Marku 7:2 - O Mikanda Ikola

² Ene a mono jixibulu je jimoxi-mu jí jidia mbolo ni maku maxidi, kuma ki mòsukule, kala kiene mu tuma o jifalizeu mundu kubhanga.

Marku 7:2 Iomraidhean Croise

Matesu 15:2

Phala-hi jixibulu jê ji tondala o kífua kia lekelela adiakimi okulu? Kuma ene kia dia ka sukula maku, kala kiene o kijila kietu kia tu xila akulu-a-ndamba.

Marku 7:5

Jifalizeu ni jimesene ene mu longa o Kitumu, anga eza kua Jezú, a mu ibhula, exi: Phala-hi jixibulu je ji kamba kukuata kijila kia akulu-a-ndamba, adia ni maku maxidi?

Luka 11:38

Falizeu-phe ua mu diuana kia mu mono kuila ka dianga hanji ku di sukula.

Jipoxolo 10:28

Anga ua ambela, uixi: Enu mua kʼ ijiia kuma muthu uala Judé, a mu kidika o kukuata ukamba ni mukua ʼxi iengi, mba kubokona ngó mʼ onzo iê ni kubhongoloka-nê kumoxi. Maji eme-phe Nzambi ua ngʼ idikiza kuma ki ngâmbe dingi muthu kuiibha mba kuxila.

Jipoxolo 11:8

Ngixi-phe: Ki ki xikina, Ngana! Eme kana kima kiaiibha mba kiaxidi kia ngi bhiti luua mu kanu!

Loma 14:14

Eme ngejiia, kuma kia ngi tetulukila mua Ngana Jezú, kuila kana-ku kima kia di xidila ngó kiene. Maji se bhu kala muthu uoso u kita kima o kuxila, phala muène kia xidi muène.

Jihebeleu 10:29

Abha-phe kia kà bhita kiebhi ni ió ua ditunu o Monʼ a Nzambi, iú ua mono kuila o manhinga ma kikutu kia Nzambi ma mu kolêsa, kima kia ngoho? Kia kà bhita kiebhi ue ni uoso u lokalala o Nzumbi ia kiadi kia Nzambi? Xinganekenu-phe, se o kaxtiku kê ka mu tokala, ka kà soka kiebhi!

Dijingunuinu 21:27

Maji o muene-phe ki mu bokona ngó kima kioso-kioso kia ufusa, mba muthu u bhanga isunji, ni ió u zuela makutu. A kà bokona mu mbana, ki kale ene ngó a a soneka o majina mâ mu divulu dia muenhu dia Kambudi.