Marku 8:2 - O Mikanda Ikola

² O mundu nga a kuatela henda, mukonda nga bhange-nê kia izuua itatu, kala dingi ni kudia.

Marku 8:2 Iomraidhean Croise

I Jisobha 19:6

Muene anga u tona hé u tala, anga u mona ku mutuelu uê kuala mbolo iozuze ku makala, ni kadisanga ka menha; anga u dia, u nua, anga u zeka dingi.

Jisálamu 103:13

Kala tata, anʼê u a kuatela henda, kiene ue Jihova u kuatela henda oso a mu kala ni uoma.

Jisálamu 145:15

Ko kué kuene kua te mesu ene oso-lolo; eie-phe u a bhana o kudia mu thembu iatokala.

Jisálamu 145:8

Jihova ua lenduka, u bhanga o mbote, u kokoloka kutema, u vula kukuatela o henda.

Mikeia 7:19

Muene ua kà tona dingi o ku tu kuatela henda; milonga ietu ua kà i titidila muene bhoxi dia inama iê anga u i jimba kiá, o ituxi ietu ioso anga ua kà i texi muʼalunga mua zongo!

Matesu 14:14

Jezú anga u tomboloka, u sanga kifuẋi kia dikota, anga u a kuatela henda, hé u saka o jihaxi jâ.

Matesu 20:34

Bhenhobho Jezú kuma henda ia mu kuata, u babata mesu mâ; kindala anga a kala mu mona, anga a mu kaiela.

Matesu 9:36

Kia mono ifuxi-phe, u a kuatela henda, mukonda atate, a di mauange kala jimbudi ja kambe mubidi.

Marku 1:41

Jezú-phe, kuma henda ia mu kuata, ua sunununa lúkuaku lué, hé u mu babata, uixi: Nga mesena! Ngi ki bhanga muene; disanze!

Marku 5:19

Jezú-phe ka mu ehela, uixi: Ndeie ku bhata, ku jindandu je, ua ka a tangele ima ia ku bhange Ngana Nzambi, ni kia ku kuatela henda.

Marku 6:32

Anga aia mu bote ku kididi kia ubheka ku mukau.

Marku 6:34

Muene kia zubha kutomboka, u sanga kifuẋi kia dikota, anga u a kuatela henda, kuma edi kala jimbudi ja kambe mubidi. Anga u kuata ku a longa ima iavulu.

Marku 8:3

Se nga a muanganesa ni nzala, kuia ku mabhata ma, a-nda kusendukila mu njila, mukonda amoxi-mu a tundu dikanga.

Marku 9:22

Sai luavulu i mu vubula mu tubhia, mba mu menha, phala ku mu jibha. Eie-phe, Ngana, se u tena kubhanga kima, tu kuatele henda, u tu kudile.

Luka 15:20

Anga u balumuka, hé uiza kua tatʼâ. Ki ala mú kuiza-phe, hanji uala dikanga, tatʼâ ua mu mono. Anga henda ia monʼê i mu kuata, u lenga lusolo, u di bhubhala-nê, u mu bhana jibeju.

Luka 7:13

Ngana kia mu mono, henda ia mu kuata, anga u mu ambela, uixi: Ku dile.

Jihebeleu 2:17

Uila kiki, Jezú kia mu fuama mu ima ioso o kusokela ni jiphange jê, phala a tene kukala Nganga iâ ia Dikota, ia lenduka, ia fiiele, mu sedivisu iê kua Nzambi. Mu kienʼ iki nʼ a kale kiluuluilu kia ituxi ia mundu.

Jihebeleu 4:15

O Nganga ietu ia Dikota u tena kuivua o malamba metu. Mukonda o Nganga ia Dikota muenʼiú, a mu thendalele mu ima ioso kala etu-ene, maji sé ngó ku ta kituxi.

Jihebeleu 5:2

Kuma muène ue ua zuata dibhuilu, u tena kulendukila ió a tobho, ni oso a jimbidila, a di bhale mu kutondala.