Jisálamu 94:4 - O Mikanda Ikola

⁴ A di thatha, a zuela izala ioso; abhangi a mangonha enhoso, u sanga a di ta jinzambala jâ.

Jisálamu 94:4 Iomraidhean Croise

Jobe 20:5

o kutana kua isuéia ki ku nange, o kusanguluka kua ati-a-ituxi kua kithangana ngoho kiofele?

Jisálamu 125:5

Maji o ió oso-phe a xi njila, mu kuila njila jengi jabhengalala, Jihova ua kà a kokela kumoxi ni ati a ituxi; o ku thandu dia Izalaiele-phe ku kale paze.

Jisálamu 140:3

Dimi diâ a di zuika kala dia nhoka, kuema dia mizumbu iâ, kuala ikolakola kala ia madiuta. (Selah.)

Jisálamu 31:18

A bhane ububu, oso ala ni mizumbu i tanga makutu; akua kuhina-hina mu longolola o muthu ua iuka, anga a mu bhanga kasekelu, aia ni ku mu kenha.

Jisálamu 52:1

Ua kakela-hi ni ufe anga uia ni ku di thatha, u dizonda dia kimi? Maji o kulenduka kua Nzambi ku kué, ku nangenena.

Jisálamu 59:12

Mukonda dia kituxi kia dikanu diâ, ni maka ma mizumbu iâ, afue-phe mu uanda ua kubhuma kuâ; mukonda dia jindaka jâ ni makutu ene mu zuela.

Jisálamu 59:7

Tongolola-kiu, kuma mu kanu diâ mu tunda ima iaiibha, o ku mizumbu iâ kua xikama ngó jindaka; kuma amba, exi: Nanhi muene u tu ívua.

Jisabhu 30:14

Sai-ku muiji, ala ni maju mukua ni jixibhata, o jingandelu jâ kala jiphoko, phala kujikinisa o jiphulungu kulu dia mundu, ni akua-hadi a bhondalala kiá muʼaxaxi ka anʼathu.

Jelemiia 18:18

Bhenhobho ene exi; Izenu tu di kunde kioso ki tu bhanga mu kununguna Jelemiia; kuma-phe o ngonge ia nganga mba kaiula ka ngambi, mba kizuelu kia musesedi ki iene kufula: izenu tu mu kuame ni dimi, maka mê oso-oso, kana dingi kua evua.

Daniiele 7:11

Mukonda-phe dia izuelu ia izala ia kuata kuzuela o kalumbingʼaka, eme nga kexe ku kengelela; mu kutala ni kutala ngi mona kiama a ki jibha, o kimbi kiê a ki sasala, iá a ki bhana phala ku ki oha mu túbhia.

Daniiele 7:25

Muene-phe ua kà tanga isunji, mu kulebhula Suke-ku, ua kà buikisa athuʼê angene akôla a Suke-ku, mu kubhindamena kulungulula o jithembu ni kitumu; o athuʼê angene a Jihova a kà a bhakula bhu lukualu luê katé ki tenena o thembu, ni jithembu, ni kaxaxi ka thembu.

Daniiele 7:8

O ki nga kuata kutongolola jimbinga, talesa, kua fuafue dingi kalumbinga kòfele muʼaxaxi ka jimbingʼeji; o ku jimbinga ja dianga kua vuzuka jitatu phala kuehela kididi mbé o kalumbinga koka. Talesa o kalumbinga kenhaka kakexe ni mesu kala mesu a muthu, ni dikanu, di kuata kuzuela ni izala ioso!

Daniiele 8:11

Anga lu di kudisa muene katé ki lua kitukila kota dia Ngana uavu kilombo kiê; o jisata jê ja izuua ioso muene ua ji bhuisa-ku, o kididi kia dibhezelu diê muene ua ki lundumuina bhoxi.

Matesu 12:24

Jifalizeu-phe kia kʼivu, exi: Ialʼó kukaia o madimonho, mukonda ua tokala ni Belezububu, dikota dia madimonho.

Matesu 12:34

Enu mu muiji ua madiuta! Mu tena kiebhi, ki mua iibhʼiki, o kuzuela ima iambote? Mbata kioso kiezala mu muẋima, kiene ki zuela o dikanu.

I Samuuele 2:3

Kana kuvudisa dingi kuzuela kuenu kua ukumbu, ki mu tunde dingi ima ia izala mu kanu dienu, kuma Jihova muene Nzambi ia unjimu ni kuijiia, ima i bhanga athu Muene uene ku i pezala ku dipezalelu