Lute 2:4 - O Mikanda Ikola

⁴ Bhenhobho-phe Bouaji u tunda mu Beleme, anga uiza ku menekena o jingunza jala kumuna, uixi: Ngana a mi kuatekese. Ene ue a mu kumbulula, exi: Eie ue Ngana a ku bhane dibesá.

Lute 2:4 Iomraidhean Croise

Dimatekenu 18:19

Mbata eme nga mu ijiia, kuila muene ua-ndu tumina anʼê ni dibhata diê dioso hádia di mu bhingana, phala ende ni kukaiejela mu jinjila ja Jihova, mbé ende ni kubhanga ima ia kilunji ni kuiuka, phala Jihova a kumbidile ioso ia tànga muene ku i bhanga kua Mbalahamu.

Dimatekenu 28:3

Nzambi, Uatena-Ioso, a ku zediuise, a ku bhane kuvuala, a ku sokolole, u di bhange u mundu ua ifuẋi ia athu.

I Malunda 2:51

Salama, tata ia akua Beleme, Halefe, tata ia Betengadi.

Jisálamu 118:26

A tane-ku ió uoso uiza mu dijina dia Jihova; tu sange Ngana! Tua mi menekena tunde mʼonzo ia Jihova mumu.

Jisálamu 134:3

A mi bhane dibesá di tunda mu Ziione, o dibesá dia Jihova ua bhanga o diulu ni ixi.

Jelemiia 31:23

Jihova dia ifuẋi, Nzambi ia Izalaiele, uambe kiki: Kizuelu kiki a-nda ku ki tanga hanji mʼoxi ia Juda ni mu mabhata mê, kioso ki nga-nda kuzubhaku o ubhika ua uhutile uê, kuila: Jihova a ku zediuise, eie dibhata dia kubatula o milonga mu kidi, eie u mulundu uê ukola!

Dialuilu 6:24

Jihova a ku zediuise, a ku lange;

Luka 1:28

Mukunji anga u bokona, uixi: Nga ku menekena Madiia! Eie a ku zediuisa kiavulu kuala Nzambi! Ngana uala ni eie.

II Tesalonika 3:16

Kiki muène, Ngana ia kutululuka, a mi bhane jinge kutululuka mu ima ioso.

I Timote 6:2

Oso ue ala ni jingana jâ ja xikana kiá, ka a tobhese mukonda dia kukala jiphange jâ mua Ngana. Inda a bete ku a kalakela, mukonda o jingana a-ndu tambula o ikalakalu iâ iambote, ala axikani, phange jâ ja kazola. Imʼiii ia bhingi u i tendelela.

II Timote 4:22

Ngana Jezú Kristu, akale ni nzumbi ié. O kiadi kia Ngana Nzambi ki kale ni enu oso koko.

Josuué 24:15

Maji-phe, se kia mi ibhila ku mesu menu o kubhikila Jihova, leluʼidi-phe Solenu kiá uoso mua fuama o ku mu bhikila: se muedi mu xingidisa o mahamba a xingidisa jinga o jitata jenu kia kexi mu sámbua dia ngiji ia Ufalate, mba-phe mu xingidisa o mahamba ma akua Mamodi avu o ixi iii mu mua tungʼumu, enu kiá! Maji eme-phe ni dibhata diami, tu bhikila Jihova.

Afundixi 6:12

Anju ia Jihova anga i mu tukulukila, i mu ambela, ixi: Jihova uala ni eie, u dizonda dia nguzu.

Afundixi 6:16

Jihova anga u tuma dingi ku mu ambela, uixi: Eme ngi kala ni eie sé kufula, akua Midiiana-phe ua kà a nemeka kala muthu umoxi ngó.

Lute 2:3

Muene anga uia, u kuata kunona mu díbhia, ni kukaiela ku dima dia jingunza jala kumuna. Kuzediua kuê-phe o kutukulukila mu díbhia dia Bouaji, ua tokala ku muiji ua Elimeleke.

Lute 2:5

Bouaji anga u ibhula selevende iê uala mu kalakesa o jingunza, uixi: Kilumba kiki monʼa nanhi?

Lute 4:11

Mundu uoso a xikama bhu muelu ua kimbaka, ni adiakimi, bhenhobho exi: Tu jimbangi muene. O Jihova a bhangese kuila muhatu iú ueza mʼonzo ié a soke ni Lakele ni Liia, a tenene kiiadi kiâ kubhanga o dibhata dia muiji ua Izalaiele. Eie muene ue Bouaji, kala u dikuenze, o Nzambi a ku bhane kuzediua mu Efrata, ni kujinga o dijina mu Beleme.

I Samuuele 17:37

Davidi, uixi dingi: O Jihova ua ngi kudila ku iala ia hoji, ni ku iala ia úlusu, muene ue u ngi kudila bhu maku ma mukua Fidíxia iú. Saúlu anga u ambela Davidi, uixi: Kuabhu! Ndeie, Jihova muene a ku bande.