Jisálamu 83:7 - O Mikanda Ikola

⁷ Ni Jebale, ni Amone, ni Amaleke, ni Fidíxia, kumoxi ni akua Tilo;

Jisálamu 83:7 Iomraidhean Croise

I Malunda 5:10

O mu izuua ia Saúlo anga alua ita ni akua Hangale, anga a a tolola ni nguzu ia lukuaku luâ. Ene-phe anga a tunga mu jibalaka jâ, mu mbambe ioso ia ixi ia Ngiliiade, ku mbandu ioso ia mutundila-kumbi.

Izekiiele 27:3

U tangele Tilu, ua tunga mu ikoka ia musanza ua kalunga, iú uene mu ku ta o uenji ni ifuẋi mu ikolo ia vulu, uixi; Jihova Nzambi uambe kiki: Eie Tilu, tata! uene mu kuila, uixi: Eme, mu kuuabha, nga tenena kiambote.

Izekiiele 27:9

O adiakime mu Jebale kumoxi ni jinjimu jâ, ene-phe momuʼé a kexi mu ku ku xita o mazungu mé; o jinaviiu joso ku musanza ua kalunga ni athu oso akua kuendela mu musanza ua kalunga, a a sanga jinga momuʼé, mbé o ku ta ma-uenji nʼeie.

Amoji 1:9

Jihova uambe kiki: Tilu kia tondala lutatu ni luuana, kibetu kiê ki nga mu xindi ki ngi ki katula; mukonda o nzungule ia jihutile joso a ji bhakula kua Idomo, o kikutu kia jiphange jâ ka ki xinganeka dingi.

Josuué 13:5

ni oxi ioso ue ia Mangibele, ni Libanu iosololo ku mutundila-kumbi, tundé ku Baale-ngadi, bhu kikota kia mulundu ua Helemone, katé bhu bokuenu dia Hamate;

I Samuuele 15:2

Eme Jihova dia ifuẋi, uambe kiki: Nga xinganeka o konda ia usuéia ua bhangele Amaleke kua Izalaiele, kioso Amaleke kia bhângele-nê mvunda mu ku mu fudisa o njila mua kexe ma kuendela kioso Izalaiele kia tundile mu Ijito.

I Samuuele 4:1

Izalaiele-phe anga a tunda mu kúlua ita ni akua Fidíxia, anga a ta kibangu kiâ bhu mbandu ia Ebenezele; akua Fidíxia-phe a ta kibangu kiâ bhu Afeke.