Jisálamu 96:4 - O Mikanda Ikola

⁴ Kuma Jihova munéne, ua tokala ku mu ximana kiavulu; muene a mu kuatela uoma, jinzambi jengi kana.

Jisálamu 96:4 Iomraidhean Croise

II Malunda 2:4

Talesa-phe, kuma, o dijina dia Jihova Nzambi iami ngala kiá phala ku di tungila inzu, i ngi mu lumbila, mbé o kuia ni ku muʼohela uasu ua dizumba bhu pholo iê, ni mbolo ia ku mu tela jinga izuua ioso, ni jisata ja kimene ni ngoloxi, ni mu jisabhalu, ni bhu jimbeji ja thethama, ni mu izokola ia Jihova Nzambi ietu; mbata Izalaiele kiene kia mu fuama kubhanga jinga katé ku hádia ni hádia.

Nehemiia 9:5

Kuala akua Levi: Jesuua, ni Kadimiiele, Baní, Hasabeneia, Selebiia, Hodiia, Sebaniia, Petakiia; exi: Fundumukenu, tanesenu Ngana dia Nzambi ienu katé ku hádia ni hádia; ndokuenu mu tanese o dijina dia fuma iê, dia tundu o dibesá dioso ni diximanu.

Jisálamu 145:3

Jihova u kôla, ua tokala ku mu ximana kiavulu; o unéne uê kana muthu u tena ku u zubha ku u ijiia!

Jisálamu 150:2

Mu ximanienu mukonda dia ikalakalu iê ia undanda; mu ximanienu kala kia tokala mu ulamba uê ua uabha kiavulu.

Jisálamu 18:3

Ngenda ni kudikola kua Jihova, ua fuama o ku mu ximana; kiene ki ngi bhulukila ku jinguma jami.

Jisálamu 48:1

Jihova munéne, muene ngó ua O tokala ku mu ximana jinga kiavulu, mu mbanza ia Nzambi ietu, ku mulundu uê uangene.

Jisálamu 66:3

Ambelenu Nzambi: Eie Ngana u kindanda mu kukalakala kué! mukonda dia nguzu ié iavulu, jinguma jé ja-nda kuiza ku ku belesela.

Jisálamu 66:5

Zenu, mu tale o ikalakalu ia Nzambi; muene kilamba mu kutumina anʼathu!

Jisálamu 76:7

Eie, eie Ngana, Ukôla! U kuata uôma! ki ku kuata o njinda ié, nanhi u tena kuimana-bhu?

Jisálamu 86:10

Mukonda eie, Ngana, u kôla! U mukua kubhanga madiuanu! eie ngó ubheka ué u Nzambi!

Jisálamu 89:7

Nzambi ukôla, mu kionge kiê kia ji-anjo! Munéne! U kuata uôma! Ene oso a mu kondoloka mu mbèle iê, a mu xila kiavulu!

Jisálamu 95:3

Kuma o Jihova, kota dia Nzambi, Ngana ia dokota ua tundu o jinzambi joso.

Makatukilu 18:11

O kiki nga kʼijiia kuma Jihova kota, jinzambi joso ndenge; mukonda enhó a di zangeleka ni ku mi tatesa, ua a katula o mahanha.

Jelemiia 5:22

Jihova uambe: Enu nguenu ku ngi xila, kuambienu? nguenu ku ngi kala ni uoma, eme nga te o mbambe ia kisèkele kia hatu mu xitila o kizanga kia kalunga, i ia xalela ngonge i nangenena ia bhingi o muene u lembua ku i matuka? Né-mbe u fundumuna mabhuku mê, ka tena kutolola; né-mbe mabhuku a zuma, mbambe ka kà i somboka.

Daniiele 2:47

Sobha anga ukumbulula Daniiele, uixi: Kia kidi kiene, Nzambi ienu muene Nzambi ia jinzambi, muene Ngana ia jisobha; muene ue o mukua kutukulula ni kujingununa o ijinganu; mukonda o kijinganuʼiki eie ua ki lende muene o ku ki tetulula.

Luka 12:5

Eme ngi mi londekesa-phe uoso mu mu kuatela uôma: Mu kala ni uôma ua Nzambi, ió kia zubha kujibha o mukutu, u tena ue ku mi takula mu ʼalunga ka túbhia. Xi, nga mi ambela muene: Kalenu ni uôma ua Nzambi! Muenió mu ẋidienu.

Dijingunuinu 15:4

Nanhi u kamba kukala ni uôma ué, eie Ngana? Uebhi, Ngana, ka mesena kutanga o unéne ué? Mukonda eie-muène ngó ubheka ué ukôla! Akua jixi joso a kèza bhu pholo ié mu ku ku ximana, mbata o ikalkalu ié iaiuka, athu enhoso a mu i mona.

I Samuuele 4:8

Kokolo dietu! Nanhi u tu kudila bhu maku a jinzambi jiji jasuina? Jiji jene o jinzambi ja betele akua Ijitu ni mabhebhu moso mu kikangalakata.