Mikeia 1:4 - O Mikanda Ikola

⁴ O milundu bhoxi dia inama iê ia kà sengumuka, ni jihonga ja kà dibula misula mukuâ ni kixila kia uiki kia zukama ku túbhia, mukuâ ni menha ki ma lundumukina mu dikenhe.

Mikeia 1:4 Iomraidhean Croise

Jisálamu 46:6

Matumbu edile ni ene bulukutu, o ilômbo ioso ia salumukine; maji muene uedi ngó u zuela, ixi ioso ia botomoka!

Jisálamu 68:2

Mukuâ ni dixi kia di kaia kuala o kitembu, ene ue a a kaie; mukuâ ni sela ki i sangumuka ku túbhia, kiene ue isuéia i buile bhu pholo ia Nzambi.

Jisálamu 97:5

Milundu ia sengumuka kala sela bhu pholo ia Jihova, bhu pholo ia Ngana uavu o ixi ioso.

Amoji 9:5

Kuma Jihova, Jihova dia Ilômbo Ieta, Muene ngó ua bhingi kuila se oxi u i tuta ngó, iene i sengumuka, o ene oso a tungu-mu a dila jingololo ja kalunga! O ixi iene-phe ienda ni kubanda kala kihonga kionéne kia mu di bhanga masenza, hé ia kà jikinina mukua ni ngiji ia Ijitu.

Nahumu 1:5

Bhu pholo iê milundu ia makota itunguta, o milundu iofele isengumuka; oxi ia kà di nhikisa bhu pholo iê, ni ngongo, ni oso a tungu-mu.

Habakuke 3:10

O milundu ia ku mono, ì ia teketa; kua bhiti kihungulule kia menha; o dikungu dia mukiukuluku, ki di moneka hole, a dʼivu dízui diê ni kuleka muene o maku mê bhulu.

Habakuke 3:6

Uemana, anga u kala mu kuzonga ixi; ua tale, iu ua uanununa o miji; o milundu iòkulu i sekumuka anga i kituka fufuta, o tu-thuthulundu tua makulu ni makombe, tu senguluka, anga tu jikinina, maji o jinjila ja Nzambi ja kaiela-ku.

Zakadiia 14:4

Mu kizuuʼokio-phe, inama iê ia kà tula ku mulundu ua Midiva, ua lulama ni Jeluzaleme ku mbandu ia Mutundila-Kumbi; o mulundu ua Midiva a kà u jikula muʼaxaxe, mbandu iii kuthunda, o mbandu ia mukuá ku luiji; kienhókio bhua kà kala dikôlo dia dikota kinéne bhuʼaxaxe; anga mbandu ia muvimba ia mulundu ia kà uanunukina ku Suku o ia mukuá ku Sulu.

Dijingunuinu 20:11

Kia bhiti imʼíii, nga mono kiandu kia dikota kizela, ni muène ua xikama-bhu. O mu kulenga pholo iê, oxi ni diulu ia jimuka, ki ia moneka dingi ku mesu.

Afundixi 5:4

Há! Eie u Jihova, ki ua tundile ku Seíle, ki ua kuata kuenda mu mukáu ua Edomo, oxi ia tunguta, katé ni maúlu ma zenzama ni kumbomba menha, o matuta mavundu ma sonona menha.