Mikeia 4:13 - O Mikanda Ikola

¹³ Balumuka, u vunde, eie monʼa kilumba mu Ziione! Mukonda mbinga ié nga kà i bhanga ia felu, o iala ié ia ngòndo; ua kà sanujuna ndumba dia ifuẋi ia miji, futu iâ anga ua kà i bhakuila Jihova, ni umoni uâ kua Ngana, uavu o ixi ioso.

Mikeia 4:13 Iomraidhean Croise

Jisálamu 24:1

Ixi iangene ia Jihova ni jimbongo mu ngongo jê; mua mu tokala muene ni mundu uoso ua tungu-mu.

Jisálamu 68:29

Mukonda dia Tembulu ié mu Jeluzaleme, jisobha jenda ni ku ku bhakuila dingi o maujitu.

Jisálamu 72:10

Jisobha ja Talxixi ni mu ikolo a kà mu bhana o lubhaku; o jisobha ja Xeba ni Saba ja kà mu bhekela maujitu.

Izaía 18:7

O Kifuẋi-phe kia athu a lebha, ala ni kikonda ki lujela, o mundu ua ẋinuka tundé ukulu, katé ku pholo; kifuxi kia kubhunda, a bhindamena kutumina, kifuxi ki talesa hadi, ene mʼoxi iouane ku jingiji, mu thembu ienhoio a kà bheka ujitu kua Jihova diua Ilômbo Ieta, bhu kibúta kia dijina dia Jihova dia Ilômbo Ieta, ku mulundu ua Ziione.

Izaía 21:10

Uaué, tata, kibetelu kiami; Uaué taté! Tiliku ia kibhâmba kiami kia kuvundila! Nga mi tudila kioso ki ngevu kua Jihova dia Ilombo Ieta, muene Nzambi ia Izalaiele.

Izaía 23:18

Anga o uenji uê ni futu iê ia undumbu a kà i bhakula kua Jihova; ku i lunda kana, ku i bhaka ue kana; maji uenji uê ua kà tokala ió oso ene ku nanga bhu pholo ia Jihova, phala adie katé ki ekuta, a kale ni kizuatu kia kolo, kinanga, kia makembu.

Izaía 5:28

O matoma ma mifula iâ, ma kà songoloka, ni mifula iâ ioso, muene, iolama; o ikoto ia jikabalu jâ, ufika kala ʼtadi dia holototo, o malola ma makalu mâ malenga mukua ni ngumba ia kitumba.

Jelemiia 51:20

Eie eie u kiṗhuṗhilu kiami, eie u mata mami ma ita, ngi sasujula miji ioso ni eie, sobha joso ngi ji sengulula nʼeie.

Jelemiia 51:33

Mukonda Jihova dia Ifuẋi, Nzambi ia Izalaiele, uambe uixi: O monʼa kilumba ua Babilonha uedi kala dizanzu (kienda) bhu kumbi dia kuvunda jimbutu; kua mu xala ngó kithangana kumbi dia kumuna di bhixila.

Daniiele 2:44

Maji, mu izuua ia jisobha jenhiji, o Nzambi ia diulu ua kà bhekaku o utuminu ki u xikina dingi ku u jikinisa; o utuminu iú kà u ehela ku bhita dingi bhu maku ma miji iengi; uene kiá ua kà sasujula o mautuminu mosoʼama anga a-bhua-ku, maji o uene ua kà xalela ni kutumina mu thembu joso katé ku hádia ni hádia.

Hozeia 10:11

Mbata Ifalaíme ua di bhange mukua ni kangombe kʼolonge, kʼejidila kiá kutitidila masa ni tiliku bhu dizanzu; maji mu xingu iê muene mua uabhʼomo, muene mu nga-nda kutula o kanga iami; Ifalaíme nga-nda ku mu kutila ku dikalu kala kabalu; o Juda ua-nda kudima, jakobo anga u kaiela ni kubula makende.

Mikeia 5:7

O mbandu ia subhuka-bhu ia Jakobo anga ia kà di funga mu akua miji iandumba, a kà di bhanga kala o dimume dia tundu kua Jihova, a kʼèla kala mvula ia kizeke ki i sukila ku thandu dia sabhelela, ia bhingi ki i kinga kima ku muthu, mba idielela kima kioso-kioso ku anʼathu mu kunoka kuê.

Habakuke 3:12

Jihova ixi ua iendela ni njinda, o miji ua i titidila ni kutema kuê.

Zakadiia 12:3

Kizuuʼokio Jeluzaleme nga kà mu bhanga ditadi dia neme phala miji ioso; oso a kà di zangula, dia kà sasujula; miji ioso mu ngongo ia kà di bhongolola mu ku mu bilukila.

Zakadiia 12:6

Bhu kumbi dieneʼodio o ilamba mua Juda nga kà a kitula kala dikala dia túbhia koxi dia jihuinhi; a kà di bhanga kala kixinji kia túbhia mu ita ia iangu; ni ku dilu ni ku kiasu a kà jikinisa ifuẋi ioso mu jimbandu, anga mu Jeluzaleme mua ka tunga dingi athu lua mukuá bhu kididi kiê, mu Jeluzaleme muene.

Zakadiia 4:14

Bheneʼobho muene uixi: Ene o kiiadi, kiondu ni maji, ene bhu pholo ia Jihova uavu ixi ioso.

Zakadiia 6:5

Anju anga u ngi vutuila, uixi: Iá, iene itembu i uana ia diulu, iala mu ku tunda ku ia kexile bhu pholo ia Jihova uavu ixi ioso.

I Kolindo 16:2

Mu kizuua kia dianga ku semana, kala muthu mudienu a katule kakitadi, a ka lunde kididi, kioso kia soko mu kulenda kuê. Mbe hadia ki ku bhinge dingi kubhanga mukungu hinu ki ngi mi sanga.

Matendelelu 33:25

Sabhatu ié felu ni utadi; uzonda ué usoke ni izuua ié i u kola muenhu.

Josuué 6:19

Maji o phalata ioso-phe, ni ulu, ni itutu ia ngôndo, ni felu, iangene i kôla ia Jihova; kikale iza mu dilundilu diê.