Jisálamu 94:3 - O Mikanda Ikola

³ U Jihova, tata, mbambe bhebhi bhu suka enhó abhukumuka, ni kusangulukila mu kubhuma kuâ?

Jisálamu 94:3 Iomraidhean Croise

Estere 7:10

Kienhiki anga a nhenga Hamane ku mukambu ua iudika muene phala kunhenga Moledekai. O kia zubha ku ki bhanga, njinda ia muenexi ia sosoloka kiua.

Estere 7:6

Kuala Estere: Sai ufe, sai muene nguma ia tu kanena kiki! Kingumba kienhiki muene-phe Hamane. Hamane bhenhobho uoma ua mu kuata kiavulu bhu pholo ia muenexi ni na mvuale.

Jobe 20:5

o kutana kua isuéia ki ku nange, o kusanguluka kua ati-a-ituxi kua kithangana ngoho kiofele?

Jisálamu 43:2

Kuma eie, eie u Nzambi iami ia kimbaka; phala-hi u ngʼehela ngó mu kanga? mbebhuʼohi ngiia jinga ni kudila ni dilamba mukonda dia ubhika uala ku ngi bhikisa na-u o nguma?

Jisálamu 73:8

A bhanga kasekelu ku akuá; a kanena ku a bhanga ungungu; a zuela muene ni izala ioso.

Jisálamu 79:5

Ngana, tata, mbambe bhebhi, bhu u suka ni njinda ié? Difuba dié di uama kala túbhia, kifua ki di jimi dingi?

Jisálamu 80:4

Jihova, tata, u Nzambi ia ifuẋi, ua kà suka bhebhi ni kuluuala, sé kuívua o kusamba kua mundu ué?

Jisálamu 89:46

Jihova, tata, u suka bhebhi ni ku di sueka kiki? katé ku hádia ni hádia? o njinda ié ia uama kala túbhia, kífua ki tuà jima dingi?

Jelemiia 47:6

Éhʼê! Xibhata ia Jihova, tata! Eie ua-nda kunhoha katé bhebhi? Vutuka mu kizu kié, nhoha, tululuka muene!

Habakuke 1:2

Ngi dikola katé bhebhi, Ngana, eie ki ua mu fula ku ngivua? Ngi ta mutendu, ngixi: Usuéʼiê: Eie-phe u kamba ku bhulula?

Dijingunuinu 6:10

Anga ene a di kola ni dízui dia dikota, exi: Katé bhebhi, Muadi tata! Eie Muteni-a-Ioso, u kôla, u mukua kidi! Kumbi kuẋi ki u fundisa athu mu ngongo? Kizuua kiebhi ki ua kà bhana kastiku kua ió a tu jibhile?