Mikeia 4:9 - O Mikanda Ikola

⁹ O ki ualʼiki-phe, u telaʼhi ngó ngololo ioso iii ia kudila? Mo-mué mua kambe Sobha? Ndongixi ié, i ku bhana kaiula, ki i moneka dingi? Misusu ia ku kuata, kala ió uala ni mika ia kuvuala?

Mikeia 4:9 Iomraidhean Croise

Izaía 13:8

Bhuà kala kubhondalala, misusu ni malamba, kikote, mukua ni muhatu uala ku mika ia kuvuala; kala muthu kià mona mukuâ ua kà sasumuka; jipholo jâ, ja kà lekujuka.

Izaía 21:3

Kienhiki miongo ia ngi kate kiavulu muene; kua ngʼiza misusu kala misusu ia ió uala ku isenda; lamba dia ngi kondo ni kuívua nga lémbua; nga iokojoka katé nga lémbua kumona.

Izaía 26:17

Kiadifu ni muhatu uala mu mikutu iiadi, o kieza ku isenda, misusu ia ku vuala i mu kuata, anga u dikola-kola mu jindolo jê, kiene ue ki tua kexe etu, Jihova, bhu pholo ié!

Jelemiia 22:23

Eie ua tunga mu Libanu, eie ua-te kikalanga mu misédulu! O kia-nda ku ku kuata o mika, ni misusu kala ia muhatu uala ku isenda, ua-nda ku di uana!

Jelemiia 30:10

Ku kale-phe ni uoma, eie mubhukʼami Jakobo, Jihova ua ki tange, eie ue Izalaiele, kana kusasumuka; kuma, tala, nga-nda ku ku bhulula ku jixi ja makanga, ni muiji ué ku ixi ia uhutile uê; anga Jakobo ua kà vutuka dingi, hé ua kà nhoha, ua kà kala muene bhua kondama; ki bhua kà kala u mu kuatesa uoma.

Jelemiia 4:21

O mvela i ngi kala ku mesu katé bhebhi? Katé bhebhi ni kuivua o mutendu ua koloneta?

Jelemiia 4:31

Mbata ngala kuivua kiá mbimbi mukua ni muhatu uala ku isenda, mika kala ia ió u vuala mona ua phande-kumbi; diene o dizue dia mona Ziione ua muhatu, uiza ni kuhaha, iú ua mu sunununa o maku, uixi: Uaué! Kindala kokolo diami: mukonda o muenhu uami uambuka bhu pholo ia ijibhanganga!

Jelemiia 48:41

Jimbânza a ji tambula, o jimbonge a ji bhundu, bhu kumbiʼ-ʼodio o muẋima ua mazonda ma Mouabhe, ua kà di bhanga kala o muẋima ua muhetu kia kala bhu mika ia kuvuala.

Jelemiia 50:43

Sobha ia Babilonha uevu fuma iâ, o maku mê iá a botomoka; kimbuua kia mu kuata, kua muiza misusu, kala muhatu ua-nda ku vuala.

Jelemiia 8:19

Ivua o nzongo ia mona a kilumba kia mundu uami, ku ixi ia makanga! Jihova kifua mu Ziione kala-mu? Sobha iê kene-mu? Mukonda diahi-phe a ngi lokalala, njinda a i balumuna ni iteka iâ ia kuseta, ni ukumbu ua iteka ia akua jixi jengi?

Kuditenda 4:20

O na tudilu dia kubhuima kuetu a tu ûndila-nê kua Jihova, a mu kuatela mu madiela mâ; o muene-phe, muene tua mu edile, tuixi; né kiá ki tu bhinga ku xalela muʼaxaxe ka akua jixi, tua kà kala mu kilembeketa kia muene.

Hozeia 10:3

Mu kienhiki-phe, ene kindala anda kuzuela, kuamba: Etu ki tuala ni sobha, mukonda etu Jihova ki tuala ku mu xila; o bhu tualʼabha-phe Sobha i tu bhangela dingi kima kiahi?

Hozeia 13:13

Hinu ku mu tulukila misusu kala mika ia muhatu uala ku isénda, o mu kuvuala-phe u vuala kilalu kia mona, kuma ka bhiẋila luua bhu kithangana kia ku mu vuala nʼa tunde ku kanga.

Hozeia 3:4

Mbata anʼa Izalaiele a-nda kukala ue muene izuua ia nzungule ka moneka sobha, ka moneka dikota, kene ni sata, kene ni kiteka mu dibhata, mba ngó efodi.

Mikeia 5:3

Kala kiki, Nzambi ua-nda kuehelela o mundu uê, katé bhu thembu ia kuila, o ió ua mu sènda ni mika ia kuvuala ua vuala kiá, o muene ue kiene kiua kia kà a bhana. Kieneʼokio o mbandu ia jiphange jê iaxala-ku ia kà vutuka kumoxi ni ana a Izalaiele.

Nzuá 16:21

Muhatu kieza mu kuvuala, u kala ni malamba, mukonda kumbi diê dia mu iza dia kutala hadi. Maji o kia zubha-phe ku di sanza, ka xinganeka dingi o kukata, mukonda dia kutanena o mona ueza mu ngongo.

Dijingunuinu 12:2

Muenhú uala ni divumu, anga u di kola, u kala mu kuvuala, misusu ia kudisanza ia mu kuata.