nzambi ietu.

Hozeia 1:7

Inda dibhata dia Juda nga-nda ku mu lendukila, nga-nda ku a bhuluila ku lukuaku lua Jihova Nzambi iâ; kuma ki nga-nda ku a bhulula mu ku a bhángela ni uta ua mufula, ku xibhata ue ki kuene, ku ita ki kuene, ku jikabalu kana, ku akua jimonde ue kana.

Hozeia 14:3

Asídia ki muene ua-nda ku tu bhulula; o ku jikabalu ue ki tua-nda kumondala-ku dingi; o kima kia bhange kuala makuʼetu, ki tua-nda ku ki tangela dingi, kuamba: Eie, eie kiá u Nzambi ietu; mukonda o monʼa kitungu, ua kambe tata ni mama, kiadi u ki bongela momué.

Ajeu 2:22

Nga kà tungutisa diulu ni oxi, anga nga kà lundumuna o kiandu kia ma-unganga moso, anga nga kà bhuisaku o kutena kua ma-utuminu ma jixi joso; anga nga kà sokomona o dikalu ni oso a xikama-mu; ni jikabalu ni iá oso a ji mondala, a kà dibhala ku xibhata, mu ku di lungulukila mudiâ.

Zakadiia 9:10

Muene ua kà jikinisa o makalu ma ita mʼoxi ia Ifalaíme, ni jikabalu ja Jeluzaleme; ni mufula ua ita ua kà u bukula ue; Muene nʼa kà tula jingolokela ja paze ni kutululuka ku akua jixi; o utuminu uê ua kà di zala tunde ku musanza katé ku musanza ua mukuá; tunde ku honga ia Ufalate katé kua suku oxi.

Matendelelu 17:16

O muene-phe ka di vudixile jikabalu; kana kuvutukisa o mundu mu Ijitu, mu kuvudisa dingi jikabalu; mukonda Jihova ua mi ambela, kuila: Njila iii ki mungu dingi mu i vutukila.