Jisálamu 83:18 - O Mikanda Ikola

¹⁸ Phala a kʼijiie kuma eie ngó uavu o dijina dié dia Jihova, ku moneka luiadi; eie-muène ngó Suke-ku mu ngongo ioso.

Jisálamu 83:18 Iomraidhean Croise

Dimatekenu 22:14

Mbalahamu kididi kieniʼokio anga u kʼixana, uixi: Jihova-jileh (mu ku ki lombolola edi: Jihova muene ua-nda kusota); kala kiene ku ki tanga katé mu kizuua kia lelu, exi: Ku mulundu ua Jihova muene u sota.

I Jisobha 18:37

Ngʼitaie; u Jihova, ngʼitaie, phala kifuẋi kiki ejiie kuma eie, Ngana u Nzambi muene, ni kuila eiemuène ua vutula o mixima iâ ku dima.

II Jisobha 19:19

O kiki-phe eie u Jihova Nzambi ietu, tu kudile bhu maku mê; nda mautuminu moso Kulu dia mundu a kʼijiie kuila, u Jihova eie ngó u Nzambi ia Kidi.

Jisálamu 18:13

Jihova anga u numina ku diulu, Suke-ku u bhana mutendu, hé ku kala matadi a mvula ni makala ma uama túbhia.

Jisálamu 35:4

A lémbue-ku, a kale ni jisonhi, oso ala ku ngi seia o muenhu uami; a vutuke ni dima, a bhuuame, oso a bhindamena o ku ngi kuama.

Jisálamu 59:13

A buidise ni njinda ié, a buidise muene ki ku subhuke muthu; phala a kʼijiie kuma sai-ku Nzambi u tumina mua Jakobo, u tumina muene katé ku maẋokololo a jixi. (Selah.)

Jisálamu 9:16

Jihova ua di monekena mu kaxtiku ka a bhesa; mukua phulu ua mu kuata mu ima ia bhange muene ni maku mê. (Hakione, Selah.)

Jisálamu 9:2

Ngi sangulukila mo mué, ngi tana ni ngalasa; ngimba mu kuximana dijina dié, eie u Suke-ku!

Jisálamu 92:8

Eie-phe, u Jihova, ditala diengi di uemana, kuma eie-muène Suke-ku katé ku hádia ni hádia!

Jisálamu 97:9

Kuma, eie Jihova, eie-muène ngó Suke-ku mu ngongo ioso, eie kujinga kué jinzambi joso ja xala bhoxi.

Makatukilu 6:3

Nga tukulukila jinga Mbalahamu, ni Izake, ni Jakobo, kala ngi Nzambi, Muteni-a-ioso; maji ka ngʼijidile mu dijina diami dia Jihova.

Izaía 42:8

Eme ngi Jihova, didi diene o dijina diami; o fuma iami ki ngi i bhana muthu uengi, kana, mba o diximanu dia ngi tokala eme ngi di ehela ku iteka ia kusonga.

Izaía 5:16

Maji o Jihova dia Ilômbo Ieta, mu kufundisa kuê, muene u tambula fuma; Nzambi, Ukôla, ua-nda ku di-tungula muene mu kulunga kuê.

Izaía 54:5

Mbata Mubhangi ué muene munumiʼé, dijina diê Jihova dia Ilombo Ieta; o Dilemba Ukôla dia Izalaiele, muene Mukudi ué; muene a kà mu ixana exi, Nzambi, Langela-Ngongo.

Jelemiia 16:21

Kala kiki, talesa-ze, nga-nda ku a ejidisa muene, kiki kiá nga-nda ku a ejidisa o lukuaku luami ni kutena kuami; anga à kejiia kuamba dijina diami eme Jihova.

Izekiiele 30:19

Kienhiki ki nga kà bhanga o mabatuilu mami mu Ijitu, hé a kà kʼijiia kuila emeʼeme ngi Jihova.

Izekiiele 38:23

Mu kienhiki eme nga-nda ku di kudisa anga ngi di kolêsa, anga ngi bhangesa kuila a ngʼijiia bhu mesu a miji ia vulu; hé a kà kʼijiia kuila eme-muène ngi Ngana.

Daniiele 4:25

Kala kiki, muʼaxaxi ka athu, a-nda ku ku tubhula-mu anga utunga ni jixitu ku mukáu, a-nda ku ku disa iangu mukuâ ni ngombe, mbundu ia bhulu ia-nda ku ku sukila anga i ku betesa muene; anga unakina sambuadi dia jithembu ji bhita kuthandu dié kienhiki; katé ki u kʼijiia kuamba mbé Suke-ku muene u tumina ma-usobha ma athu, muene u ma bhana uoso ua mu andala.

Daniiele 4:32

A-nda ku ku kaia, o muʼaxaxi kʼathu u tunda-mu, inda utunga kiá ni iama ku mukáu; a-nda ku ku disa iangu kala ngombe, anga ukala kienhiki katé kua ku bhiti sambuadi dia jithembu, anga ki ku tetulukila kuamba, o Suke-ku mbé muene uene kutumina ma-ungana ma athu, uoso ua mu andala muene, muène a mu bhana-u.

Mikeia 4:13

Balumuka, u vunde, eie monʼa kilumba mu Ziione! Mukonda mbinga ié nga kà i bhanga ia felu, o iala ié ia ngòndo; ua kà sanujuna ndumba dia ifuẋi ia miji, futu iâ anga ua kà i bhakuila Jihova, ni umoni uâ kua Ngana, uavu o ixi ioso.

Zakadiia 4:14

Bheneʼobho muene uixi: Ene o kiiadi, kiondu ni maji, ene bhu pholo ia Jihova uavu ixi ioso.