Mikeia 1:7 - O Mikanda Ikola

⁷ Iteka iê ioso iobhange ni maku a ka i bukujula, ni itadi ioso i a mu futu ku maufusa mê a kà ioha mu túbhia, mahamba mê moso nga kà ma bhuisa-ku mukonda ua a sumbu ni kitadi kia undumbu ué, mʼa kà biluka mukuâ ni futu ia muhetu ua kidianzunga.

Mikeia 1:7 Iomraidhean Croise

II Malunda 31:1

Kioso o ima ioso iii ki iabhu, akua Izalaiele oso a kexile bhobho, a katuka, aia mu jimbonge ja Juda anga o iteka a i bula-bula, mixitu a i koka, mu Juda ioso ni mua Bejamí a sengulula-mu o matala moso ni jikalatódio, kiene ue kimoxi mua Efalaime ni Manasa, katé ima ioso kia i sengulula; kuabhu-phe, ana oso a Izalaiele a vutuka kiua, muthu uia kokuʼâ, muthu uia kokuʼâ, mu jisanzala jâ.

Izaía 2:18

Ni mahamba oso a kà jikinina muene, nzaká!

Izaía 23:17

Kuma Jihova, kíbhua makuinhi-sambuadi a mivu, ua kà zungila dingi Tilu, o muene-phe uà kʼalukilʼé dingi nganhu iê ia udianzunga, o mautuminu oso ene kulu-dia-mundu ua kà bhanganâ undumbu.

Izaía 27:9

Kienhiki-phe, o kikuma kioso kia Jakobo, a kà ki bhuisa-ku ni kiamenga; o kiki kia kà kala kiene o kibundu kia kukatula o kituxi kiê kioso, kioso. O Jihova muene kia-nda kubhanga o matadi oso a kalatódio kala matadi ma hala a ma bula-bula; kieneʼokio ue, o mixitu ni iteka ia lumbidile o dikumbi, ki ia kà tena dingi kuimana.

Izekiiele 6:6

Mu ididi ienu ioso ia kutunga, o jimbonge a mi muangena-ju, o ididi ienu ia di-leka matala i xala bhoxi-mavu; mbebhu o jikalatódio jenu a ji sengulule ji xale bhoxi-mavu, o iteka ienu i budijike, ibhue-ku, o iteka ia idifua ia makumbi a i batujule phala o ikalakalu ienu i kituke kingoho.

Hozeia 2:12

O mivide iê ni mifiku iê nga ka i buikisa, ioio iambe muene, uixi: lene o futu iami ia ngi bhana kuala o jisaii jami. Eme-phe nga-nda ku i kitula mixitu, anga iama ia mukáu ia kà i dia.

Hozeia 2:14

Talesa, eme-phe nga-nda ku mu sunga, anga ngiia-nê ku mukáu mu kikangalakata, o kuenhoko anga ngi mu tela maka ma mu sungisa kilunji, a mu tula mu muẋima.

Hozeia 2:5

Kuma mamʼâ ua te jiphànda; ió uoso ua emitine ua bhange isunji; o ujitu uoso ua di katula-u; mukonda muene uambe, uixi: Eme nga-nda kulandula o jisaii jami, ene mu ngi bhana o mbolo iami, ni menha ami, a ngi bhana o lâ ni linhu iami, a ngi bhana o majiʼami ni maluvu a kúnua.

Hozeia 8:5

Eie Samádia kangombe ké a ditunu-ku; o njinda iami ia a uamena muene! Katé bhebhi bhua kà suka ene ni kukamba ku di zelesa?

Hozeia 8:6

O kiki ue kia tundu kua Izalaiele; hete ia ufunu ua Já iudika. Iene ki Nzambi, kana. A-nda ku ki sasujula-phe anga kibhua-bhu kia kangombe ka Samádia.

Jouele 3:3

Kifuẋi kiami a ki tela muondona, a bhana kamona ka diiala mu ku tambula muhatu ua ndumbu, kamona ka muhatu a mu sumbisa mu vinhu, mbé o kúnua.

Ijila 26:30

O jikalatódio jenu ngi ji lundumuna, o jiphiladi jenu ji mua tela o dikumbi, ngi ji muanga-muanga; o imbi ienu ngi i lumala kuthandu dia imbi ia jinzambi jenu; ni muenhu uami uene ki ua-nda ku mʼinda dingi.

Matendelelu 23:18

Kioso ki uiza mu kumbidila hasa ié mʼonzo ia Jihova Nzambi ié, kana kubheka-mu kitadi kia lumbula kidianzunga mu uuaia, mba suilu iatundu ku uenji ua imbua i ua sumbisa. Mbata ima iiadi ienhiʼii Jihova Nzambi ié ua di zemba na-iu, kuma ufusa.

Matendelelu 9:21

Nga zangula o kikalakalu kia kituxi kienu, o kangombe ku mua iudikile, nga ka jikatesa mu túbhia, nga ka tuzala katé ki ka kituka fufuta; o fufuta iê eme nga i texe mu kahonga ka tundu ku mulundu.

Dijingunuinu 18:3

Kuma o mu kùnua vinhu iê i salukisa ia undumbu, muene mua di bhalela akua jixi joso. Jisobha mu ngongo ja bhangele-nê undumbu, o jingenji mu ngongo ja funine itadi mu ufusa uê uatundu!

Dijingunuinu 18:9

O jisobha mu ngongo, joso ja bhangele-nê undumbu, ende-nê mu ukumbu, a-ndu dila jingololo, kia kà talesa o dixi diê mu kùbhia.

I Samuuele 5:4

Kia balumuka dingi mu kimene, kizuua kia mukuá a sanga Dangoni ua dibhale pholo bhoxi, bhu pholo ia álaka ia Jihova; ni mútue ua Dangoni, ni makanda mê ma maku a batukila bhu phidika ia muelu bhua di bhalela, Dangoni ua subhuka ngó ni mbunda iê.