Mikeia 1:13 - O Mikanda Ikola

¹³ Eie muhatu ua tunga bhu Lakiji, ku dikalu kutila-ku mikete i lenga kiambote; mbata bhobhué eie, bhene bhua tundu o kulueza kua monʼa Ziione ua muhatu; mukonda o kutondala kua Izalaiele kuene kumoxi ni kua sange momué.

Mikeia 1:13 Iomraidhean Croise

Dimatekenu 19:17

Anga ki bhita-phe kuila, o kia zubha ku a bheka ku kangʼuku, exi: Lenga, se uendi o muenhu; Kana kusakuka ku dima, kana kuimana mu ngânga ioso iii; lengela koko ku mulundu, phala ku jime o mbutu.

I Jisobha 14:16

O Ngana anga ua kʼèhelela Izalaiele mukonda dia ituxi ia Jelobouamu ua te o kituxi kiê, iu ua tesa ue kituxi kua Izalaiele.

I Jisobha 16:31

Anga ki bhita kuma (kifua ua fika kima kiofele kia bhange, kia kuenda mu ituxi ia ta jinga Jelobouamu, monʼa Nebate) u taku dingi o kusakana hanji ni muhatu a mu ixana Jezabele, monʼa Etibahale, sobha ia akua Sidonha; anga uia mu kubhikila o kiteka kia Bahale, ni ku ki fukamena bhu pholo iê.

I Jisobha 4:28

Ni sevada ni iangu ia jikabalu kúdia, ioso ia tokala a i bheka jinga ue bhuoso bhu jala, kala muthu mu thembu ia kikalakalu kiê.

II Jisobha 14:19

Mu Jeluzaleme anga a mu ta kikutu kia ufe, muene-phe kia ki mono u lengela ku Lakiji; maji a mu tumikisa athu a mu kaiela katé ku Lakiji, hé a mu jibhila kueneʼoko.

II Jisobha 18:17

Sumbala kiene, maji o sobha ia Asídia hanji a tumikisa Talatana, ni Labesadi, ni Labesaki, hé a tunda bhu Lakiji ni kifuẋi kia dikota kia masoladi, aia kua sobha Ezekiia, mu Jeluzaleme; anga a banda, eza mu Jeluzaleme; o ene kia bande ia eza kua muene, emana bhu mulombo ua dijiia dia dikota dia lulama ku njila ia mukáu ua musukuidi.

II Jisobha 8:18

Hé uenda mu jinjila ja jisobha ja Izalaiele, kala ue kia bhanga jinga akua dibhata dia Akabe, kuma muene muhetuʼê a kexile-nê, monʼa Akabe; anga uia ni kubhanga ioso ia ibha ku mesuʼa Jihova.

II Malunda 11:9

ni Adolaíme, ni Lakiji, ni Azeka,

II Malunda 32:9

Kia bhiti imʼiii, Sinakedibhe, sobha ia Asídia, ua tumikisa abhikʼê ku Jeluzaleme, (kuma muene ua kexile bhua lulama ni Lakiji, ni muene ni utuminu uê uoso) kua Ezekiia sobha ia Juda, ni ku akua Juda oso a kexile mu Jeluzaleme, uixi:

Jobe 39:10

Manhi u tena ku mu kuikila ku mubhanga ni mikolo? Mba u kaiela kuema dié ni ku ku sesumuina mavu a kudima mu ikhobo?

Makatukilu 32:21

Mozé anga u ibhula Alá, uixi: Mundu iú ua ku bhange kiebhi, phala eie ku a bhekela ku thandu diâ, kituxi kia dikota kala kiki?

Izaía 10:31

Madimena-ze uaié kiá; o iá a tunga bhu Jebime, ia lenga kiá, ku ibuka-ibuka.

Izaía 36:2

Sobha-phe ia Asídia ua tumukisine Labesaki, u mu katula ku Lakiji aie mu Jeluzaleme, kua sobha Ezekiia, ni kilômbo kionéne kia makuenze; anga u tula bhu mulombo ua menha ma dijiia dia thunda, bhu mbanduʼa njila i bhita mu mukáu ua musukudi.

Izaía 37:8

Kia vutuka Labesaki, ua sange sobha ia Asídia iu u lua ita ni Libina; kuma muene ua kʼivile kuamba ku Lakiji ua tundu-ku kiá.

Jelemiia 3:8

Kioso-phe ki ngedi suí, mukonda dia ima ioso iii, Izalaiele dia kuẋinuka nga mu senge, kuma ua te jiphanda, eme nga mu bhana lubongo luê lua ku mu senga, maji ki lua kuatesa uoma kua phangiʼé ia muhatu na Juda, o phèke-phèke ioio; maji muene ue uaii, iú ua di te-mu ue ni kubhanga undumbu.

Jelemiia 34:7

Kioso masoladi ma sobha ia Babilonha kia mu lua ita ni Jeluzaleme, kumoxi ni jimbonge joso ja Juda ja subhuka-ku: O mbonge ia Lakiji ni ia Azeka; mukonda, ku jimbonge ja di fikidila ja Juda, jiji jene ngó ja subhuka-ku.

Jelemiia 4:29

Ku mutendu ua akua jimonde ni ifanda ia mifula, jisanzala joso muene ja-nda kulenga; a-nda kuia mu mazalakata, ni ku kanduka ku matadi; jisanzala joso ja-nda ku xala jingundu, ki bhu kala dingi muthu u tunga-mu.

Izekiiele 23:11

O ndengʼiê Oholiba kia ki mono, ua beta dingi o kuvudisa o huiii ia uhabhu uê, o kota diê ndenge, o uuaia uê anga u beta o kuvula ua phangʼiê ndenge.

Mikeia 1:5

Ioso iii ia kà bhita mukonda dia kubaluka kua Jakobo, ni ituxi ia dibhata dia Izalaiele. Jakobo-phe kutondala kuê kuahi? Ki muene Samádia? O Juda ididi iê ia dileka iebhi? Ki muene Jeluzaleme?

Josuué 10:3

Kienhiki Adonizedeke, sobha ia Jeluzaleme, utuma jiphunga kua Hohame, sobha ia Hebolone, ni kua Philama, sobha ia Jalemute, ni kua Jafiia, sobha ia Lakiji, ni kua Ndebile, sobha ia Engolone, uixi:

Josuué 15:39

Lakiji, Bozekate, Engolone,

Dijingunuinu 2:14

Sai-phe tuma tuofele tu nga ku êlesa; mukonda sai-ku amoxi-mu bhenhobho a kuata o ulongelu ua Balamu ua longesele Balaki kuta kidibhukanu bhu pholo ia anʼa Izalaiele, mu ku a longesa kuila a fuama kúdia jisata ja makudia ma satela itèka, ni kubhanga maundumbu.

Dijingunuinu 2:20

Nga ku êlesa-phe kima kimoxi. Kuma ua xididikila o muhatu ió Jezabele, ua mu dʼixana kuila polofeta ia Nzambi. Eie ua mu ehela kubhomba ni kulonga selevende jami kubhanga undumbu, ni kudia jisata ja makudia ma satela o itèka.