Jisálamu 94:2 - O Mikanda Ikola

² Zangumuka, eie u Mufundixi ua mu ngongo; akua izala u a bhane o futu ia tokala.

Jisálamu 94:2 Iomraidhean Croise

Dimatekenu 18:25

Lu ku suke, Ngana, ki ki bhite kuila u bhanga kima kala kiki, uila ni iá alungu ni iá abhukumuka u a jibhila kumoxi, kifua ni iá alungu ni iá abhukumuka, a soka? Ki ki ẋikina Ngana; Kifua Mufundixi u fundisa ioso mu ngongo, u lémbua kubatula mu kidi, hé u bhanga o kima kia kukamba kulûnga?

II Malunda 20:12

Ai! Nzambi ietu, tata! Manhi hádia eie kua kâ a fundisa? Mukonda momuetu sé-mu nguzu, mu kumona o kifuẋi kiosuʼiki kia mu tuʼendelʼetu. Ni kia kubhanga tua lémbua ku kʼijiia! Kuabhu! Maji-phe o mesu metu tua ma te kokué.

Jisálamu 31:23

Jihova mu zodienu, enu oso mu athuʼê ósole; kuma Ngana u tambula konda ia jifiiele. Maji akua izala-phe u a bhesa kaxtiku kasoko.

Jisálamu 50:6

Kiókole ku diulu o kutetuluka kuê; kuma Nzambi muène, muene u kala mufúndixi. (Selah.)

Jisálamu 68:1

Nzambi a balumuke, jinguma jê ji muangane; oso a mu zembe a a bhese lusolo bhu pholo iê.

Jisálamu 7:6

Balumuka, u Jihova, mu njinda ié; imana mu bateka ió asaluka ni ku ngi seia; phaphumuka mu ku ngi zuelela, kuma mulonga uami eie-muène ua ku tokala.

Jisálamu 74:22

Balumuka, Ngana Nzambi, u funde o mulonga ué; xinganeka o kioua kiala ku ku tobhesa kumbi ni kumbi.

Jisálamu 82:8

Balumuka, eie u Nzambi, u fundise mu ngongo; kuma madiembu moso ma ku tokala.

Izaía 10:12

Mukonda dia kienhiki, kia kà bhita-phe kuila: Kioso Jihova kia kà zubha o kikalakalu kiê kioso ku mulundu ua Ziione, ni mu Jeluzaleme, kiene ki nga kà futa o kibundu kia muẋima ua di-zangeleka ua sobha ia Asídia, ni ku di mona o kukula kinène ku mesu mê muene-muène.

Izaía 2:17

O kungangamana, ni kuolama kua muthu, a kà ku tununa; ni ku di zangeleka kua makuenze, a kà ku tululula té bhoxi mu mavu; bhu kumbi diodio Jihova muene ngó, ua kà zangalala.

Izaía 37:23

Eie mukuahi ua mu lebhula, ua xingi nanhi? Ua mu mu handekela kiókio ni mesu bhulu, nanhi muene? Muenhó, Lemba dia Izalaiele.

Izaía 37:29

Mukonda-phe dia njinda i ua ngi kuatela eme, mukonda ue o izala ié ia ngi bhixila ku mátui, tala-phe, nga-nda ku ku ta nzolo mu mazulu, anga ngi ku ta o freio iami mu kanu, hé ngi ku vutukisa mu njila mu uejiia.

Daniiele 4:37

Kiki-phe, eme, Nabukodonozolo, ngedi: Muenexiʼa diulu atane-ku! A kule, ajinge! Ngi mu zangeleka ni ku mu ximana jinga, mbata ikalakalu iê ioso kidi mu kidi, uendelu uê kutetuluka kuoso, oso ambe ku di zangeleka, muene u a toza anga a sebuluka muene.

Mikeia 5:9

Eie Jakobo lukuaku lué lua kà zangalala ku thandu dia ió oso a ku zembe; o jinguma jé joso, a kà jikinina.

II Kolindo 5:10

Kuma etu ene oso tua bhingi hadia tu tukulukila bhu kibhuna kia Kristu phala ku tu fundisa kuala muène. Kala muthu phala a tambule kioso kia fuama mu imbamba ioso ia bhanga jinga ku mukutu, kixi iambote, kixi iaiibha.

I Phetele 5:5

Enu mu minzangala ue kiene, beleselenu adiakime. Katé ni enʼuenu oso di kutienu o kubatama kua ku di bhikila mudienu, kuma o Mikanda ia Ngana, iambe iexi: Nzambi u bhânga ni akua izala, u bhana-phe ujitu oso a batâma.