Marku 2:8 - O Mikanda Ikola

⁸ Kithanganʼokio Jezú kuma uevu ku muẋima ué ioso iala mu banza ene, uixi: Enu mu xinganekena-hi kienhókio?

Marku 2:8 Iomraidhean Croise

I Malunda 29:17

Eme nga kʼ ijiia muene kiambote, Nzambi iami, kuma Eie uene mù lola o mixima, o kia ku uabhela o kidi. Eme ue mu kidi kia muẋima uami, nga ku bhana ni vondadi, o ima ioso iíi. O kiki-phe, nga mono ni kusanguluka kuoso kuila o mundu ué ala bhabha, a ku bhana uâ ni vondadi ioso.

Jisálamu 139:2

Ua ngʼijila ni kuxikama kuami ni kubalumuka, o ilunji iami ni mu kanga muná ia ku jimbulukila kiá.

Jisabhu 15:26

Jindunge joso ji funha o muthu uabhumu, ji di bhanga isunji kua Jihova; maka-phe ma athu zele o muẋima, mene ku mu uabhela.

Jisabhu 24:9

O kiôua, kubanza kuê ngó, kituxi kiene; o Semenhi, u kuata kulongolola, athu oso a mu zemba.

Izaía 55:7

mukua-ituxi ehe o njila iê, o ua iibha muẋima a tule mabanzelu mê; a vutuke kua Ngana, u mu kuatela henda; nʼalukile kua Nzambi ietu, kuma muene mukua kuloloka kiavulu.

Izekiiele 38:10

O Jihova Nzambi uambe kiki: O mu kizuuʼomo kia kà bhita kuila o ku muẋima ué ua kà kala ni ixinganeku, hé ua kà funha kima kia ibha.

Matesu 12:15

Jezú-phe, kuma ua kʼijiia, u tunda bhenhobho. O mundu uavulu anga u mu kaiela, muène anga u a saka ene oso.

Matesu 16:7

Ene anga a fueta mudiâ, exi: Muène ua ki zuelela o jimboluʼ ojo, ji tua kambe kuambata.

Matesu 9:4

Jezú kuma uejiia mabanzelu mâ, uixi: Phala-hi muala mu xinganeka kiaiibha mu miẋima ienu?

Marku 2:7

Ialʼú uala ku tangela-hi kisunji kiki? Muthu iú ua mu ẋonguena Nzambi! Ua tena ku loloka ituxi, mukua-hi? Ki Nzambi ngó!

Marku 2:9

Kiebhi kia uabha-bhu ku ki bhanga? O kuambela haxi ia kila kuila, ituxi ié ióloloke? Inga kuila: zangula muanza ué, uie ni kuenda?

Marku 7:21

Kuma moxi, ku miẋima ia athu, kuene ku tunda ilunji iaiibha: Maundu-mbu, mauíii, ijibha, jiphanda, unjènje, makutu,

Luka 24:38

Jezú anga ua ambela, uixi: Mukonda diahi, mua sasumuka? Mu kuatela-hi jiphata, mu miẋima ienu?

Luka 5:22

Jezú-phe kievu o kulongolola kua miẋima iâ, u a vutuila, uixi: Jiphata jahi, ji mua kuata ku miẋima ienu?

Luka 6:8

Muène-phe kuma uejiia kiambote o ixinganeku iâ, u ambela o muthu ua kukuta o lúkuaku, uixi: Balumuka, uimane hanji bhu ʼaxaxiʼabha. Muène anga u balumuka, hé uimana.

Nzuá 21:17

Anga u mu ambela lua katatu, uixi: Ximá, monʼ a Jona, eie ua ngi zola? Phetele anga u kenanana, mukonda tatu kiá ni ku mu ibhula: Eie ua ngi zola? Anga uitaia, uixi: Ngana, eie uejiia ima ioso, ua kʼijiia kuma eme nga ku zola! Kuala Jezú: Disa jimbudi jami.

Nzuá 6:64

Maji o muʼaxaxe kenu-phe, sai-mu ni iá ka xikana. (Mukonda Jezú, ua kʼijiia tunde ku dimatekenu, oso a kambe kuxikana, ua kʼijiia ue uoso ua-nda ku mu sumbisa).

Jipoxolo 5:3

Kuala Phetele-phe: Eie Ananiia, Satana ua ku funhisa kiebhi o muẋima, phala ute makutu kua Nzumbi Ikôla? Eie ihi ia ku bhakesa o mbandu ia mukuá, ku kitadi kia tundu mu kusumbisa oxi?

Jipoxolo 8:22

Diela kindala o kubhuma kué kuku, u sambele Ngana, sumba ki ua fikile ku muẋima u ku lolola-kiu.

Jihebeleu 4:13

Kana-ku kima kiobhange ki kamba ku moneka ku mesu ma Nzambi. Ima ioso iobhange, iene ioso ia tukuluka, ia zula ku mesu mê. O kua muène, etu-ene oso kuene ku tua kà bhakula o jikonda.

Dijingunuinu 2:23

Anʼê ngʼa jibha ni dibhebhu, Jingeleja joso anga jʼijiie kuma ememuène ngi tungula o jihânji ni miẋima ia athu. Hinu enu oso ngi mi uanena o futu ioso ia tokala mu imbamba ienu i mu bhanga.