Lute 2:2 - O Mikanda Ikola

² Lute-phe mukua Mouabhe anga u ambela ukoué Nouemi, uixi: Ngehele, ngiie ku mábhia, ngi none tu ixina tua sevada tua laúka kua iá ala kumuna, mu kaiela uoso u ngi kala ni henda nʼa ngi tambula mʼobhia diê. Nouemi anga u mu ambela, uixi: Ndé kiá, monʼami.

Lute 2:2 Iomraidhean Croise

Dimatekenu 32:6

Jiphunga mu kuvutuka a sanga Jakobo, exi: Tua bhiẋila kua kota dié Izaú, muene-phe iú uiza ku ku batuila, ni hama jiuana ja makuenze jala kuiza na-ju.

Ijila 19:10

Kiene ue kimoxi, kana kuangulula o mulenga ué ua mivide katé mua-bhu; kana ue kubonga o jimbundu joso jabhiti ni kusonojoka; ehela-ju o ngadiama ni nzuángiza ua tundu dikanga; Eme-muène Jihova Nzambi ié.

Ijila 19:16

Kana kukala u kitoka kia jimbuémbue muʼaxaxi ka akuenu; kana kusota kujimisa o muenhu ua mukuenu; Eme-muène Jihova.

Ijila 19:9

O ki mu muna ue mábhia menu mʼoxi ienu, kana kumuna katé mu jithungi ja ikombolo mua suku o díbhia, mua zubha-mu; o masa a bhiti ni kusonojoka mu kumuna, eie ue ku ma bonge dingi.

Ijila 23:22

O kioso ki mua kà muna ue o mábhia menu mʼoxi ienu, kana kumuna katé mu jithungi ja ikombolo ia milenga ienu, o mítue ia masa moso mabhiti ni kusonojoka eie ku a bonge dingi. Ehela-u kiá o ngadiama ni nzuangiza; Eme-muène ngi Jihova Nzambi ienu.

Lute 2:3

Muene anga uia, u kuata kunona mu díbhia, ni kukaiela ku dima dia jingunza jala kumuna. Kuzediua kuê-phe o kutukulukila mu díbhia dia Bouaji, ua tokala ku muiji ua Elimeleke.

Lute 2:7

Ua ngʼambela, uixi: Ngʼehe ngende ni kunona tu ixina tua lauka mua bhiti o jingunza ni kumuna, ni mu jimbandu ja ita iókute kiá. Hanji-phe kieza mu kimene uala kuenda ni kunona tunde kienhokio katé mu kumbiʼumu; ua xikamene ngó kathangana kofele mʼonzo.

I Samuuele 1:18

Hana anga u mu vutuila, uixi: Ngi sange kiadi ku mesu mé, eme ngi mubhikʼé ua muhatu. Muhatu anga u ila njila iê, u kala mu kudia kiá; pholo iê ki ia di suuata dingi ni malamba.