Jisálamu 99:1 - O Mikanda Ikola

¹ Jihova ua hingi ungana uê; akua jixi a tekete; Muene ua xikama bhu kaẋi ka jixelubini; ixi i tungute.

Jisálamu 99:1 Iomraidhean Croise

II Samuuele 6:2

Davidi anga u zanguka ni mundu uoso uala-nê kumoxi, aia bhu Bahale ia Juda, mu kutakana kuenhoko o álaka ia Nzambi, ia ku fumanesena o Dijina, dijina dia Jihova dia Ifuẋi, ua xikama muʼaxaxi ka jixelubini.

I Malunda 16:30

Oxi ioso itekete, itekete bhu pholo iê, mbata o ngongo muene ua ifikidila phala ki i tekete.

Jisálamu 18:10

U endela ku xelube, u tuka hé u bhita bhulu, u diona ku mabhabha ma kitembu.

Jisálamu 2:6

Eme-phe, sobha iami nga muʼundu bhu kididi, ku mulundu uami ukôla ua Ziione.

Jisálamu 80:1

Tu ivue, eie u Mubidi ua Izalaiele, eie u mukua kuendesa Zuze kala kilunga kia ibhaku; eie ua xikama ku thandu dia jixelubini, muika!

Jisálamu 80:2

Bhu pholo ia Ifalaíme, ni Bejamí, ni Manasa, vunza nguzu ié, uize mu ku tu bhulula.

Jisálamu 82:5

Ene kejiia kima, ka tongoloka, athu engajaka ngó muʼavundu; jingunji ja kuatele o ngongo ja-lu sota kudibhala.

Jisálamu 93:1

Jihova ua hingi ungana uê! Ua zuata kijîngo! Jihova ua zuata, ua di kutu uzonda: ixi ua i kuatesa bhu kididi kiê, ka tena ku i sendumuna.

Jisálamu 96:10

Tangenu-kiu ku matumbu muixi: Jihova ua hinge ungana uê. Muene ixi ua i kuatesa bhu kididi, ka tena ku i sendumuna; hádia muene u fundisa o mundu mu uiukilu uê.

Jisálamu 96:9

Bhezenu Jihova mu kukemba kuazele kua uiukilu uê; mu kuatedienu uoma enu oso mua tungu mu ngongo.

Jisálamu 97:1

Jihova ua hingi ungana uê; ixi ioso i tane-ku! Ni mu ikolo iê iavulu a kale ni ngalasa.

Jisálamu 97:4

Jinzaji jê ji telaka mu ngongo; ixi ia ki mono, ia teketa.

Makatukilu 25:22

Bhenhobho bhene bhu tu takanena jinga, ki ngiza kokué; bhu thandu dia kibhuna kia kiadi, bhene bhu nga kà zenzamena mu ku ku zuelesela mu kaẋi ka jixelube jala ku thandu dia álaka ia umbangi, o ima ioso i ngi ku tuma kuambela anʼa Izalaiele.

Izaía 19:14

Jihova ua a lunduluila kiá nzumbi ia mudiangu, ene ia a bhangesa Ijitu kutondala mu ibhangelu iê, mukuâ ni hôlua kioso ki i di-kundumuina mu induxila iê ia lusu.

Jelemiia 4:24

Tala, nga kengelela milundu, nga i mono i teketa; o malundu me moso ma di nhika-nhika.

Jelemiia 49:21

O mu kulundumuka kuê, o kibazu kiê, ngongo ia tunguta; o mutendu uê katé ni ku Kalunga ka Kusuka a uivu o kinuminu.

Jelemiia 5:22

Jihova uambe: Enu nguenu ku ngi xila, kuambienu? nguenu ku ngi kala ni uoma, eme nga te o mbambe ia kisèkele kia hatu mu xitila o kizanga kia kalunga, i ia xalela ngonge i nangenena ia bhingi o muene u lembua ku i matuka? Né-mbe u fundumuna mabhuku mê, ka tena kutolola; né-mbe mabhuku a zuma, mbambe ka kà i somboka.

Jelemiia 50:46

Ixi ia teketa ku kinuminu kia Babilonha kioso kia mu tolola; o kudikola kuê a kuʼivu mu kaxi ka miji ioso.

Izekiiele 43:7

Anga u ngʼambela, uixi; Eʼ monʼa diiala, o kiki kiene o kididi kia kiandu kiami, o kididi kia makànda a inama iami, bhu nga-nda kukala muʼaxaxe ka anʼa Izalaiele, katé ku hádia ni hádia; o akua muiji ua Izalaiele ue kanda kukasanesa dingi o dijina diami dikôla, ni maundumbu mâ ni imbi ia jisobha jâ, bhu ididi iâ ia di leka, kutale ene uixi o jisobha jâ,

Luka 19:12

Jezú uixi: Sai muadiakime, monʼ a ngana, ukala mu kuia oxi ia dikanga mu kutambula usobha, phala kuiza dingi.

Luka 19:14

Maji o akua ʼxi iê-phe a mu zembe, anga a tumikisa jiphunga ku dima diê mu kuamba: Etu muthu iú nguetu-nê kukala sobha mu ku tu tumina etu.

Luka 19:27

Jinguma jamiʼ ojo-phe, kʼ andalele eme ni ngʼ a tumine, ngi bhekedienu-nâ bhabha, mu a jibhile bhu pholo iami!

Filipe 2:12

Uila kiki, enu akuetu, kuma enu mu akua kutumaka jinga, kana ngó bhu pholo iami kioso ki ngi kala-bhu maji mua fuama mu kala dingi kota mu ku ngi tumaka, kiki ki nga tundu-bhu. Mu kieniiki, tutumbenu ni ujitu uoso ni uôma, phala mu mone o kubhuluka.

Dijingunuinu 11:17

exi: Eie Ngana Nzambi, Muteni-a-Ioso, kiki uenié-ku, tunde ukulu Eie ua kàle! Tua ku sakidila, mukonda Eie ua tambula o kutena kué kuonéne, ua hingi ungana, Eie ua mateka kiá o kutumina.

Dijingunuinu 20:11

Kia bhiti imʼíii, nga mono kiandu kia dikota kizela, ni muène ua xikama-bhu. O mu kulenga pholo iê, oxi ni diulu ia jimuka, ki ia moneka dingi ku mesu.

Dijingunuinu 6:14

O diulu anga di muangana-ku, mukuâ ni mukanda ki u di futa-futa. O milundu ioso ni ikolo ia sondoloka bhu kididi.