Jisálamu 85:8 - O Mikanda Ikola

⁸ Ngʼividila kua Jihova Nzambi kioso kia zuela; kuma ka kambe kuzuela paze ku mundu uê, ni kua anʼê oso a mu zola; maji ka ki tone dingi o kuvutuka mu lusebhu.

Jisálamu 85:8 Iomraidhean Croise

Dimatekenu 34:7

Anʼa Jakobo a mala kioso kia tundu mu iangu, ia eza ku bhata, kia zubha ku kʼivua, kia iibhila kiavulu; anga a kala ni njinda ia vulu, mukonda ió ua bheka kisunji mua Izalaiele, mù zeka ni monʼa Jakobo ua muhatu, kima ki ki tokala ku ki bhanga.

Jisálamu 130:4

Maji eie-phe, u Ngana, u mukua kuloloka, phala athu ende jinge ni ku ku xila.

Jisálamu 29:11

Jihova muene u bhana o nguzu ku mundu uê; Jihova u zediuisa o mundu uê ni kutululuka.

Jisálamu 50:5

Bhongololenu athu ami ósole eze bhu kinama kiami, oso a te kikutu ni eme mu ku ngi satela.

Jisabhu 25:11

Mukonda kima se u ki zuela bhu thembu iê ia tokala, kila kala jimasá ja ulu bhu mabandeja ma phalata.

Jisabhu 27:22

O kiôua né uedi u mu zuka ni muixi mu kinu, bhua moxi ni masa mʼòsuange, o uôua uê ki u mueha.

Izaía 57:19

Ibundu itunda ku mizumbu eme-muène ngi i iudika; ngi bhana paze kua ió ala ku makanga, ni kutululuka kua ene ala bhua zukama, eme Jihova, eme-muène nga kà a bhana o kudisanza.

Habakuke 2:1

Nga-nda kukala bhu kathôndo kami ka kikangidilu, ngi kala muene kuthanduʼa mbonge, anga ngi kala mu ku langidila, phala kumona uoso u ngi zuelesa, ni kiki ki nga kâ vutuila uoso u ngi ibhula.

Ajeu 2:9

O kijingu kia inzu iii ia sukidilaku, kia kà kala kota, o ia dianga ndenge, kiene kiambe Jihova dia Ifuẋi, o bhu kididi bhabha anga nga kà bhanabhu paze.

Zakadiia 9:10

Muene ua kà jikinisa o makalu ma ita mʼoxi ia Ifalaíme, ni jikabalu ja Jeluzaleme; ni mufula ua ita ua kà u bukula ue; Muene nʼa kà tula jingolokela ja paze ni kutululuka ku akua jixi; o utuminu uê ua kà di zala tunde ku musanza katé ku musanza ua mukuá; tunde ku honga ia Ufalate katé kua suku oxi.

Nzuá 14:27

Enu nga mi xila o kutululuka kuami; o kutululuka kuami ku nga mi bhana. O kuami eme ki ngi ku bhana kala ki ku bhana o mundu. Mixima ki i mi kenane, ki mu kale ni uôma.

Nzuá 20:19

Kutula mu ngoloxi, kizuua kia Lumingu kienhiki, o kizuua kiadianga kia semana, kuila mabhitu a ma jika bhu kididi bhuala o jixibulu, mukonda dia uôma ua Jijudé, Jezú uiza, uimana mu ʼaxaxe kâ, hé ua ambela, uixi: O uembu u kale ni enu!

Nzuá 20:26

Kia bhiti nake dia izuua, jixibulu ji kala luamukuá mʼ onzo, ni Tomé iú momo. Jezú anga uiza, sumbala o mabhitu mòjike kiá, anga uimana bhu ʼaxaxe kâ, uixi: O uembu u kale ni enu!

Nzuá 5:14

Mu kithangana kiengi, Jezú u mu sanga mu Tembulu, anga u mu ambela, uixi: Talesa, eie uelukʼó; ku te dingi kituxi, phala o lamba dia beta ki di ku kuate.

Nzuá 8:11

Muene, uixi: Kana-ku muthu, Ngana! Kuala Jezú: Eme uami ki ngi ku êlesa. Nda-ié kiá, ku te dingi kituxi.]

Jipoxolo 10:36

Enu muejiia kuma muene ua tumikisa maka ku ana a Izalaiele, o Njimbu Iambote ia paze ia kolele Jezú Kristu, muène Ngana ia mundu uoso.

Jipoxolo 3:26

Kienʼiki, Nzambi ua solo Mubhikʼê Jezú, iu ua tuama ku mu tumikisa kokuenu, mbé o ku mi zediuisa, phala o muthu ni muthu mudienu, muène a mu ehese o muenhu ua ku ta ituxi.

Ngalásia 4:9

Maji o kikiphe, ki mueza mú kuijiia Nzambi,— mba inda ngedi Nzambi ku mʼ ijiia enu,—phala-hi mu alukila dingi ku jinguzu ja jinzumbiʼ ojo ja kubhuila, ja uadiama, ji mua mesena mu kutuka dingi mu ubhika uê?

Efezo 2:17

Uila kiki, Kristu ueza mu kubhana o jingolokela ja Njimbu Iambote ia paze. Paze ko-kuenu mua kexile dikanga kua Nzambi, paze kua ene o Jijudé a kexile bhua zukama.

II Tesalonika 3:16

Kiki muène, Ngana ia kutululuka, a mi bhane jinge kutululuka mu ima ioso.

II Timote 2:19

Maji o dimanenu dia te Nzambi-phe hanji dia kolo, ki di tunguta. O ku dimikinu dienhidi dia te Nzambi, a soneka-ku exi: Ngana uejiia oso a mu tokala. Exi dingi: Muthu uoso u amba kuila ua tokala Ngana, ki bhinga ituxi u i ambula.

Jihebeleu 12:25

Uila kiki, di langienu, ki mu ditune kuivua ió uoso u zuela. Kuma enió a ditunine kuivua uoso ua tudilile o Njimbu ia Ngana mu ngongo, kà tenene kubhuluka. Kala kiki, etu uetu tua kà bhulukila bhebhi, se tua mu bhana dikunda uoso ua tu dimuna ku diulu!

Dijingunuinu 3:19

Oso u nga zola, ngʼa bazela, ngʼa beta. Phaphumuka-phe, u diele o ituxi ié.

I Samuuele 25:25

Nga ku diondo, ngana iami, kana kukaiela diialʼidi dia sekala, muene na Nabale; kuma kiala dijina diê, ni muene kiene kiala; dijina diê Nabale, o uoua uê-phe ki u mu bhu! Eme-phe ngi kahatu ké, minzangala ia ngana iami ki nga a muene, oso u ua tumine.