Jisálamu 92:7 - O Mikanda Ikola

⁷ Sumbala abhukumuka a fuafua muene kala iangu, abhanga o ima ia mangonha u sanga a benha; maji sai bhoso bhua buidila kumoxi, aia muene nzaká!

Jisálamu 92:7 Iomraidhean Croise

Jobe 12:6

Mu jinzu ja iá a bhanga phulu, u sanga muala muene kutululuka (paze); o ió oso a lokalala Nzambi, u sanga a kondama muene kiambote; Nzambi ioso u a tudila-iu bhu maku mâ.

Jisálamu 37:38

Iá-phe a xibhaka, kibuika kiâ kimoxi kia kà fuila; ku pholo ku aia ió abhumu a kà jikinina.

Jisálamu 73:12

Talenu hanji kioso kiala! Ene-ze akua phuluʼá! Ki bhuala ngó kima ki a tatesa, o jimbongo jâ jivula.

Jisálamu 73:22

Kutobha-phe ku nga kexe na-ku, kukamba ku kʼijiia; nga di bhangele kala ngi kiama bhu pholo ié.

Jisálamu 94:4

A di thatha, a zuela izala ioso; abhangi a mangonha enhoso, u sanga a di ta jinzambala jâ.

Jisabhu 1:32

Kuma o kubaluka kua jisemenhi, kene o kalunga kâ; o kubhanduluka kua ioua, kuene kua kà a buikisa.

Izaía 37:27

Kiene-phe kia bhangesa akua bhata diê kuenda ni maku ma botomoka, ezala ni uoma ni jisonhi; edile kala mvunde ku mábhia, mukuâ ni iangu ia uisu, kala iangu i sabhukila bhu hongo, mukuâ ni masa maúka ia a seluka kuila ene kiluua ngó a kola.

Malakiia 3:15

O kiki-phe tua mono kuma akua izala a beta kuzediua; ni ió abhukumuka, a beta kutunga ni kumona; xi, ene ela a lokalala Jihova, a laia muene, ki kuizé kima.

Malakiia 4:1

Talesenu mukonda, kizuua kiókio kia-nda kua kèza, kiza ni kuuama kala kidijiku kia túbhia tua muzukuta, ene oso a di zangeleka, akua izala, ni iá oso a bhanga ima ia ufusa, a kèla kala iangu ia mbúdila; mu kizuua kiókio kiala kuiza-ku, a kà uama muene katé abhu-bhu, kiene kia tanga Jihova dia Ifuẋi; ki bhua kà a xala lundanji né luthangu.

I Phetele 1:24

Kala ki ambe o Mikanda Ikôla, kuma: Athu oso mukuá ni iangu ia mukau, o unéne uâ; kuuabha kuê kua kitulu kia iangu. O iangu i lela, o itulu i lalumuka,