Lute 3:12 - O Mikanda Ikola

¹² Kidi muene eme ngi ndandu iazukama, ki ngi di tunu-kiu; maji hanji sai-phe mukuetu ua beta kuzukama eme ndenge.

Lute 3:12 Iomraidhean Croise

Matesu 7:12

Kala kiki, ima ioso-phe i mua mesena kuila athu a mi bhanga-iu enu, iene ue muene i mua bhanga ene; mbata kiene kia jimbulula o Kitumu kia Mozé ni milongi ioso ia jipolofeta.

I Tesalonika 4:6

Bhu kaẋʼ abha-phe, ki bhu kale muthu u somboka, mba u bhanga mukuâ phulu mu maka kala iá, kuma Ngana muzokedi a ima ioso iii. Kikiphe tua mi dimuna dingi kala ki tua diangele ku mi dimuna, ni ku mi bhana umbangi, kuma Muène hinu ua ka bhana kaxtiku kua oso a bhanga ima kala iii.

Lute 2:20

Nouemi bhenhobho anga u ambela mukaji a monʼê, uixi: A tane-ku muenhó uoso ua ku tambulula! A kale ni dibesá dia Jihova! Manhi o henda ia Jivova ii-ié hanji, kiluua i batuka kua iá ala ku muenhu ni ku ma difunduʼetu afu kiá! Nouemi anga u zuela dingi, uixi: Diialʼodio ndandu ietu, ndandu ia zukama muene! Muene ue muthu ku malembʼetu a fuama o ku tu kula ni kubhanga ndundula.

Lute 3:11

Kiki-phe, monʼami, ku kale ni hele, eme ngi ku bhanga kioso ki ua tange; mukonda akua bhata dietu oso a ku ijiia kuila eie u muhatu ua ujitu.

Lute 3:13

Nhohena hanji bhenhabha usuku iú lelu, o ki kúkia muene se u xikina ku ku bhanga kia tokala o ndandu iazukama, a ki bhange kia undandu uazukama; o ki kala udituna ku ku bhanga kia tokala o undandu uazukama, eme kiá ngi ku bhanga-kiu. Nga loka muene mu dijina dia Jihova. Eie zeka kiá bhenhabha katé ki kúkia.

Lute 4:1

Bouaji anga u banda ku bhata, u tula bhu muelu ua kimbaka, u xikama. Mu nanga kathangana, ndandu iazukama u tena kukala mukudi ua kubhanga undundula kua Lute, kala kiambele Bouaji, u kala mu bhita. Muene anga u mu handekela, uixi: Xeie, ngânji! Iza hanji kunu, u xikame bhabha.

Lute 4:4

Ngixi-phe ngi ku kunda-kiu, imoxi u a sumba bhu pholo ia adiakimi akua bhata iá a xikama bhabha, ni bhu pholo ia mundu uoso. Ki uila-phe u a kula, kula-u-phe kiá; o ki uila kana, zuela-kiu, phala ngi kʼijiie; kuma kana-ku dingi ua tokala o ku a kula, kala eie ngó, ni eme nga kaiela ku kunda dié.