Jisálamu 82:2 - O Mikanda Ikola

² Mu ki jijidila-hi o kufundisa ni mangonha, hé milonga mu i diodia mu kulungisa o isuéia?

Jisálamu 82:2 Iomraidhean Croise

I Jisobha 18:21

Elija bhenhobho u zukama ku kifuẋi kioso hé u ambela, uixi: Kumbi kuxi di mua-ndu lémbua kutenguina bhu kaẋi ka ixinganeku iiadi? O Ngana se muene Nzambi, mu kaiedienu! Maji ki ki kala o Bahale mua mu mono kuma muene ua tokala, mu kaiedienu. Kifuẋi-phe a di xibhʼâ, ka mu vutuila kima.

II Malunda 19:7

O kiki-phe, uoma ua Jihova u kale ni enu; alukenu-kiu, mu ki bhange; kuma kua Jihova, Nzambi ietu, ki ku moneka kituxi, mba kusuua jipholo ja athu, mba kuẋikina maujitu.

Jobe 32:21

Tamanu ki ngi bhange kathômbo kʼathu, mba ngi kala ni kubanza muthu.

Jobe 34:19

Kuambe dingi ió kene ni kubhanga katungu ka uthu ua ilamba, mba mvuama u beta ku mu bhana ujitu, o jingadiama nʼa kala ndenge; kuma enʼoso kikalakalu kia maku mê.

Jisálamu 62:3

Mbambe bhebhi, enu mala, bhu mua kà suka ni kukanena mukuenu ku mu bhanga phulu? Mua kà buila-phe enʼuenu oso; muedi kala phalelu ia bongola, mukuâ ni kimbaka kia-lu sota kutenuka.

Makatukilu 10:3

Mozé ni Alá anga aia a bokona kua Falaó, a mu ambela, exi: O Jihova, Nzambi ia Jihebeleu uambe kiki: Eie u dituna katé bhebhi kutoloka bhu pholo iami? Eha o mundu uami, phala aie a ngi bhikile.

Jisabhu 18:5

Ki kiauabha o kusuua kisuéia mu kufunda milonga, phala ku kundula o muthu ua iuka.

Izekiiele 45:9

O Jihova Nzambi uambe kiki: Kuabhu kiá, tata, enu mu ilamba ia Izalaiele! O kubhanga nguzu ni kubhondeleka, ehenu-ku! muende ni kufundisa, ni kubatula mu kidi; ehenu o kífua kienu kia kuenda ni kubhunda-bhunda o mundu uami, Jihova Nzambi ua ki tange.

Ijila 19:15

Kana kufundisa ni mangonha; o ki mu fundisa kana kuzamena ngadiama, mba kusuua muthu uonéne; mukuenu mu batuile mulonga uê kala kia fuama mu kidi.

Matesu 17:17

Jezú anga u kumbulula, uixi: Muiji ua kambe o kuxikana, ua thathamana! Ngi kala ni enu katé bhebhi? Katé bhebhi ngi kala ni ku mi xididikila? Monʼé ngi bhekele-nê bhabha!

Ngalásia 2:6

O ió-phe oso a fumana ku uadiakime, (hé a dianga, eme ki kia ngi kuatela kima kuma Nzambi kene ni katungu ka athu)—enʼió a fumana, ka ngi bandekezele kima kiengi kia ubhe.

Matendelelu 1:17

O ki mu fundisa ki mu suue muthu; ua tolo mu muivua, o ua kulu mu mu ivua; ki bhu kale pholo i mi kuatesa uoma, kuma o kubatula milonga kima kia Nzambi; maji se bhu kala mulonga ua mi bhônzo, muiza-na-u kokuami, eme anga ngi uʼívua.