Mikeia 1:3 - O Mikanda Ikola

³ Talesa kuma o Jihova u tunda bhu kididi kiê, ua kà tuluka anga ua kèndela ku ididi ia dileka iaʼxi mu ngongo.

Mikeia 1:3 Iomraidhean Croise

Jobe 40:12

Tonginina oso a di zangeleka, eie u a bhane kusebuluka, akua phulu diota na-u ku thandu bhu kididi kiâ.

Jisálamu 115:3

Etu Nzambi ietu-phe uene mu diulu; mukua kubhanga ioso iandala.

Izaía 25:10

Mukonda lukuaku lua Jihova luanda ku tula ku mulundu uenhú; maji Mouabhe a-nda ku mu bhiatela muene bhu kididi kiê, kala kiene kubhiatela o ibhiáxi bhu dixita.

Izaía 26:21

Mbata, tala-ze, Jihova ua kà tunda bhu kididi kiê, nda uiza kubhana o njumbu ku iá a tunga mu ngongo, mukonda dia ikuma iâ; o ixi ia kà tukulula manhinga mâ, ki ia kà sueka dingi ió oso a a jibha.

Izekiiele 3:12

Anga o Nzumbi ia Nzambi u ngi balumuna, hé ngivua, ku dima diami, dízui dia mutendu ua dikota, dia tokomoka tundé bhu kididi kiê, diexi: O unéne ua Jihova u tane-ku!

Amoji 4:13

Kuma Muene, muene uombu o milundu iu ua iudika ue o kitémbue, u tanga ixinganeku ia muthu, kimene u ki bhilula usuku, mavu u a bhita bhu thalʼèlele; dijina diê Jihova, Nzambi ia Ilômbo Ieta.

Amoji 9:5

Kuma Jihova, Jihova dia Ilômbo Ieta, Muene ngó ua bhingi kuila se oxi u i tuta ngó, iene i sengumuka, o ene oso a tungu-mu a dila jingololo ja kalunga! O ixi iene-phe ienda ni kubanda kala kihonga kionéne kia mu di bhanga masenza, hé ia kà jikinina mukua ni ngiji ia Ijitu.

Habakuke 3:19

Jihova, Nzambi, muene nguzu iami, muene ua kà suinisa inama iami ni i sokela ni ia jihoha ku milundu, ua kà ngendesa mu ididi ia di leka!

Zakadiia 14:4

Mu kizuuʼokio-phe, inama iê ia kà tula ku mulundu ua Midiva, ua lulama ni Jeluzaleme ku mbandu ia Mutundila-Kumbi; o mulundu ua Midiva a kà u jikula muʼaxaxe, mbandu iii kuthunda, o mbandu ia mukuá ku luiji; kienhókio bhua kà kala dikôlo dia dikota kinéne bhuʼaxaxe; anga mbandu ia muvimba ia mulundu ia kà uanunukina ku Suku o ia mukuá ku Sulu.

Matendelelu 32:13

Muene ua mu endesa ku thanduʼa jixi, kala ku kabalu kuala; ua mu dikila ni jimbote jaʼxi, ua mu xibhisa uiki u tunda mu ditadi, ni maji ma tundu ku ditadi dia kolo.

Matendelelu 33:29

Kuzediua kué Izalaiele, tata! Nanhi ua soko nʼeie? Kifuẋi kiòbhulule kuala Jihova, muene o ngubu ié ienda ni ku ku banda. Muene ue o xibhata ia unéne ué; kiene kia-nda kubhangesa o jinguma jé ku ku tolokela, eie anga uendela ku thandu diâ, ni ku a tumina.