Mikeia 1:5 - O Mikanda Ikola

⁵ Ioso iii ia kà bhita mukonda dia kubaluka kua Jakobo, ni ituxi ia dibhata dia Izalaiele. Jakobo-phe kutondala kuê kuahi? Ki muene Samádia? O Juda ididi iê ia dileka iebhi? Ki muene Jeluzaleme?

Mikeia 1:5 Iomraidhean Croise

I Jisobha 11:7

Bhenhobho Solomá, ku mulundu uala ku pholo ia Jeluzalame hé u tunga-ku kididi kia ditala, phala Kamo, o kisunji kia akua Mouabhe, ni kia Moloke, o kisunji kia anʼa Amone.

I Jisobha 13:32

Mukonda ni kidi muene hádia ki tenena kia dikolele muene mu kizuelu kia Jihova mu kuêlesa o kalatódio kala mu Betele, kala kiêlesele ue o jinzo joso ja ididi ia matala ma di leka jala mu jisanzala ja Samádia.

I Jisobha 16:24

Anga u sumba o mulundu ua Samádia kua Semele, mu talendu jiiadi ja phalata; anga u tunga dibhata ku mulundu, o sanzala ia tungile ku mulundu ua sumbu kua Semele, u i luka dijina dia Samádia, kifua ua luku Semele ngana ia mulundu ua Samádia.

II Malunda 34:3

Mukonda o kioso kia bhixila mu muvu ua kanake ua utuminu uê, kioso kiala hanji mona-ndenge, kiene kia mateka ni kusota o Nzambi ia tatʼâ Davidi; o kia tula mu muvu ua kakuinhi ni kiiadi, kiene kiá kiandeka o kuzelesa Juda ni Jeluzaleme ku matala ni ku mixitu ni ku iteka ia kusonga ni ia kuzunza.

II Malunda 34:4

O jikalatódio ja Bale ua jimanena mu ku ji bula-bula; muene anga u batujula o iteka ia dikumbi ia kexile ku thandu dia jikalatódio; ni mixitu ni iteka ia kusonga, ni iteka ia kusula, ua i bula-bula iú ua i zuku katé ki ia kituka fufuta iú ua i sangela ku thandu dia jimbila ja oso a kexile mu ku i satela.

Izaía 7:9

Hé kima, o Dikota mu Ifalaími ua ká kala Samádia, o muadiakimi mu Samádia o monʼa Lemadiia; O kienhiki, se mu kamba ku ki xikana, ki mu tena dingi kunangenena.

Jelemiia 2:17

Mbé o kiki kʼeie muene ua di sotelè-kiu, o kuxa Jihova Nzambi ié, bhu kithangana kia muene ku kuendesa mu njila?

Jelemiia 2:19

O usuéia ué ua-nda ku ku bhana njumbu, mauendelu mé ma kuselumuka ene a-nda ku ku bazela: tuma-phe ku kʼijiia u di muene-kiu kuila o kuxa Jihova Nzambi ié, kima kiaiibha, ki ludisa mu kanu, ni ku kamba eie o uoma uami-eme, kiene kiambe Jihova dia Ilombo Ieta.

Jelemiia 23:13

Mu jipolofeta ja Samádia nga di uana-mu lusebu; a kuata ku zambuila kua Bahale ia a luezesa o mundu uami ua Izalaiele o njila.

Jelemiia 23:14

Maji mu jipolofeta ja Jeluzaleme nga di uana-mu kisunji kionéne: èhé, a kuata ku-ta o jiphanda, a di-ambatesa ni kádia, o maku ma ingumba ene dingi a ma suinisa, mbé a lémbue kudiela o ikuma iâ; o ki nga ela suí, edi kala Sodoma, akua-bhata momo, mukua ni Ngomola.

Jelemiia 4:18

O uendelu ué ni ikalakalu ié iene ia ku seiela ima ienhiʼii: o kiki kiene o kikuma kié, o kulula kue kuavulu ku ku bhixila katé ku muẋima.

Jelemiia 5:25

O ikuma ienu iene iène ku fudisa o ima ienhiʼii, o ituxi ienu iene i mi sondolola o mbote.

Jelemiia 6:19

Ivua kunu, eie u ixi! Talesa, o mundu iú nga-nda ku u bhekela kibhidi, kia tundu mu kibundu kia ixinganeku iâ-ene; mbata maka mami kala ku ma suua, o ngonge iami ue a di tunu-iu.

Kuditenda 5:16

Kitundu ku mútue kia tu laúka. Kokolo dietu, tata, kuma tua te ituxi!

Izekiiele 16:46

O kota dié dia muhetu, muene Samádia, ua tunga ku mbandu ié ia kiasu ni anʼê a ahatu; o ndengʼié ia muhatu, ua tunga mbandu ié ia kúdia muene Sodoma ni anʼê a ahatu.

Hozeia 7:1

O ki ngedi-ze ngʼilule Izalaiele, kua tukuluka o phulu ia Ifalaíme; kua tukuluka ue o ikuma ia Samádia; mukonda ene a bhange mangonha; mbata o muii u bokona mʼonzo, o kilômbo kia ingumba ki bhûndila kunu ku kanga.

Amoji 6:1

Oso ala kiá ni kunhoha mu Ziione, kokolo diâ! Ni oso a di mono ku kondama ku mulundu ua Samádia, lamba diâ! Kokolo dia ilamba ku miji ia dianga mu ngongo, edi o kokuâ kuene kua mu lengela o dibhata dia Izalaiele.

Amoji 7:9

O matala-phe a Izake a kà a sengulula, ni ididi ikôla mua Izalaiele a kà i sengulula-mu; anga nga kà zangumuka ni xibhata mu ku zoka ni dibhata dia Jelubouamu.

Amoji 8:14

Oso akua kulokela ku Dihamba dia Samádia, ni kuila: Kidi muene, mukua ni kiene kulaia o nzambi ié, eie Dane! mba ela: Kidi muene-ze, mukua ni kiene kulaiela kua ió uene ku ku kondeka, eie Bele-Seba. A kala kiki, a kà dibhala anga a xalela, ka kà tena dingi kubalumuka.

Mikeia 1:13

Eie muhatu ua tunga bhu Lakiji, ku dikalu kutila-ku mikete i lenga kiambote; mbata bhobhué eie, bhene bhua tundu o kulueza kua monʼa Ziione ua muhatu; mukonda o kutondala kua Izalaiele kuene kumoxi ni kua sange momué.