Jisálamu 92:8 - O Mikanda Ikola

⁸ Eie-phe, u Jihova, ditala diengi di uemana, kuma eie-muène Suke-ku katé ku hádia ni hádia!

Jisálamu 92:8 Iomraidhean Croise

Jisálamu 125:5

Maji o ió oso-phe a xi njila, mu kuila njila jengi jabhengalala, Jihova ua kà a kokela kumoxi ni ati a ituxi; o ku thandu dia Izalaiele-phe ku kale paze.

Jisálamu 37:2

Mukonda kà nanga ku a sua kala iangu, anga a lela kala idima iauisu.

Jisálamu 56:2

Enhó a mu ngi kanena ithangana ioso, a bhindamena muene ku ngi dia; mbata avulu muene ala ku ngi sota ni mahanha phala ku ngi lua.

Jisálamu 73:17

Katé ki nga bokona mu tembulu ia Nzambi, kiene kiua ki nga xinganeka sukilu diâ.

Jisálamu 73:18

Kidi kiene, kuma eie ua emika ididi iaẋanana; uila u a lundumuna, endelela muene, ni mu bombo dia kalunga, nzaká!

Jisálamu 83:18

Phala a kʼijiie kuma eie ngó uavu o dijina dié dia Jihova, ku moneka luiadi; eie-muène ngó Suke-ku mu ngongo ioso.

Jisálamu 93:4

Maji o menha mavulu ue né ma numina, o mabhuku ma kalunga hé ma suína kiavulu, eie-phe, u Jihova, u kotʼèlele, bhu ditala dié bhu uemana.

Makatukilu 18:11

O kiki nga kʼijiia kuma Jihova kota, jinzambi joso ndenge; mukonda enhó a di zangeleka ni ku mi tatesa, ua a katula o mahanha.

Ndongixi 5:8

Se u mona mu ixi o jingadiama a ji tatesa, o kusuína anga kukala bhu kididi kia kufundisa ni kubatuila o milonga, eie-phe kienhókio ku di uanekiu; mukonda muthu né uala ditala dionéne, sai-ku ue a mu tundu, o ió uâ sai-ku dingi a beta, a a tundu ue ene. Maji sai-ku Umoxi ngó ua tundu enhoso, ua-lu tumina mu ngongo ioso.

Jipoxolo 12:1

Kiki bhu thembu ieneʼ oio, sobha Helode u sununa maku mê mu kutatesa o athu ku Ngeleja.