Jisálamu 85:6 - O Mikanda Ikola

⁶ Manhi ngué ku tu phaphumuna dingi, phala o povo ié nʼa kale mu sangulukila ko kué?

Jisálamu 85:6 Iomraidhean Croise

Jisálamu 138:7

Né-mbe ngʼenda mu axaxi ka malamba, eie, Ngana, u ngʼinga, ngi laia muene; kuma u tula lukuaku lué ku jinguma ja ngi kala ni njinda, o lukuaku lué lua kúdia, lu ngi bhulula.

Jisálamu 149:2

Izalaiele a sanguluke ni ió uoso ua mu bhanga; anʼa Ziione a kale ni ngalasa, mua muene muenexi uâ.

Jisálamu 53:6

Tamano kubhanduluka kua Izalaiele ku tunda ku Ziione! Kioso Jihova hinu kia bindumuna dingi o Povo iê, Jakobo u tana-ku Izalaiele u sanguluka.

Jisálamu 71:20

Eie ua ngi bhitisa mu jiphaxi ni malamba a vula matelu, eie ua ngi zangumuna dingi, ua ngi bhe muenhu uobhe; ua ngi zaukisa muene mu bòmbo dia kalunga!

Jisálamu 74:1

Eie Nzambi, tata, kífua ua tu ẋimbukilà-ku kiá? Njinda ié kífua iia ni kuxikita dixi, i ua kuatela o jimbudi ja makèla mé?

Jisálamu 77:8

Henda iê, kifua, iaia muene nzaká? O plomesa iê ki iala dingi ni ku i kumbidila ku miji ni miji?

Jisálamu 80:18

Phala, Ngana, ki tu ku xié ni tu vutuke kuema; tu laiese phala tu sambe dingi mu dijina dié.

Jisálamu 90:14

Tu ikutise mu kimene ni kiadi kié; phala tu sanzuke, tu sanguluke jinge izuua ioso ia muenhu uetu.

Izaía 57:15

Kuma Munéne ua dileka, ua jinga kinéne, ua tunga kididi kinangenena, uene ni dijina dia kuila Ukôla, uambe kiki: Nga tunga bhulu, bhu kididi kikôla; nga tunga ue ni uoso mukua muẋima ua toloka, ua batama, phala kuphaphumuna muẋima ua oso a batama, ni kuphaphumuna muẋima ua oso a toloka.

Jelemiia 3:5

Manhi njinda ié ua-nda ku ijijila katé ku hadia ni hadia? Inga ua-nda ku i bhaka izuua ioso? Talesa-ze eie uene kuzuela ni ku bhanga ima iaiibha, o mu ima iaiibha ienhiʼii muene-muène mu u xalela.

Jelemiia 33:11

Hanji a-nda kuívua-mu o mbimbi ia kukemba, ni mbimbi ia kusanguluka; mbimbi ia ngaiala, ni mbimbi ia dibhanga; ni mbimbi ia iá a mu tanga, exi: Ximanenu Jihova dia Ifuẋi, kuma Jihova mukua mbote, mukonda o kulenduka kuê ki kuene kúbhua; ni mbimbi ia iá a mu kuiza mu ku bheka diximanu monzo ia Jihova; mbata o kikexilu kia ixi nga-nda ku ki lungulula uila ku dimatekenu, kiene kia tange Jihova.

Hozeia 6:2

Bhu bhita izuua iiadi, o ki i bhua u tu bhana dingi muenhu; mu kizuua kia katatu u tu fukununa, anga tu kala jinga kiá bhu pholo iê-muène.

Habakuke 3:2

Jihova ngevu, maka mé mu uazuela, o uoma iu ua ngi kuata! Kikalakalu kié u Jihova, bhana-kiu dingi muenhu ku mivu ioso, o i uazuela enda ni ku i ijidisa dingi ku mivu ni mivu; kioso ki u thathamana jinga lembalala, Ngana, o kulenduka kué!