Lute 1:17 - O Mikanda Ikola

¹⁷ O ixi ioso i ua ká fuila eie, kididi bhuoso bhu ufuilʼeie, eme ue bhene bhu ngi fuila, o bhua ku fundʼeie bhene bhua ngi funda. Jihova a ngi bhange-kiu, a ngi tele-kiu dingi, se nga xikina kuuanunuka nʼeie, mukonda kikale ki tu uanuna o kúfua.

Lute 1:17 Iomraidhean Croise

II Samuuele 15:21

Itai anga u vutuila muenexi, uixi: Nga loka kala Jihova ki ala ku muenhu, eie ue muenexi kala ku muenhu, kùku, ngana iami! Kioso kididi ki u kala eie, kùku, ngana iami, kixi ki kala kia kufuila, kixi ki kala kia kulaiela, kiene ue kididi ki ngi kala eme ngi mubhikʼé.

II Samuuele 19:13

Mua kambela ue Amasa, muixi: Eie kuala u kifuba kiami, u xitu iami? Nzambi a ngi bhange-kiu, a ngi tele-ku dingi, se eie u kamba kukala u kabhitangu ka kifuxi bhu pholo iami izuua ioso bhu kididi kia Jouabe.

II Samuuele 3:35

Mundu uoso anga eza kua Davidi ku mu bhomba kudia mu muanha hanji; maji Davidi-phe u loka, uixi: Nzambi a ngi bhange-kiu, a ngi tele-ku, se ngi lola kúdia kuoso-kuoso katé ki tula o dikumbi.

II Samuuele 3:9

Nzambi a ngi bhange-kiu, eme ngi Abinele, a ngi tele-ko dingina, se kia lokela Jihova kua Davidi eme ngi kamba ku ki kumbidila,

I Jisobha 13:31

Anga ki bhita-phe kuma, kia zubha ku mu funda, u tangela ue anʼê, uixi: eme uami kuila ngafu, mu ngi funda mu mbila mu a fundu o muthu ua Nzambi; mu tula o ifuba iami bhu mbanduʼa ifuba iêmuene.

I Jisobha 19:2

Bhenhobho Jezabele u tuma phunga kutangela Elija, uixi: Jinzambi ji ngi bhange-kiu, anga a ngi tela-ku dingi ku kidi muene, se mungu, bhu kumbi Ma didi, o muenhu ué ki ngʼu bhange kala ua umoxi mudiâ.

I Jisobha 2:23

Sobha Solomá anga u lokela bhenhobho mu dijina dia Jihova, uixi: Nzambi a ngi bhange-kiu uami, a ngi tele-ku dingi, se o kizuelu kienhiki kia zuela Adoniia, ki kamba ku mu jimisa o muenhu uê.

I Jisobha 20:10

Anga Bene-hadade u tuma ku mu ambela, uixi: Jinzambi ji ngi bhange kioso ki ja mesena, ni kia mukuá dingi kuma o fufuta ia Samádia ki ia-ndu soka phala kuizalesa o maku ma kifuẋi kioso kia mu ngi kaiela.

II Jisobha 6:31

Hé uila, uixi: Nzambi a ngi bhange kienʼiki mu luiadi, se lelu mútue ua Ilizeu, monʼa Safate, u subhuka ku thandu diê.

Jisálamu 45:10

Tala kunu, monʼa kilumba, ivua-ze ngi ku fuetele, bhana mátui nda u xinganeke; jimba-ku kiá lelu ku jindandu jé, ku bhata dia tatʼenu ku te-ku dingi muẋima.

Jipoxolo 11:23

Muene kia zubha kutula, anga u mona kiadi kia Nzambi ku athu ió, u kala ni ngalasa iavulu. Anga u a suinisa ene oso kuma a kolokote kuenda mu kidi ni Ngana, ni kutetuluka kua muẋima.

Jipoxolo 20:24

Ki nga suu-phe kima. Né o muenhu uami ki ngʼ u jijila, kabasa ngi zubha o njila ia ngi xindi, ni ukunji ua ngi bhana Ngana Jezú. O ukunji uenʼ iú: O kubhana umbangi ua Njimbu Iambote ia kiadi kia Nzambi.

Lute 1:16

Lute-phe, uixi: Kana ku ngi bhomba ni ngi ku xie, anga ngi ku sondoloka hé ngi fula ku ku kaiela; mukonda kuoso ku uia eie, eme ue kuene ku ngiia; bhuoso bhu ua kà tudila eie o usuku, eme ue bhene bhu ngi tula; o mundu ué u kala mundu uami, Nzambi ié Nzambi iami.

Lute 4:15

A kale mona u ku bhana muenhu uobhe, u ku bhana dingi nguzu mu kukuka kué; kuma mukajiʼa monʼé ua ku zola, muene ua mu vuala; o mukajiʼa monʼé umoxi muenhú sambuadi dia ana a mala ala ndenge.

I Samuuele 14:44

Saúlo anga u zuela, uixi: Nzambi a ngi bhange-kiu, a ngi tele-kiu dingi, se ki kamba ku kubhita; u fua muene, Jonata!

I Samuuele 20:13

Jihova-phe a ki bhange kua Jónata, a mu tele-ku dingi, se ngi mona tatʼetu ua mesena ku ku bhanga phulu, eme anga ngi kamba ku kuʼijidisa-kiu ni ku ku xinjikila phala eie nʼuié ni ku tululuka; Jihova-ze a kale ni eie, kala kia kexile ni tatʼetu.

I Samuuele 25:22

Nzambi a ki bhange ku jinguma ja Davidi, a a tele-ku dingi, se ku dibhata dioso dia tokala Nabale katé ki kúkia ngi xá-ku né mona umoxi ngó uòfele ua diiala.

I Samuuele 3:17

Uixi: Kima kiahi kia ku tangela Jihova? Nga ku diondo, kana ku ngi suekela-kiu; Nzambi a ku bhange-kiu, a ku tele-ku dingi ku kaxitiku, se eie u ngi suekela kima, anga u kamba ku ngi tangela ioso ia ku ambela muene.