Marku 3:8 - O Mikanda Ikola

⁸ ni ku Jeluzaleme, ni ku Idumeia, ni ku sambua dia Njoloda, ni ku akua Tilu ni Sidonia. Kifuẋi kia dikota, ki evu imbamba iala kubhanga Jezú, eza he a mu sanga.

Marku 3:8 Iomraidhean Croise

Jisálamu 45:12

Kilumba, mukua Tilo, u mu mone kia-nda kuiza ku ku bhakuila maujitu; o jimonhi ja makota ku mundu, ji ku dionda ku a suua.

Jisálamu 87:4

Ngi tungula-bhu Lahaba ni Babilónha, ku iá oso a ngʼijiia; iala-ze! enu mu Fidíxia, ni Tilo, ni Etiiópia, a kà mʼila, exi: Iú ni iú kuene kua tundu mukonda kuene kua a vuala.

Izaía 34:5

Kuma o xibhata iami ia kodiuila mu diulu; talesa-phe ia kà tuluka mu Idomo phala kua fundisa, itula ku thandu dia mundu u nga bhubhidila phala ku a buikisa.

Izekiiele 35:15

Kala eie kioso ki ua sangulukila o undundu ua dibhata dia Izalaiele, kuma a mu sengulula, kiene ue ki nganda ku ku bhanga eie; ua-nda kusenguluka, eie u mulundu ua Seíle, kumoxi ni Idomo dioso, xi, Idomo dioso muene; anga a kà kʼijiia kuila emeʼeme ngi Jihova.

Izekiiele 36:5

kala kiki, o Jihova Nzambi uambe kiki, uixi: Ni kidi kiene, mu túbhia tua muanu uami, muene mu nga zuelela mu kuzoka ni masubhu a akua jixi ni Idomo ioso kiá, ala kubhûnda o ixi iami, ni kusanguluka kua muẋima uâ uoso, ni kukamba kusuua o muenhu, mbé ku u takuila ku uiii.

Matesu 11:21

Eie Kolazine, lamba dié! Eie Betesaida, lamba dié! Mukonda o isuma ia di bhange momué, se a i bhangele mu Tilu ni mu Sidónia, hinu a dielediâ ukulu, anga eha o ituxi iâ. O mu ku londekeza kuila a diela, eji kuzuata jisaku ni ku di kuua uthôkua mu mítue!

Matesu 4:25

Ifuẋi ia makota anga i mu nhenganana, a tundu mu Ngalileia, ni mu Dekapolo, ni mu Jeluzaleme, ni ku sámbua dia Njolodá.

Marku 7:24

Jezú anga u balumuka, uia ku jimbandu ja Tilu ni Sidonia. Kuenhoko hé u bokona mʼonzo, mukonda ka mesenene kuila athu a kʼijiia kuma Muene iu bhobho. Maji o kusuama-phe ki kua xikina.

Marku 7:31

Kutunda dingi mu jimbandu ja Tilu, Jezú u bhita mu Sidonha, he uiza ku kizanga kia Ngalileia, bhu jimbandu ja Dekapolo.

Luka 6:17

Jezú anga u tuluka ku mulundu ni ene, hé uimana bhu kididi kia sokelela, bhua mu bhongolokela o kifuẋi kia dikota kia jixibulu jê, ni athu avulu a tundu ku Judeia ioso, ni ku Jeluzaleme, ni ku ndúndu ia kalunga ku jisanzala ja Tilu ni Sidonha.

Josuué 15:1

Muondona-phe uabuila kibuka kia anʼa Judá, ku majiku-majiku, ia bhela katé mu mbambe ia Edomo, kikangalakata kia Zini kia xala ku sulu, katé kua sukila o mbandu ia sulu.

Josuué 15:21

O madiembu a muiji ua anʼa Juda a di ambatesa kienhiki katé mu mbambe ia Idomo ku sulu: ene a Kabizeiele, Edele, Jangule,