Mikeia 1:1 - O Mikanda Ikola

¹ Kizuelu kia Ngana kiejile kua Mikeia, mukua Mola, mu izuua ia Jotamu, ni Akaji ni Ezekiia jisobha ja Juda; mu kisunji kia muene ku thandu dia Samádia ni Jeluzaleme.

Mikeia 1:1 Iomraidhean Croise

II Jisobha 15:32

Mu muvu ua kaiadi ua utuminu ua Peka, monʼa Lemadiia, sobha ia Izalaiele, muene mu andeka Jotamu, sobha ia Juda, monʼa Uziia, o kutumina.

II Jisobha 15:5

Sobha anga a mu kuama kuala Jihova; u kuata dibhute katé mu kizuua kiê kia kúfua, ua kexile kiá mu inzu ia di kexidila. Maji o Jotamu, monʼa sobha, muene ua kexi mu kutumina mu dibhata ni kufundisa o milonga ia athu mu ixi.

II Jisobha 16:1

Mu muvu ua kakuinhi ni sambuadi, ua utuminu ua Peka, mona ua Lemadiia, muene mu andeka Akâji, sobha ia Juda, monʼa Jotamu, o kutumina.

II Jisobha 18:1

Hé ki bhita-phe kuila, mu ku tula mu muvu ua katatu ua utuminu ua Ozeia, monʼa Hela, sobha ia Izalaiele, kiene kiandeka Ezekiia, monʼa Akaji, sobha ia Juda, o kutumina mua Juda.

II Malunda 28:1

Akaji ua kexile mu makuinhi aiadi a mivu kioso kiandeka o kutumina; ua tumina kuinhi dia mivu ni kisamanu mu Jeluzaleme; hé u lémbua kubhanga jinga kia iuka bhu pholo ia Jihova, kala kia ki bhanga jinga Davidi, tatʼâ.

II Malunda 29:1

Ezekiia ua kexi mu makuinhi aiadi a mivu ni kitanu kioso kiandeka o kutumina, iu ua tumina makuinhi aiadi a mivu nʼivua mu Jeluzaleme; dijina dia mamʼâ, a muʼixana jinga exi Abiia, monʼa Zakadiia.

Izaía 1:1

Kisuma kia muene Izaia, monʼa Amoji, kia tokala Juda ni Jeluzaleme, mu izuua ia Uziia, ni Jotamu, ni Akaze, ni Ezekiia, jisobha ja Juda.

Izaía 1:2

Ivenu, enu mu maúlu, eie ue u ixi, bhana mátui; mbata Jihova muene ua mu zuela: Nga bhange ana, nga a bhana kijingo; maji ene a ngi balukila.

Izaía 7:1

Anga ki bhita-phe kuila, mu izuua ia Akaze, monʼa Jotamu, monʼa Uziia, sobha ia Juda, o Lejime, sobha ia Sídia, ni Pheka, monʼa Lemadiia, sobha ia Izalaiele, a bandele mu Jeluzalema phala kúlua-nê ita, edile a teza-ku, a mu lémbua.

Izaía 7:9

Hé kima, o Dikota mu Ifalaími ua ká kala Samádia, o muadiakimi mu Samádia o monʼa Lemadiia; O kienhiki, se mu kamba ku ki xikana, ki mu tena dingi kunangenena.

Jelemiia 26:18

Mikeia dia mukua Molaxita ua zambuile mu izuua ia Ezekiia, sobha ia Juda, anga u tangela mundu uoso ua Juda, uixi: Jihova dia Ifuẋi uambe kiki: Ziione a kà mu dima kala mukáu, Jeluzaleme ua kà kituka ndunji ja matadi, o ditala dia inzu iii dia kà di bhanga kala dilundu mu ditutu.

Hozeia 1:1

Maka ma Jihova, u ma tudila Hozeia, monʼa Bedi, mu izuua ia Uziia, ni Jotamu, Akaji, ni Ezekiia, jisobha ja Juda, ni mu izuua ia Jelobouamu, monʼa Jouaze, sobha ia Izalaiele.

Hozeia 4:15

Eie-phe, Izalaiele, se ua solo o kudikasanesa, Juda-phe kana ku mu ta mu kituxi kié; kana kuiza bhu Jidingale, ki mu bande ue ku Bete-Avene, ki mu loke kuamba: Ni Jihova muenhú!

Hozeia 8:14

Mbata o Izalaiele ua jimbi Mubhangi uê, uoso ua mu bhanga, iú uala kuia ni ku di tungila mazemba; Juda ue ua di tungila jimbonge ja kolo; maji eme o jimbânza jâ nga-nda ku ji ta túbhia, o túbhia tu bhuikisa o mazemba mâ.

Amoji 1:1

Maka ma Amoji ua kexile mu kaxi ka tubhila tua tokala mu Tekoua, kia mono muene ku mbandu ia Izalaiele, mu izuua ia Uziia, sobha ia Juda, ni izuua ia Jelobouamu, monʼa Jouaji, sobha ia Izalaiele, kuila kua kambe ngó mivu iiadi kitungutisu kiaʼxi ki bhita.

Amoji 6:1

Oso ala kiá ni kunhoha mu Ziione, kokolo diâ! Ni oso a di mono ku kondama ku mulundu ua Samádia, lamba diâ! Kokolo dia ilamba ku miji ia dianga mu ngongo, edi o kokuâ kuene kua mu lengela o dibhata dia Izalaiele.

Mikeia 1:5

Ioso iii ia kà bhita mukonda dia kubaluka kua Jakobo, ni ituxi ia dibhata dia Izalaiele. Jakobo-phe kutondala kuê kuahi? Ki muene Samádia? O Juda ididi iê ia dileka iebhi? Ki muene Jeluzaleme?

Mikeia 3:9

Ivenu-kiu-phe kindala enu atumini a dibhata dia Jakobo, ni enu mu makota ma dibhata dia Izalaiele, mua dizemba ni kubatula kua iuka, anga muila o ioso ia iuka enu mu i lunguluila muengi.

Habakuke 1:1

O kinemenu kia mono Polofeta Habakuke mu kisunji kia Diulu.

II Phetele 1:21

Mbata nuka kukala muzambu ua polofeta uijiia ku vondadi ia muthu. Maji athu a zuela jinga mu kutula o Njimbu i tunda kua Nzambi kala kioso kia a tuma jinga kuzuela kuala o Nzumbi Ikôla.