Lute 4:6 - O Mikanda Ikola

⁶ Ndandu iazukama anga u zuela, uixi: Bhobho nga lémbua-phe kiá ku a kula; kuma se ngi ki bhanga, nga-nda kuselula o undundu uami eme-muène; kula kiá eie, undandu uami uazukama ua ngi fuamene kubhanga u bhite ko kué, kuma eme nga lémbua-ku kiá.

Lute 4:6 Iomraidhean Croise

Dimatekenu 38:8

Juda anga u ambela Onano, uixi: Lundula mukajiʼa kota dié, u bhange ndûndu kala kia tokala o kiubha kia diiala, phala phangʼié ka kambe mona.

Ijila 25:25

Se phangʼié uadiama ua mu bokona, anga ku ixi iê ubatula-ku dikaẋi, uixi, mukuetu, sumba-ze, kienhokio-phe bhu kale uoso mukua ku i kuia, uoso ndandu iê, a kule oxi ia sumbisa phangʼiê.

Matendelelu 25:7

Maji, se muene nguê kusakana ni huediʼê, huediʼê-phe abande muene bhu telelu ia adiakimi ni kuila, uixi: Huediʼami-ze uaditunuʼê kutombola o dijina dia phangʼiê mu Izalaiele; mukonda nguê ku kumbidila o kijila kia uhuediʼakime nʼeme.

Matendelelu 25:8

Bhenhobho o makota ma dibhata a mu ixane, phala a zuele-nê; o kia jiza, uixi: Eme nguami muene ku mu sakana, nʼa kala muhatuʼami, kuma ka ngi uabhela.

Matendelelu 25:9

Huediʼê ia muhatu a mu zukame muene bhua tena o makota, anga u mu zula o sabhatu ku kinama hé u mu ṗhamena mu pholo, anga u mu lebhula, uixi: Diiala uoso u kamba kutungila phangʼiê dibhata, a kà mu bhanga kienhiki!

Lute 2:20

Nouemi bhenhobho anga u ambela mukaji a monʼê, uixi: A tane-ku muenhó uoso ua ku tambulula! A kale ni dibesá dia Jihova! Manhi o henda ia Jivova ii-ié hanji, kiluua i batuka kua iá ala ku muenhu ni ku ma difunduʼetu afu kiá! Nouemi anga u zuela dingi, uixi: Diialʼodio ndandu ietu, ndandu ia zukama muene! Muene ue muthu ku malembʼetu a fuama o ku tu kula ni kubhanga ndundula.

Lute 3:13

Nhohena hanji bhenhabha usuku iú lelu, o ki kúkia muene se u xikina ku ku bhanga kia tokala o ndandu iazukama, a ki bhange kia undandu uazukama; o ki kala udituna ku ku bhanga kia tokala o undandu uazukama, eme kiá ngi ku bhanga-kiu. Nga loka muene mu dijina dia Jihova. Eie zeka kiá bhenhabha katé ki kúkia.

Lute 3:9

Anga u ibhula, uixi: Eie nanhi? Kuala muene: Eme Lute, ngi kahatu ké; ngi vungine-phe ni dibhabha dia vunga dié, eme ngi kahatu ké, kuma eie u dilemba, eie u ndandu iazukama ua fuama o ndundula.