Marku 3:5 - O Mikanda Ikola

⁵ Muene ua exi suí, ene oso, ni dilamba ni njinda, mukonda kia mu iibhila o kukola kua kua muẋima, mbata nguâ-uâ ku tongolola, nʼejiie. Anga u ambela o diiala: Sunununa lukuaku. Muene kia lu sunununa, lukuaku lue lua disanze kala lua mukua.

Marku 3:5 Iomraidhean Croise

Dimatekenu 6:6

Ngana anga u dielesa mu ku bhanga o muthu mu ngongo, kia mu bhekela lamba ku muxima uê.

I Jisobha 13:6

Bhenhobho sobha u di kola, anga uambela muthu ua Nzambi, uixi: Ndoko samba bhu pholo ia Jihova, Nzambi ié phala u ngi diondele, mbé muene a ngi vutuile o lukuaku luami. Bhenhobho o muthu ua Nzambi anga u samba mu kudionda Ngana, sobha a mu vutuila dingi lukuaku luê, anga lu xalela dingi kala ki lua kexile mʼukulu.

Nehemiia 13:8

Ngívua kia ngi ibhila kiavulu, njinda anga i ngi kuata muene; kia ngi bhangesa kuila imbamba ioso ia kexile mʼonzo ia Tobiia nga i texi bhu kanga.

Jisálamu 95:10

Muiji uenhú anga a ngi kuma mu makuinhi auana a mivu, ngixi: O iá athu ala ni mixima ia kudianguka! o jinjila jami a lémbua ku jʼijiia!

Matesu 12:13

Anga u ambela o diiala, uixi: Sunununa o lúkuaku lué. Muène anga u lu sunununa, hé lu di sanza kala o lúkuaku luê luamukuâ.

Marku 3:4

Anga ua ambela, uixi: O sabhalu a i tange kiebhi mu Kitumu kietu? Kia kidi o kubhanga mbote kia sabhalu, inga kidi o kubhanga phulu? O kubhulula muenhu, inga o kujibha. Ene-phe a di xibha. Ki bhuala muthu ua vutula kima.

Luka 13:15

Ngana-phe ua mu kumbulula, uixi: Mu akua makutu! Manhi bhuala muthu mudienu u kamba kujituna o ngombe iê, mba bulu iê mu kibhanga, ni a i bheke mu kunua?

Luka 17:14

Muène kia a mono, uixi: Ndenu kà dʼ idikisienu ku jinganga, phala ene a mi kengelele kiambote. Akua kikunzu kia katuka mù kuia, o kutula mu njila, eluka.

Luka 6:10

Jezú ua exi sûi, kia mu kondoloka, anga uambela o muthu, uixi: Sunununa o lúkuaku lué! Muène anga u lu sunununa, lúkuaku luê lueluka.

Nzuá 9:7

Anga u mu ambela, uixi: Ndé, ka di sukule mu dizanga dia Silôua. (Dijinʼ idi, mu ku di jimbulula diedi: A mu tumu). Muène anga uia-bhu, hé u di sukula. O mu kuiza, ua-lu mona kiá kiambote.

Loma 11:25

Uila kiki, ki ngi mesena jiphange, kuila mu kamba kuijiia o kijingano kiki, mba mu kala mu jinjimu ja ku di metena: mukonda o kuxita mu thulu kua kuata Izalaiele, ki kuanda kujiza, maji katé ngó kia kà bokona muvimba ua dialuilu dia akua jixi jengi, ió oso ki Jijudé, ki eza kua Nzambi.

II Kolindo 3:14

Ni kidi, ene ue a xitile mu thulu. Kuma katé ni leluʼidi, ki a tanga mu madivulu a kikutu kiokulu, uandanda uenhó hanji ua a futu o ilunji. Kuma o uandanda uenhó ku u katula-ku, kikale kioso ngó muthu kia kala mu kisangela ni Kristu.

Efezo 4:18

Kuma ala athu a vundu mu ilunji. Mbata ene a sanduka ku muenhu u tunda kua Nzambi, mukonda dia kutobha kuala moxi diâ, ni mukonda dia kukola o miẋima iâ.

Efezo 4:26

Se u kala ni njinda, kuehela kuila i ku bhangesa kuta kituxi; kumbi ki di ku bhuile mu njinda.

Efezo 4:30

Kana kubheka malamba kua Nzumbi Ikôla ia Nzambi. Kuma o Nzumbi muene o kidimbu kia kuila o Nzambi uala momuenu; muène ue o diẋikina dia kuila Kizuua kí bhixila kia Nzambi ku mi kula.

Jihebeleu 3:10

Kia ngi bhekela kufutuluka ni muiji uenʼ ió, ngixi: O kulueza mu ixinganeku iâ iaiibha ka ku eha, jinjila jami a tokoka ku jʼ ijiia.

Jihebeleu 3:17

Akuahi ue a a futulukila mu makuinhi a uana a muvu? Enʼ ió a tele ituxi, o imbi iâ anga i buidila mu kikangalakata.

Jihebeleu 5:9

O kia zubha ku di longʼ iki, ua di bhange Kibhamuenhu u tena o kubhulula oso a mu tumaka, katé kia zubha.

Dijingunuinu 6:16

Anga a dionda o milundu ni jindanji, exi: Tu lundumukinienu, mu tu sueke ku mesu ma ió ua xikama bhu kiandu, ni mukonda dia njinda ia Kambudi!

Afundixi 10:16

Anga a tubhula o jinzambi ja jixi jengi muʼaxaxi kâ, a kala mu bhikila Jihova; muene anga u kala ni muẋima ua kuxinganeka o kusebuluka kua Izalaiele anga u kala ni henda iâ.

I Samuuele 20:34

Kienhiki Jonata anga u balumuka ku meza ni njinda iavulu, u fula kúdia kizuua kiosuʼokio kia kaiadi ku mbeji; kuma kia mu iibhila kia Davidi, mukonda tatʼâ ua mu kuatesa jisonhi ni dilamba diavulu.