Mikeia 2:12 - O Mikanda Ikola

¹² Ni kidi kiene, hádia ngi ku bhongolola ni kivimba kioso, eie Jakobo; ni kidi muene, hádia ngi bhongolola o mbandu ia Izalaiele ia xala-bhu; ene oso nga a bhongolola anga nga ongeka bhu kididi kimoxi kala jimbudi ja Bozola; ela kala kilunga kiala muaxaxi ka kibhanga kiâ; ki nga a bhongolola a kà lunguta ni kuta jibuia javulu mukonda dia mundu kuvula.

Mikeia 2:12 Iomraidhean Croise

Dimatekenu 36:33

Bela anga ufué, o Jobabo monʼa Zela anga u bhingana bhu kididi kiê.

I Malunda 1:44

Bela hé ufua, bhu kididi kiê mu kutumina bhu bhingana Jobabe, mona a Zela mukua Bozela.

Izaía 11:11

Mbata kia kà bhita kuila, Jihova mu kizuua kieneʼokio ua kà vutukila kuta lukuaku luê mu kuondolola dingi o masubhu a mundu uê, a subhuka ku Asídia, ni ku Ijitu, ni ku Pátulu, ni Itiiópia, ni ku Elame, ni ku Xiniiale, ni ku Hamate, ni ku ikolo ia kalunga.

Izaía 27:12

Anga kia kà kala-phe kiki, kuila: Mu kizuua kiná, Jihova kia kà bhiata o idima iê, tunde ku mixinji ia ngiji, katé ku honga ia Ijitu, enu uenu, mu anʼa Izalaiele, a kà mi nona mu umoxi-umoxi.

Izaía 34:6

Xibhata ia Jihova iezala ni manhinga, u sanga ia beketa ni banha ia manhinga ma tumbudi ni isutu, ni banha ia ana-sonhi a ilumbe; kuma Jihova uala ni sata mu Buzola, uala ni kijibha mʼoxi ia Idomo.

Izaía 5:17

Kieneʼokio-phe o ana a jimbudi, kúdia kuâ kua kalé, mukua ni mu makèla mâ; akua makanga a kèza mu dia ima ia xie mua titidila o mazonda.

Jelemiia 23:3

Anga eme-muène ngi bhongolola joso ja subhuka ku jimbudi jami, ngi ji takana ku jixi joso kua ji kaielele anga ngi ji vutula dingi mu ibhanga iê, hé ja kà di vuala anga ji sokoloka muene.

Jelemiia 3:18

Mu izuua momo dibhata dia Juda ni dibhata dia Izalaiele a-nda kuendela bhuamoxi; hadia a kʼèjila bhuamoxi mu tunda kuʼoxi ia kusuku nʼeza mu ixi i nga bhanene jitata jâ mu ubhinganu.

Izekiiele 34:11

Mukonda o Jihova Nzambi uambe kiki, uixi: Tala-ze, kuma eme, ememuène muene, nga-nda kusota o mbudi jami, inga ngi ji takana.

Izekiiele 34:13

O mu ifuẋi anga ngi ji katula-mu, anga ngi ji tundisa mu jixi ja vula matelu, anga ngiza na-ju mu ixi iâ, hé nga kà jʼingila mu milundu ia Izalaiele, bhu mbanduʼa jibungulule ja menha, ni mu mabhata oso aʼxi.

Izekiiele 34:22

Eme-phe o jimbudi jami nga-nda ku ji bhulula, mbé ki ji kale dingi ja kuenda ni kunhanʼé ngoho, hé nga kà fundisa o tuibhaku tuofele bhu kaxi ni tuibhaku tuofele.

Izekiiele 34:31

Enu-phe, tata, mu jimbudi jami, jimbudi ja dikèla diami, muala ngó mu athu, maji emeʼeme ngi Nzambi ienu, kiene kia tange Jihova.

Izekiiele 36:37

O Jihova Nzambi ua tange kiki, uixi: Mu kienhiki hanji o muiji ua Izalaiele a-nda ku ngi bhinga-kiu; kuila nga kà a sokoluela athu kala kilunga kia ibhaku.

Izekiiele 37:21

Hé u a ambela-phe, kuma: O Jihova Nzambi uambe kiki, uixi: Talenu, kuma o anʼa Izalaiele nga-nda ku a katula muʼaxaxe ka miji mua di takuila, hé ku jimbandu joso ngʼa bhongolola-ku, ni nga a bheka mʼoxi iâ.

Hozeia 1:11

O anʼa Juda-phe ni anʼa Izalaiele a kà di phopha bhuamoxi, anga à kala kiá ni dikota dimoxi; anga a ka tomboka kʼoxi, hé a banda mu jixi; mbata o kizuua kia Jezelele kia-ndu kala kiónene.

Amoji 1:12

Mukonda dia kienʼiki Temane ngi mu ta mu túbhia ni tua kà jikinisa jinzu ja matala-matala mu Bozola.

Mikeia 2:13

Mukua kubula mazungu ua kà a diangela ku pholo: ene a kà mu kaiela a kà bokuena anga a kà tundila bhu muelu; sobha ià ua kà a tuamenena, Jihova muene ua kà a kala ku pholo.

Mikeia 4:8

Eie-phe, eie u ditala dia dileka dia kilunga, eie u mulundu ua monʼa Ziione ua muhatu, ko-kué eie muene, kuene kuà kʼeza o kutumina kua xahulu, o utuminu ió ua monʼa kilumba, Jeluzaleme.

Mikeia 5:7

O mbandu ia subhuka-bhu ia Jakobo anga ia kà di funga mu akua miji iandumba, a kà di bhanga kala o dimume dia tundu kua Jihova, a kʼèla kala mvula ia kizeke ki i sukila ku thandu dia sabhelela, ia bhingi ki i kinga kima ku muthu, mba idielela kima kioso-kioso ku anʼathu mu kunoka kuê.

Mikeia 5:8

O mbandu-phe ia subhuka-bhu, ia Jakobo, anga ia kà kala mu kaxi ka miji ioso, muʼaxaxe ka ifuẋi ia ndumba, mukuâ ni hoji muʼaxaxi ka iama ia mukáu mu muxitu, kala kamunzangala ka hoji muʼaxaxi ka ilunga ia jimbudi; kuma iene ki i bhita, ua kàia ni kujikuata ni ku ji jibha, anga ji di bhanga mbole iê, o u ji kudila ka moneka.

Mikeia 7:14

Ni dikoue dié, enda ni kuinga o muiji ué, mukonda kiene o kilunga kia undu-ndu ué, kia tunga kì kia kalé ngó ubheka uê mu ditutu, mu kaxi ka ixi ibhakula kiambote o idima; ua engila mu Basane ni mu Ngiliiade, phala a kà dile mueneʼomo kala mu izuua ia xahulu.

Mikeia 7:18

Nzambi, nanhi muene u soka nʼeie, eie u loloka o ituxi anga o kubhukumuka kua mbandu ia iá a subhuka ku undundu ué u ku jimba kiá? Ngana kene kuila o njinda iê u i bhaka katé ku hádia ni hádia, mukonda muene kia mu uabhela kiavulu, o ku kuatela henda.

Sofoniia 3:20

Mu izuua ienhoio nga kà mi vutula dingi, anga ngi mi bhongolola; ni kidi muene, eme nga ka mi bhana dijina ni diximanu muʼaxaxi ka mundu uoso mu ngongo, kioso ki nga-nda kuendesa mu kuvutula dingi o mundu uenu a kexi ku ubhika, bhu pholo ienu muene, Eme ngi Jihova nga ki ambe.