Lute 3:9 - O Mikanda Ikola

⁹ Anga u ibhula, uixi: Eie nanhi? Kuala muene: Eme Lute, ngi kahatu ké; ngi vungine-phe ni dibhabha dia vunga dié, eme ngi kahatu ké, kuma eie u dilemba, eie u ndandu iazukama ua fuama o ndundula.

Lute 3:9 Iomraidhean Croise

Izekiiele 16:8

Eme-phe, mu kubhita bhu mbandu ié, nga ku mono, tala, o ki nga kuidi suí, nga ku mono kuila ua bhixila mu kithangana kia ku ku ta iambu; anga ngʼoleka o muxiku ua thanga iami ku thandu dié, hé ngi vunga o tuẋi ié; kienhókio nga ku lokela, eme nga bokona mu kikutu ni eie, kiene kiambe Jihova Nzambi; eie kiá ua kituka u uami.

Luka 14:11

Mukonda uoso u di zangula, a mu tulula; o uoso-phe u di tolesa, a mu zangula.

Lute 2:20

Nouemi bhenhobho anga u ambela mukaji a monʼê, uixi: A tane-ku muenhó uoso ua ku tambulula! A kale ni dibesá dia Jihova! Manhi o henda ia Jivova ii-ié hanji, kiluua i batuka kua iá ala ku muenhu ni ku ma difunduʼetu afu kiá! Nouemi anga u zuela dingi, uixi: Diialʼodio ndandu ietu, ndandu ia zukama muene! Muene ue muthu ku malembʼetu a fuama o ku tu kula ni kubhanga ndundula.

Lute 3:10

Kuala Bouaji: Jihova a ku bhane dibesá, monʼami! Mukonda o mbote iii i ua sukidila kubhanga iala kota, o i ua diangele kubhanga iala ndenge; kuma eie kua kaiela mala a minzangala, a kale jingadiama, mba a kale akua itadi, ki ene u ua suu.

Lute 3:12

Kidi muene eme ngi ndandu iazukama, ki ngi di tunu-kiu; maji hanji sai-phe mukuetu ua beta kuzukama eme ndenge.

Lute 3:8

Kutula mu kaii ka usuku, diiala di sasumuka ku kilu, u bhetuka; mu kutala, u mona bhu inama iê bhua zeka muhatu,

Lute 4:4

Ngixi-phe ngi ku kunda-kiu, imoxi u a sumba bhu pholo ia adiakimi akua bhata iá a xikama bhabha, ni bhu pholo ia mundu uoso. Ki uila-phe u a kula, kula-u-phe kiá; o ki uila kana, zuela-kiu, phala ngi kʼijiie; kuma kana-ku dingi ua tokala o ku a kula, kala eie ngó, ni eme nga kaiela ku kunda dié.

Lute 4:6

Ndandu iazukama anga u zuela, uixi: Bhobho nga lémbua-phe kiá ku a kula; kuma se ngi ki bhanga, nga-nda kuselula o undundu uami eme-muène; kula kiá eie, undandu uami uazukama ua ngi fuamene kubhanga u bhite ko kué, kuma eme nga lémbua-ku kiá.

I Samuuele 25:41

Muene anga u balumuka, u bhetama pholo iê bhoxi, uixi: Emʼiú, ngi kahatu kê, ngi kale ngi mubhika ua kusukula inama ia akua mbèle ia muadiʼami.