Mikeia 3:8 - O Mikanda Ikola

⁸ Maji eme-phe, ni kidi kiene, ngi kala mu kuizala ni nguzu ia Nzumbi ia Ngana; ngezala ni kutetuluka mu kubatula milonga, ngezala ni kusuína kua kutangela Jakobo o kutondala kuê, ni Izalaiele o kituxi kiê.

Mikeia 3:8 Iomraidhean Croise

Jobe 32:18

Kuma ngala ni ia vulu ia kuzuela, nzumbi iami ia ngi sakalala phala ku i tanga.

Izaía 58:1

Dikole ni dízui dia suina, ku dixibhe, zangumuna dízui dié kala koloneta, uidikize athu ami o kikuma kiâ, o dibhata dia Jakobo ue idika-diu o ituxi iâ.

Izaía 61:1

Nzumbi ia Ngana Nzambi ua ngi tula ku thandu; mukonda o Ngana ua ngʼundu kutudila jingadiama njimbu ia mbote; ua ngi tumu kusaka oso ala ni kikote mu muẋima; ni kuxika ngonge ia ufolo ua abhika, ni kujikula o jikaleia phala kujituna oso a a kuika.

Izaía 61:2

Ni kukola o muvu ua Ngana ua kubhanduluka, ni kizuua kia phonza i tunda kua Nzambi ietu, ni kukonda o malamba kua enhoso a tate;

Jelemiia 1:18

Mbata, talesaze, lelu ngala ku ku bhanga u mbonge ia difikidila, u ngunji ia felu u imbaka ia ngondo, ulue ni oxi iosololo, jisobha ja Juda u ji lue, makota mâ u ma lue, jinganga jê u ji lue, povo iaʼxi u i lue,

Jelemiia 20:9

Bhenhobho-phe, eme ngixi: Kuabhu nga te maka, nguami dingi ku tanga kima mu dijina dié. Maji-phe o maka mé mu muẋima uami medi kala túbhia, tua uama, tuʼojikile mu ifuba iami; nga bhuila ni kutala hadi, nga lémbua kiá.

Jelemiia 6:11

Mu kiki ngezala ni njinda ia Jihova; nga bhuila kiá, ki nga tena dingi ku i fudisa: ngi i lunduluila mu nzunga, ku thandu dia tumbonga ni bhu mabhongolokelu a minzangala bhuamoxi; kuma katé ni diiala ni mukajiʼê a kà a kuta, ni ua kuka kumoxi ni ió uezala ndumba dia izuua.

Kuditenda 2:14

Misesedi ié, a ku zambuila makutu ni usemenhi; ka ku tukuluila o ufusa ué, phala ku ku dimuna; hinu ki kua kuiza kuia ku ubhika; maji ene a ku zambuila imbamba ia makutu ni usemenhi, iene ia bhangesa ku ku bheka ku ubhika.

Izekiiele 16:2

Monʼa diiala, Jeluzaleme mu ijidise o maufusa mê,

Izekiiele 20:4

Eie monʼa muthu, tata, o iá ua-nda ku a fundisa, u a fundisa muene? ijidisa-u-phe o maufusa a jitata jâ;

Izekiiele 22:2

Eie-phe, monʼa diiala, ua kà fundisa, ua kà fundisa o mbanza ia kijibhanganga? O maufusa mê moso-phe, muʼijidise na-u muene.

Izekiiele 23:36

O Jihova anga u ngambela, uixi: Eie monʼa diiala ua-nda kufundisa muene Ohola ni Oholiba? A londekese-phe o maufusa mâ.

Izekiiele 3:14

Bhenhobho, Nzumbi ia Nzambi ia ngi zangumuna, ii ia ngʼambata; eme anga ngiia ni dilamba dia vulu mu kikenene kia! muenhu uami; maji o lukuaku lua Jihova lua kexile ni nguzu iavulu ku thandu diami.

Izekiiele 43:10

Eie-phe, tata, monʼa diiala, o inzu londekeza na-iu o muiji ua Izalaiele, phala a kale ni sonhi ja ima iâ iaiibha; a katule phangu ku inzu ienʼiii.

Matesu 7:29

Mukonda muène ua a longo ni kijingu kia Ngana, ki kiene kiene kulonga jimesene jâ, jene ku a longa o Kitumu.

Marku 3:17

Ni Tiiaku, monʼa Zebedeu, ni Nzuá pange Tiiaku; enhá ua a luka dingi dijina dia Beneleje, dijina dia kuila: Anʼa Kinuminu kia Nzaji;

I Kolindo 2:4

O kuzuela mu kulonga kuami-phe, ni njimbu iami i nga boka jinga, ki kua kexile kua maka ma kaiela mu unjimu ua uzuelelu ua athu, maji kua kexile kua maka ma kaiela mu unjimu ua uzuelelu mu uijidisu ni nguzu ia Nzumbi ia Nzambi.