Jisálamu 9:1 - O Mikanda Ikola

¹ Ngi ximana Jihova ni muẋima uami uoso; ngi fumanesa ikalakalu iê ia madiuanu.

Jisálamu 9:1 Iomraidhean Croise

I Malunda 16:12

Lembalalenu o madiuanu mê mene mu kubhanga, ni isumua iê, ni mabatuilu ma dikanu diê.

I Malunda 16:24

Tangenu muʼaxaxe ka ifuẋi o fuma ia unéne uê, ni madiuanu mê muʼaxaxi ka mundu uoso.

Jisálamu 106:2

Nanhi u tena kutanga o ikalakalu ia undanda ua Jihova? Mba, nanhi utena o ku mu ximana nʼa zubha?

Jisálamu 111:1

Haleluia! Ngi ximana Jihova ni muẋima uami uoso, bhu kionge kia athu, ni bhua bhongoloka o mundu.

Jisálamu 138:1

Ngi ku ximana Ngana, ni muẋima uami uoso; bhu pholo ia jinzambi, ngi ku tumbula-bhu eie.

Jisálamu 26:7

Ngi suina dízui ni ku ku sakidila; ngi tubhula fuma ia ikalakalu ié ia madiuanu.

Jisálamu 51:15

Ngi jikule, Ngana, o mizumbu; dikanu diami di kale mu ku tumbula jinga o fuma ié.

Jisálamu 7:17

Eme-phe ngi sakidila jinga Jihova mu kutetuluka kuê; ngimba ni kuximana o dijina dia Jihova, Suke-ku.

Jisálamu 86:12

Ngi ku ximana Ngana, Nzambi iami, ni muẋima uami uoso; ngi jingisa jinga o dijina dié, sé ngó kufula, katé ku hádia ni hádia.

Jisálamu 9:14

Ua ngi vutula-phe phala ngi ku ximane kiavulu muene, bhu kanga dia mielu i monʼa kilumba Ziione, ngi tange kioso ki ua ngi bhulula, ngi ku ximane jinge ni kutana.

Izaía 12:1

Mu kizuua kiná, eie ua kà kumbulula, kuamba: Jihova, nga ku sakidila, tata, mukonda, sumbala ua ngi kuatelele njinda, leluʼidi njinda ié iabhu, uala kiá ku ngi konda malamba.

Izaía 43:21

Povo ienhiʼii nga i solo phala ende ni ku ngi ximana.

Izaía 60:6

A-nda ku kuizalesa ni jikamelu; ni jikamelu ji tunda ku Midiiane ni ku Efa, bhuila bulukutu mvengete; ene oso a kà tunda ku Seba; a-nda kubheka ulu ni uasu ua mazumba; anga a fumanesa o diximanu dia Jihova.

Luka 10:27

Muéne u vutula, uixi: Zola Ngana Nzambi ié, ni muẋima ué uoso, ni muenhu ué uoso, ni nguzu ié ioso, ni kilunji kié kioso. O mukuenu u mu zola, kala ki ua di zola eiʼmuène.

Jihebeleu 13:15

Mukonda dia Jezú Kristu tu bhanienu kilumbu kia kuximana jinga Nzambi. O diximanu didi, iene o sata i tua bhakula—ujitu ua tundu ku mizumbu i fisala o dijina diê.

Dijingunuinu 15:3

Anga emba o muimbu ua Mozé, ngunza iangene ia Nzambi, ni muimbu ua Kambudi, exi: Eie Ngana Nzambi, Muteni-a-Ioso, o ikalakalu ié kukula kuahi, ikalakalu idiuanesa kinéne! Eie, Ngana, u Sobha ia miji ioso, o ixinganeku ié kuiuka kuahi, ima ioso i u sola kubhanga, ia kidi!