Lute 1:16 - O Mikanda Ikola

¹⁶ Lute-phe, uixi: Kana ku ngi bhomba ni ngi ku xie, anga ngi ku sondoloka hé ngi fula ku ku kaiela; mukonda kuoso ku uia eie, eme ue kuene ku ngiia; bhuoso bhu ua kà tudila eie o usuku, eme ue bhene bhu ngi tula; o mundu ué u kala mundu uami, Nzambi ié Nzambi iami.

Lute 1:16 Iomraidhean Croise

II Samuuele 15:21

Itai anga u vutuila muenexi, uixi: Nga loka kala Jihova ki ala ku muenhu, eie ue muenexi kala ku muenhu, kùku, ngana iami! Kioso kididi ki u kala eie, kùku, ngana iami, kixi ki kala kia kufuila, kixi ki kala kia kulaiela, kiene ue kididi ki ngi kala eme ngi mubhikʼé.

Jisálamu 45:10

Tala kunu, monʼa kilumba, ivua-ze ngi ku fuetele, bhana mátui nda u xinganeke; jimba-ku kiá lelu ku jindandu jé, ku bhata dia tatʼenu ku te-ku dingi muẋima.

Jisabhu 17:17

Dikamba u zola mu thembu joso; o ndandu u di monekena mu jiphaxi.

Izaía 14:1

Mbata Jihova ua kà kuatela Jakobo henda, u tona dingi kusola Izalaiele anga u a bheka mʼoxi iâ; jinzuángiza ue ja kà di bunda kumoxi ni ene, anga a kà di banda mu diembu dia Jakobo.

Daniiele 2:47

Sobha anga ukumbulula Daniiele, uixi: Kia kidi kiene, Nzambi ienu muene Nzambi ia jinzambi, muene Ngana ia jisobha; muene ue o mukua kutukulula ni kujingununa o ijinganu; mukonda o kijinganuʼiki eie ua ki lende muene o ku ki tetulula.

Daniiele 3:29

Eme-phe ngi xikisa kiá ngonge, kuila, ku miji ioso-lolo, ni ifuẋi ni madimi, uoso u ẋongùena Nzambi ia Sadalake, ni Mizake, ni Abede-neko, a mu batujule ku iẋimbu-iẋimbu, o diembu diê a di bhange dixita dia uthôkua; mbata kana-ku Nzambi iengi u tena kukudila kala Iú.

Daniiele 4:37

Kiki-phe, eme, Nabukodonozolo, ngedi: Muenexiʼa diulu atane-ku! A kule, ajinge! Ngi mu zangeleka ni ku mu ximana jinga, mbata ikalakalu iê ioso kidi mu kidi, uendelu uê kutetuluka kuoso, oso ambe ku di zangeleka, muene u a toza anga a sebuluka muene.

Hozeia 13:4

Sumbala kiene, hanji tunde koxi ia Ijito, eme Jihova Nzambi ié; kala kiki, kana ku di tambulula dingi ni nzambi iengi nʼu ngi xi eme, mbata ki kuene dingi Mubhuludi uengi, kale eme-muène ngó.

Zakadiia 8:23

Jihova dia Ilombo Ieta uambe, kiki: Bhu kizuuʼokio kia kà bhita-phe kuma kuinhi dia muthu a tokala ku madimi mʼengi ma miji ioso mu ngongo, a kà naminina, ni kidi-ze muene, a kà naminina ku muxiku ua kizuatu kia Judé imoxi, anga a muambela, exi: Tuanda kuia ni enu, mukonda tuene mu kuívua kuila o Nzambi uala ni enu.

Matesu 8:19

Anga kuiza musoneki umoxi, uixi: Mesene, eme ngi ku kaiela kuoso-kuoso ku uia.

Nzuá 13:37

Phetele uixi: Ngana, ki ngi tenena-hi ku ku kaiela kiá? Eme ngi bhana muenhu uami mukonda dié.

Jipoxolo 21:13

Kieniokio Phaulu ua kumbulula, uixi: Mu didila-hi kiki, anga mu ngi bhekela lamba diavulu ku muẋima? Kuma eme ngala polondo, ki ku ngi kuta ngó, maji katé ni ku ngi jibha mu Jeluzaleme mukonda dia dijina dia Ngana Jezú.

I Tesalonika 1:9

Kuma ene mudiâ a ki fumanesa kioso etu ki tuende mu kubokona mu ʼaxaxe kenu, ni kioso enu ki mua tu tambulula kiambote, enu mua biluka, muaxi o iteka, enu mua kane o ku di tuma ni Nzambi ia kidi, ia muenhu.

Josuué 24:18

Jihova iu ua tu kaiesela o matumbu osoʼâ bhu pholo ietu, katé ni Mamodi a tungile oxi iâ iii. Lémbue! Etu uetu tu bhikila jinga Jihova, mbata muene o Nzambi ietu.

Dijingunuinu 14:4

Enhá ene a di bhake ni kuzela, a kambe kudikasanesa ku jiphànda ni ahatu, kuma ala anʼa ndenge. Enhá ene a nhenganana Kambudi, ene a nhunganê kuoso-kuoso ku a di tela. Enhá ene a a sumbu muʼaxaxe ka mundu ua athu mu ngongo, mu kukala ibundu ia kutomona ia bhakuila Nzambi ni Kambudi.

Lute 1:15

Muene anga u mu ambela, uixi: Talesa huedʼiê iú-uió, ua-lu vutuka ku kifuẋi kiê ni ku nzambi jê; eie ue vutuka, kaiela-ze mukuenu.

Lute 1:17

O ixi ioso i ua ká fuila eie, kididi bhuoso bhu ufuilʼeie, eme ue bhene bhu ngi fuila, o bhua ku fundʼeie bhene bhua ngi funda. Jihova a ngi bhange-kiu, a ngi tele-kiu dingi, se nga xikina kuuanunuka nʼeie, mukonda kikale ki tu uanuna o kúfua.

Lute 2:6

Selevende uala mu kalakesa jingunza, u vutula, uixi: Muene kilumba mukua Mouabhe, uejiia kumoxi ni Nouemi kia tundu ku Mouabhe.

Lute 4:15

A kale mona u ku bhana muenhu uobhe, u ku bhana dingi nguzu mu kukuka kué; kuma mukajiʼa monʼé ua ku zola, muene ua mu vuala; o mukajiʼa monʼé umoxi muenhú sambuadi dia ana a mala ala ndenge.