Marku 9:4 - O Mikanda Ikola

⁴ Maxibulu kitatuʼ iki a mono kua a tukulukila ni Elija ni Mozé, he a kala mu zuela ni Jezú.

Marku 9:4 Iomraidhean Croise

Matesu 11:13

Mbata o jipolofeta joso ni Kitumu kia Mozé a longele Utuminu ua Nzambi katé bhua Nzuá.

Marku 9:3

O izuatu iê i benha ni kuzela kuavulu, kana musukudi mu ngongo u tena kuzelesa kiokio.

Marku 9:5

Phetele anga u kumbulula, u ambela Jezú, uixi: Mesene kia uabha muene etu kukala kunu! Tu tunge-bhu fundu jitatu: Imoxi o iê, imoxi ia Mozé, imoxi ia Elija.

Luka 24:27

Anga ua andekela ku madivulu a Mozé, hé u bhita mu madivulu a jipolofeta joso, ni ku a jimbuila ima ioso iòsoneke mu Mikanda Ikôla ia Nzambi, ia mu tokalele muène.

Luka 24:44

Anga ua ambela, uixi: Ene o makʼ ami u nga mi ambelele ki nga kexile hanji ni enu, kuma ima ioso ia bhingi i bhita, iòsoneke mu Kitumu kia Mozé, ni mu madivulu a Jipolofeta, ni mu Jisalamu, ia ngi tokala eme.

Luka 9:19

Ene a mu vutuila, exi: Amoxi-mu a mu kuila kuma eie Nzuá dia Batizu. Amukuá kuma eie Elija. O amukuá a mu kuila kuma ku jipolofeta jòkulu kua fukunuka muthu.

Nzuá 5:39

Enu muene mu kutanga mu madivulu ma Nzambi, mukonda mua fika kusanga muenhomo o muenhu ki uàbhua. O Madivulu enhó, jene-phe jimbangi jami jala ku ngi tanga eme.

Dijingunuinu 19:10

Eme anga ngi di bhala bhu inama ia anju phala ku mu bheza. Uixi-phe: Kana ku ki bhanga! Eme ue ngi selevende ni mukuenu, nga sokela ni phange jé oso a kuata o umbangi ua kidi kia Jezú. Bheza Nzambi! Kuma o kidi kia umbangi ua Jezú, uene o uanji u bhana huii ku jipolofeta.