Mikeia 3:6 - O Mikanda Ikola

⁶ Uila kiki, hádia ku mʼiza usuku, phala upolofeta ubhue-ku, kuiza kuvunda phala ni kuzambula ki kua kà kala-ku dingi; jipolofeta jiji dikumbi dia kà a vundila, o muanha ua kà biluka kitombe kiedi muene buí.

Mikeia 3:6 Iomraidhean Croise

Jisálamu 74:9

Ki bhuala dingi ijimbuete ietu, kana-bhu dingi musèsedi; kana muthu mu dietu uejiia o uíndua iú, mba ua kà suka bhebhi.

Izaía 29:10

Mbata Jihova ua mu lunduluila nzumbi ia kilu kia muioko-ioko; o jipolofeta ja di bhange ene o mesu menu, a a jika; ni ilôlo ienu, akua-lumono, kiòmuene.

Izaía 59:10

Tua mu babajalela ku iphapha kala tu ifofo, kidi muene, tua mu zuzuta kala athu a kambe o mesu; katé ni ku mediia tu dibhukajana kala kuala kitombe, tua batukila mua vundu kala tu madifundu.

Jelemiia 13:16

Jingisenu Jihova, Nzambi ienu, kiosuʼiki kitombe ki kieza luua, kiosuʼ ʼiki ue o inama ienu kiluua i di bhukajana ku milundu ia vundu, ni usuku uila bui; mu kuila enu mua kingile mukengeji, muene hé u u bilula kizenji kia kalunga, anga u bheka-ku kitombe.

Jelemiia 15:9

Kivuadi ua vualele sambuadi, ua zondo; muenhu uê ua mu-bhu; kumbi diê dia mu fuila kiá, sumbala mu muanha hanji; muene ua tandanganha, sonhi ja mu kuata; oso anê a mu subhuka-bhu, nga-nda ku a bhakula ku xibhata, bhu pholo ia jinguma jâ, Jihova ua ki tange.

Jelemiia 18:18

Bhenhobho ene exi; Izenu tu di kunde kioso ki tu bhanga mu kununguna Jelemiia; kuma-phe o ngonge ia nganga mba kaiula ka ngambi, mba kizuelu kia musesedi ki iene kufula: izenu tu mu kuame ni dimi, maka mê oso-oso, kana dingi kua evua.

Izekiiele 13:9

O lukuaku luami lua-nda kubilukila o misesedi a mona kingoho ni kuzambula makutu; o mu kionge kia mundu uami ene ka kà kala-mu, mba ku a soneka mu jindunda ja muiji ua Izalaiele, né ue ngó kubokona mʼoxi ia Izalaiele; nda mu kʼijiie kuila eme-muène ngi Ngana dia Jihova.

Izekiiele 7:26

Kua kʼèza uíndua mu uíndua, anga kua kà balumuka kilungutu mu kilungutu; kienhokio-phe a kà sota polofeta phala ku a tangela kisukila, maji o nganga katé ni kitumu kia kà mu jimba muene lalá, o adiakime a lémbua o kaiula.

Amoji 8:11

Jihova Nzambi ua tange, uixi: Tala-ze, izuua i iza, nga-nda ku mi tumikisa nzala mu ngongo; ki nzala ia kudia kúdia, mba dinhota dia kunua menha, maji nzala ia kuívua maka ma Jihova.

Mikeia 2:6

Ki mu tange maka ma upolofeta; akua kutanga maka mu upolofeta kà ka ki zuele dingi kuila jisonhi ki ja-nda ku tu bhua.