Marku 2:5 - O Mikanda Ikola

⁵ Jezú kia mono o kuxikana kuá, u ambela o haxi ia kila, uixi: Mona, ituxi ié ióloloke.

Marku 2:5 Iomraidhean Croise

Dimatekenu 22:12

Uixi: Mona kana ku mu tula lukuaku, kana ku mu bhanga kima kiaiibha; kuma kiki ngʼejiia kuila u mukua uoma ua Nzambi, katé ni monʼé umoxiʼèlele, kua ngʼimina-nê.

Jisálamu 103:3

Muene u ku loloka ituxi ié ioso; hé u saka mahaxi mé moso;

Izaía 38:17

Tala-ze, phala kutululuka kuami, nga bhiti-phe ni mavuua a vulu; eie-phe, mu henda ié, ua bhulula o muenhu uami, kua u ehela kulaúka mu kina mua kala o kusekumuka; kuma o ituxi iami iene ioso, eie Ngana, ua i takula ku dima dié.

Izaía 53:11

Kienhiki, muene ua-nda kumona kikalakalu kia lukuaku luê, anga u tana; Selevende iami, Muthu Uaiuka, mu kuijiia kuê kuene na-ku, ua-nda kulungisa athu a ndumba; mukonda muene ua-nda kuambata o ikuma iâ ku thandu diê.

Matesu 9:2

Talesa-phe, a mu bhekela diiala dia kate kila, dia zeka bhu hama. Jezú, kia mono kuxikana kuâ, u ambela haxi, uixi: Mona, kuata muanu; ituxi ié iòloloke!

Matesu 9:22

Jezú-phe u sakuka, hé u mu mona, uixi: Mona, tululuka! Kuxikana kué kua kubhana muenhu. Muhatu anga uiluka tunde kumbi dienhódio.

Matesu 9:5

Kiauabha-bhu ku ki bhanga kiebhi, o kuila: Ituxi ié iòloloke, inga kuila: Balumuka, uende?

Marku 2:6

Bhu kala-phe amoxi ku jimesene ja kulonga Kitumu, a xikama bhenhobho, a kuata ku longolola ku muẋima, exi:

Marku 5:34

Muene iu ua mu ambela, uixi: Mona, o kuxikana kue, kua ku bhulula. Ndeie ni kutululuka, u di sanze ku uhaxi ue.

Luka 5:20

Muène kia mono o kuxikana kuâ, kuma kuavulu, u ambela o haxi ia kila, uixi: Kamba diami, ituxi ié iòloloke!

Luka 8:48

Jezú anga u mu ambela, uixi: Monʼami, o kuxikana kué kuene kua ku bhandulula, ndaiʼé ni kutululuka.

Nzuá 2:25

Ka bhingile kuila muthu u tanga mukuâ, mbata muène uejidile kiambote ioso iala kuxinganeka muthu ni muthu.

Nzuá 5:14

Mu kithangana kiengi, Jezú u mu sanga mu Tembulu, anga u mu ambela, uixi: Talesa, eie uelukʼó; ku te dingi kituxi, phala o lamba dia beta ki di ku kuate.

Jipoxolo 11:23

Muene kia zubha kutula, anga u mona kiadi kia Nzambi ku athu ió, u kala ni ngalasa iavulu. Anga u a suinisa ene oso kuma a kolokote kuenda mu kidi ni Ngana, ni kutetuluka kua muẋima.

Jipoxolo 14:9

Muenʼ iú anga uivua Phaulu uala kuta maka. Phaulu kia mu edi sûi, ua mu mono kuma uala ni kuxikana kua kuiluka.

Jipoxolo 5:31

Maji o muenʼiú Nzambi ua mu zangeleka, iú ua mu tula ku lúkuaku luê lua dilu, mu kukala Musonguedi ni Mubhuludi. Muène ua ki bhange phala kubhana Izalaiele o kithangana kia kudiela, ni kutambula o muloloko ua ituxi iê.

I Kolindo 11:30

Mukonda dia kiki, kiene avulu mudienu ki mua bhuidila; kiene ue ki mua katela, sai-ku ni iá a fu muene.

II Kolindo 2:10

O uoso-phe mu mu loloka kimbamba, eme uami ngi mu loloka. Kuma eme uami, kioso ki ngi loloka,—se ngi loloka kimbamba,—ngi lolokela mukonda dienu bhu pholo ia Kristu.

Efezo 2:8

Kuma ku kiadi kia Nzambi ngó ku mua bhulukila mu kuxikana. Mukonda o kubhuluka, kima ki enu mua ki mono mu nguzu ienu, maji a mi bhana-kiu kuala Nzambi.

Kolose 3:13

Mu di lendukile ni kudikuatekesa mudienu, mu di loloka, se bhuala muthu ua di kuata ni mukuá. Kala muthu a loloke mukuá kala kioso Nzambi kia mi loloka enu, kiene ue ki mu bhanga jinga.

Tiiaku 5:15

O kusambʼuku, kua kuxikana, anga ku mu bhulula uoso ua-lu kata. O Ngana u mu balumuna, se ua tele ituxi, u mu loloka-iu.