Mikeia 4:3 - O Mikanda Ikola

³ Muene anga ua kà fundisa ni mabatuilu mê muʼaxaxe ka ifuẋi iavulu; ua kà bhana kaxtiku ku miji iala ni kutena, katé ni iii iala ku makanga, enhó anga jixibhata jâ a kà ji sula kiá matemu phala kudima, o mifula iâ a kà i bhanga jimvo; muiji umoxi ki ua kà leka dingi xibhata mu kubhânga jimvunda ni muiji ua mukuá, ka kà di longa dingi kúlua ita.

Mikeia 4:3 Iomraidhean Croise

Jisálamu 46:10

Mu batama, phala mu kʼijiie kuma eme ngi Nzambi; eme-muène ngi jînga muʼaxaxi ka matumbu; eme-muène ngi zangalala ue mu ngongo ioso.

Jisálamu 46:9

Ita ua i suikika katé ku maẋokolo aʼxi; uta ua mufula ua u bukula, dionga ua di batula mu kaẋi; o makalu a ita ua oha mu túbhia.

Jisálamu 72:3

Ku milundu ku tunde kutululuka phala o mundu, ni ku mikáu ku kale o kutunga ni kusoma, mukonda dia ufundixilu ua kidi u tunda ku tumilundu tuofele.

Jisálamu 72:7

Mu izuua iê athu aiuka à kala mu kuzanda, ku kala paze i nangenena kala ki nangenena o mbeje.

Jisálamu 82:8

Balumuka, eie u Nzambi, u fundise mu ngongo; kuma madiembu moso ma ku tokala.

Jisálamu 96:13

Bhu pholo ia Jihova, kuma iú iza, iú iza mu fundisa o ngongo; u fundisa o athu mu ngongo ni kuiuka, u tetuluila o mundu ni kidi kiê.

Jisálamu 98:9

Bhu pholo ia Jihova, kuma iú iza, mu fundisa o ngongo; u fundisa mundu ni kidi, u batuila o ifuẋi ni kutetuluka.

Izaía 2:4

Muene ua kà tetuluila akua-jixi, ua kà bazela miji ia nzungule; enhá, kuila a xikina kia a bazelʼiki, jixibhata jâ a kà ji kitula matemu, jisosa jâ a kà ji kitula jimvo; ki bhua kà kala dingi ku-di-zengela jixibhata kifuxi ni kifuxi, né ku di-longa dingi kúlua ita.

Izaía 25:3

O kiki kia kà ku fumanesa katé ni ku mundu ua mazonda, o mbanza ia miji ia a-kutênde ia kà ku kuatela uoma.

Izaía 51:5

O uiukilu uami ua zukama; ubhulukilu uami iú tomboka kiá; maku mami mene ma-nda kutetuluila o mundu; ikolo ia-nda ku ngi xikamena ni kukinga, ene a-nda kudielela kubhandulukila ku lukuaku luami.

Izaía 60:12

Mbata kifuxi mba utuminu, ukamba ku ku sedivila eie, uà kà jima o mbutu; xi, ifuẋi ienhoio a kà i buikisa muene, taka-taka.

Izaía 65:25

Ni kimbungu ni seseme ia mbudi a kà dila dikèla dimoxi, o hoji ia kà dia iangu mukuâ ni ngombe; nhoka ua kà dia fufuta ia mavu, kuene kudia kuê. Ene, ka kà bhanga kiaiibha mba usuéia uoso-uoso mu mulundu uami uoso ukôla, kiene kia zuela Jihova.

Izaía 9:7

O kukula kua ulamba uenhú, ki kuene mbambe; o kutululuka kuê ki kuene kúbhua; ua tulama bhu kiandu kia Davidi ni ku usobha uê, phala ku u kuatesa bhu kididi, ni ku u fikidila mu kutetuluka ni mu uiukilu, tunde kiki katé ku hádia ni hádia; o muanu ua Jihova dia Ilômbo Ieta uene ua-nda ku bhanga kienhiki.

Daniiele 2:44

Maji, mu izuua ia jisobha jenhiji, o Nzambi ia diulu ua kà bhekaku o utuminu ki u xikina dingi ku u jikinisa; o utuminu iú kà u ehela ku bhita dingi bhu maku ma miji iengi; uene kiá ua kà sasujula o mautuminu mosoʼama anga a-bhua-ku, maji o uene ua kà xalela ni kutumina mu thembu joso katé ku hádia ni hádia.

Hozeia 2:18

Mu kizuua kiná o mahamba mê nga-nda ku a tesela kikutu ni iama ia mukáu, ni jinjila ja bhulu, ni iama i huhutila bhoxi ku mavu; o mufula ni xibhata ni ita nga kà i buikisa-ku mu ngongo ioso. Anga ene nga kà a zekesa muene ni kukondama kuoso sé muthu ku a kuatesa uoma.

Hozeia 2:20

Nga-nda kusakana nʼeie ni kuila eie u kala kiá u fiiele kokuami, eie anga uijiia kiá Jihova.

Jouele 3:2

Miji ioso nga kà i bhongolola, hé nga kà i bhangesa ku kulumuka mu dikôlo dia Jozafate; mueneʼomo-phe kiá, nga kà funda-nâ mukonda dia kifuxu kiami, ni undûndu uami, Izalaiele, a mu muanga-muangena mu jixi kuala ene, ixi iami iá a di uanena-iu.

Mikeia 5:15

O miji ioso iaditunu o kuívua, eme nga kà i vutuila phonzo, kuma nga kà i beta ni njinda ni kutema.

Zakadiia 14:3

Jihova phe ua kà tunda mu kuzoka ni miji ienhiʼii, muene ua kà lua kala kiene kuzoka mu kumbi dia ita.

Zakadiia 8:20

Jihova dia Ifuẋi uambe kiki: Hádia hanji kia-nda kua kà bhita kuma, kua kèza miji ni athu a tungu mu jimbonge ja vulu,

Zakadiia 9:10

Muene ua kà jikinisa o makalu ma ita mʼoxi ia Ifalaíme, ni jikabalu ja Jeluzaleme; ni mufula ua ita ua kà u bukula ue; Muene nʼa kà tula jingolokela ja paze ni kutululuka ku akua jixi; o utuminu uê ua kà di zala tunde ku musanza katé ku musanza ua mukuá; tunde ku honga ia Ufalate katé kua suku oxi.

Jipoxolo 17:31

Mukonda ua xindi kiá kizuua kia kufundisa mundu uoso mu kidi, kua muthu uê ua mu tungula. Nzambi-iú ua tumu ku kʼ ijidisa kua ene oso mu ku mu fukununa ku ʼalunga.

Dijingunuinu 19:11

Anga ngi mona diulu dia jikuka. Ngedi ngi tala, kua moneka kabalu kazela, o ua xikama-ku a mu ixana Fiiele, a mu ixana Kidi. Muène u fundisa mu kidi, u lua ita mu uiukilu uê.

I Samuuele 2:10

Oso a bhânga ni Jihova a kà tolojoka; muene u a numinina tunde mu diulu. Jihova uà fúndisa maẋokololo a jixi. Sobha iê ua kà mu bhana o nguzu ni kutumina ua kà zangeleka o kutena kua muthu uê ua mu undu ni maji.