Marku 1:8 - O Mikanda Ikola

⁸ Eme nga mi batizala ni menha, muéne-phe ua ká mi batizala ni Nzumbi Ikóla.

Marku 1:8 Iomraidhean Croise

Jisabhu 1:23

O ki nga mi bazelʼiki, lungulukenu kiá; talesa, ngi lundulula o Nzumbi iami ku thandu dienu, anga ngi mi ijidisa o maka mami.

Izaía 32:15

katé o Nzumbi i tunda bhulu kia kà di-lundulula ku thandu dietu; mu kizuuʼokio, oxi ia kisèkele ia-nda kubiluka mavu a idima, o mukáu uene mu kubhana o idima a kà u kita ditutu.

Izaía 44:3

Mbata o uala ni dinhota nga-nda ku mu lunduluila menha, o mukáu uakukuta nga-nda ku u fuafuesa jingiji? nga-nda ku lundulula Nzumbi iami ku thanduʼa mbutu ié, luvualu lué ngi lu tuluila kubhanduluka.

Jouele 2:28

Kieneʼokio-phe anga kia kà bhita kuila, nga kà lunduluila o Nzumbi iami ku thandu dia xitu ioso, anʼenu a mala ni anʼenu a ahatu a kà zambula; o ikulakaji ienu a kànjiua jinzoji, minzangala ienu a kà mona isuma.

Matesu 3:11

Eme ni kidi, nga mi batizala ni menha mu kudiela; uoso-phe ua ngi kaiela ku dima ua ngi tundu, eme ki nga tokala ngó ku mu ambatela o jihaii jê. Muène ua kà mi batizala ni Nzumbi Ikôla ni túbhia.

Marku 1:7

Anga u kala mu tangela o mundu, uixi: Ku dima diami, ku kuiza muthu ua ngi tundu. Eme ku mu bhetamena ngó ni ngi mu jituina o mbaia ia haii jé ki kia ngi fuama.

Marku 1:9

Anga ki bhita mu izuʼomo kuma Jezú u tunda ku Nazalé, ku Ngalileia, anga a mu batizala kuala Nzuá mu ngiji ia Njoloda.

Luka 3:16

Nzuá hé u a vutuila osomuene, uixi: eme nga mi batizala ni menha, maji kù kuiza muthu ua ngi tundu, eme ki nga fuama ku mu jituina ngó o ngoji ia haii iê. Muène u mi batizala ni Nzumbi Ikôla ni túbhia.

Nzuá 1:26

Nzuá ua a vutila, uixi: Eme nga batizala ni menha. Maji mu ʼaxaxe kenu-phe muemana muthu, enu ki mu mu ijiia.

Nzuá 1:33

Eme-mùene ue ki ngi mu ijidile, maji o Nzambi, uoso-phe ua ngi tumu kubatizala ni menha, muène ua ngʼ ambela, uixi: Uoso uà mu mona, Nzumbi i tuluka mu diulu, anga i mu tula ku thandu diê, muène u batizala ni Nzumbi Ikôla.

Jipoxolo 1:5

Kuma Nzuá ua mi batizala ni menha, maji enu-phe anda ku mi batizala ni Nzumbi Ikôla, mu izuua muenhumu.

Jipoxolo 10:45

O Jijudé, iá a xikana kiá, a tokala mu kifua kia kusaia, eza kubheka Phetele, a diuana, mu kumona kuma Nzambi ni akua matumbu ue ua a bhange ujitu ua ku a bhana Nzumbi Ikôla ku thandu diâ.

Jipoxolo 2:17

Talesenu, Nzambi uambe: Mu izuua ia kà suka-ku, nga kà bhanga kiki: Nga kà lundulula o Nzumbi iami ku thandu dia athu oso. Anʼ enu a mala ni anʼenu a ahatu a kà tanga o maka mami. Minzangala ienu ia kà mona isumua, o adiakimi enu a kʼ ànjiua jinzoji.

Jipoxolo 2:4

Ene oso anga ezala ni Nzumbi Ikôla, hé a kuata kutanga madimi mengi, kala kioso Nzumbi kia a bhana kuzuela.

I Kolindo 12:13

Kuma ku Nzumbi imoxi etu oso a tu batizala mu mukutu umoxi, kixi tu Jijudé, kixi ki tu Jijudé, kixi tu abhika, kixi tu jifôlo. Etu oso a tu nuisa ku Nzumbi imoxi.