Jisálamu 83:10 - O Mikanda Ikola

¹⁰ A buidila bhu Endodi, imbi iâ anga i biuluka ditobe dia mavu.

Jisálamu 83:10 Iomraidhean Croise

II Jisobha 9:37

O kimbi kia Jezabele kia kà kala mukuâ ni ditobe ku thandu dia mavu mu kiẋimbu kia mukáu ua Jizeleiele; kia kà bhonza ku muʼila, exi: Iú muene Jezabele.

Jelemiia 16:4

Kuma a-nda kúfua ni mahaxi ma xixima, ki bhuanda kuẋikina ku a dila mba ku a funda; a-nda ku kituka kala ditobe ku mukáu; a ka jikinina ku nzala ni ku xibhata, o imbi iâ ia kà kala kudia kua jinjila ja bhulu ni kua iama bhoxi.

Jelemiia 8:2

Anga a i aneka ku muanha, ni ku mbeji ni ku ilombo ioso ia diulu, ia zolele ene, ia bhikila jinga, ia kaiela jinga, ia kexile mu kusota, ia a kexile ku i diundila: ka kà i ongeka, né ku i funda; ia kà xalela ngó mukua ni ditobe ku thanduʼa mavu.

Sofoniia 1:17

Athu nga kà a tatesa anga mu kuenda kuâ a biluka kala ifuófuo, mukonda a te ituxi kua Jihova; o manhinga mâ ma kà di muangena bhoxi kala fufuta, o mikutu iâ ia kà kituka mukuâ ni ditobe.

Josuué 17:11

Kuma mu Isakale ni mu Asele, Manasa ua tambula-mu Bete-Sane ni jimbambe ja utuminu uê, ni Ibeleiamu ni jimbambe ja utuminu uê, ni iá a tunga mu Ndole, ni jimbambe ja utuminu uê, ni iá atunga mu Ene-Ndole ni jimbambe ja utuminu uê, ni iá atunga mu Tanake ni jimbambe ja utuminu uê, ni iá atunga mu Mejido ni jimbambe ja utuminu uê; Kifua ibhuna itatu ia kufundila.

Afundixi 4:15

Jihova anga u dimbula Xixela, ni makalu mê moso, ni kifuẋi kiê kioso, ku mazu a xibhata bhu pholo ia Balake; Xixela muene anga u tuluka mu dikalu diê, hé u lenga lusolo ni inama bhoxi.

Afundixi 4:16

Balake-phe uia ni kukaia makalu, ni kukaia kilombo kioso kia kifuẋi kia Xixela katé bhu Halosete ia matumbu; kifuẋi kioso kia Xixela anga a ki leleka ku mazu a xibhata; ki bhuala diiala dia xala-bhu, né umoxi ngó.

Afundixi 5:21

Honga ia Kixone ia a kungulula, honga iókulʼoio, honga ia Kixone. Muenhu uami-phe enda, ki ngi kala ni uoma!

Afundixi 7:25

Anga a kuata jingana jiiadi, anʼa jisobha ja Midiiana, Olebe, ni Ziiebe; Olebe anga a mu jibhila bhu ndánji ia Olebe; o Ziiebe a mu jibhila bhu ditangi dia Ziiebe; anga aia kiua ni kukaia akua Midiiana; o mitue ia Olebe ni Ziiebe, anga a i bhekela Ngidiione ku sambua dia Njolodá.

I Samuuele 28:7

Saúlo anga u ambela akua mbèle iê, uixi: Ngi sotedienu muhatu u kala muxingidi-a-ngòmbo, ngiie kuoso kuala, ngʼibhule kua muene. Akua mbèle iê anga a mu ambela, exi: Sai-ze muhatu muxingidi-a-ngòmbo ua tungu bhu Endolo.