Marku 9:2 - O Mikanda Ikola

² Kia bhiti izuua isamanu, Jezú u katula Phatele ni Tiiaku ni Nzuá, anga uia-nâ ku mulundu ua di leka, ubheka ua. Muene anga u kituluka bhu pholo ia.

Marku 9:2 Iomraidhean Croise

I Jisobha 18:33

Bhenhobho u sokejeka-ku o jihuinhi, anga u uana-uana o ngombe ku jithumba, anga u ji lula ku thandu dia jihuinhi,

I Jisobha 18:42

Anga Akabe u banda mu kúdia ni kunua; maji Elija-phe u banda ku mulundu ua Karmelo, anga u xikama bhoxi, hé u di vudimika o mútue mʼoxʼa matanga mê.

Makatukilu 24:13

Mozé anga u balumuka bhenhobho, ni dikuenze diê Josuué, uene ku mu xibhidila; o Mozé kia mu banda mu mulundu kua Nzambi,

Izaía 33:17

Eie o mesuʼé a kà mona Muenexi mu uuabhelu uê, a kà kengelela ue oxi ia di zale ku makanga.

Izaía 53:2

Kuma muene uaii ni ku kula bhu pholo ia Nzambi mukuâ ni luthangu lu fuafua, kala lundanji lua xoxouela mu mavu ma kukuta; o ku mu tala, ka kexi ni kidifua mba uuabhelu ua pholo; o ki tua mu idi sui, ki tua mu muene ni kuuabha kua kima, kuila tu mu inda.

Matesu 14:13

Kienhókio Jezú kia kʼivu, u katuka mu ixi ioio, u endela mu bote, anga uia ku matutu, ku kididi kia ubheka. Kifuẋi-phe kia kʼivu, a mu kaiela bhoxi, a tundu mu jimbonge joso.

Marku 14:33

Anga u katula Phetele, ni Tiiaku, ni Nzuá, phala a kale-nê bhenhobho. Kithangana kienhokio Jezú anga u kala ni mukondo, u tata kiavulu.

Marku 16:12

Kia bhiti imʼiíi, Jezú muene u tukulukila kiengi kiiadi mudia, kia kala mu njila ia kuia ku matutu.

Marku 5:37

Muene kʼehela dingi muthu ku mu kaiela, kikale ngo Phetele, ni Tiiaku, ni Nzuá phange ia Tiiaku.

Luka 6:12

Izuua ieneʼoio Jezú anga uia ku mulundu mu kusamba; anga u fula kilu mu usuku uoso ni kusambela Nzambi.

Nzuá 1:14

O Diambu anga u di bhanga xitu, anga u tunga mu ʼaxaxi ketu, uezala kiadi ni kidi. Etu anga tu mona o unène uê, unène kala ua Mona umoxièlele ua Nzambi.

Loma 12:2

Ki mu kaiele o funza ia mu ngongo mumu, maji ehelenu Nzambi a mi kitule kiengi, katé kilunji kienu kieza ku ubhe. Phala mu tongolole ioso o vondadi ia Nzembi, iauabha, ia ujitu, iatenena, i mu uabhela kiambote.

II Kolindo 13:1

Tatu kiabhʼú kukala mu kuia kuenioko ku mi kunda. Kala ki ambe o Mikanda Ikôla kuma: Mulonga uoso-uoso ki bhinga a u kuatesa ku kizuelu kia mbangi jiiadi mba jitatu.

Filipe 3:21

Muène, o mukutu uetu uasebuluka ua kalunga, ua kà u bhana kidifua kiòbhe, phala u di fangane ku mukutu uê Muène ua kubenha, kabasa o kutena kuê kuala na-ku, kuasoko mú tolola ima ioso ni i mu belesela muène.

Dijingunuinu 20:11

Kia bhiti imʼíii, nga mono kiandu kia dikota kizela, ni muène ua xikama-bhu. O mu kulenga pholo iê, oxi ni diulu ia jimuka, ki ia moneka dingi ku mesu.