Jisálamu 81:12 - O Mikanda Ikola

¹² Eme ue kiene ki nga ehela, a kaiele o kuxibhaka kua muẋima uâ, aie kuoso kua a tumu o jivondadi jâ.

Jisálamu 81:12 Iomraidhean Croise

Dimatekenu 6:3

Ngana anga uamba, uixi: Nzumbi iami ki i kuata kubhanga jinga ni muthu, ki ki kale se dizubhilu, kuma muene ue xitu; izuua iê-phe a i fikisa mu hama ia muvu ni makuinhi aiadi.

II Jisobha 18:12

Kuma a fulu kutumaka o dízui dia Jihova, Nzambi iâ, o kikutu kia te-nâ Jihova, ene a ki tundu ufe; o ioso ia a tendelela Mozé, o mukalakadi ua Jihova, ene nguâ-uâ ku ivua, nguâ ku i bhanga.

Nehemiia 9:16

Ene-phe, o jitata jetu, kua eza ukumbu; anga a kolokotesa o xingu jâ, a fula o kuxikana, hé a dituna kubhana o mátui ku ijila ié.

Jobe 8:4

Eie Jobe, se anʼé a te kituxi kua muene, muene ue ua a takuila bhu lukuaku lua kutondala kuâ.

Makatukilu 11:9

Bhenhobho Jihova anga u ambela Mozé, uixi: Falaó ka-nda ku mʼivua phala o isuma iami i di sokolole mʼoxi ia Ijitu.

Izaía 30:1

Jihova uambe, uixi: Kokolo dia ana oso a bhukumuka, a mu tambula phangu kuengi, o kokuami kana; ia a di futu ni divunga diengi, ki diene dia tundu kua Nzumbi iami; mbé o ku bandekeza kituxi ku thanduʼa kituxi.

Izaía 30:9

Mukonda athu iâ kuhuka kuvula, ni makutu ana iá, ana a di tunu kuívua o ngonge ia Jihova.

Izaía 42:24

O Jakobo nanhi muene ua mu bhakula mu madibongela? Izalaiele mukuahi ua mu bhakula ku ingumba? Abha ki Jihova muene, ió a mu tele ene o ituxi, anga a dituna kuenda mu jinila jê, hé a di tuna kuívua o ngonge iê?

Jelemiia 42:21

Iene-phe iii i nga mi tangela lelu; maji mu ima ioso ia ngi tumu na-iu muene kòkuenu, enu mua tokoka ku bhana mátui ku dízui dia Jihova, Nzambi ienu.

Jelemiia 7:24

Maji ene-phe kʼevu, mba a bheteka o matui mâ nʼevue, inda a kaiela jiphangu ja ene, kima kia kane muẋima uâ ua kudianguka; anga enda ni kuvutuka kuema, o kusuluka ku pholo nguâ.

Izekiiele 20:8

Maji ene a ngi ẋinukina, nguâ ku ngʼivua; o maufusa oso a a uabhelele ku mesuʼâ ki bhu kexile ngó muthu uandalele ku a texi, mba kuxia o iteka ia Ijitu; bhenhobho-phe ngixi o njinda iami ngi i lundulula ku thandu diâ-ene, phala o kutema kuami ni kutenene kua ene mu kaxi ka oxi ia Ijitu.

Hozeia 9:17

Nzambi iami ua-nda ku a ta kiá dikunda, mukonda ene ka mu xikina ku mu ivua kia zuela. A kʼenda ni kutakujuka ngó muʼaxaxe ka akua jixi jengi.

Ijila 26:14

Maji-phe, enu se nguenu ku ngʼivua, se nguenu kuila o ijiia ioso iii mu i bhanga,

Jipoxolo 14:16

Nzambi muène mʼ okulu uehela akua-jixi joso kuenda kioso kia a tumu o miẋima iâ.

Jipoxolo 7:42

Maji o Nzambi-phe ua a sondoloka, iú ua ehelela kusedivila o kifuẋi kia jithethembua ja diulu, kala kia ki soneka mu divulu dia jipolofeta, exi: Kifua Eme-muene mua ngi bhakuilile jixitu jojibhe ni jisata, mu makuinhi a uana a muvu mu kikangalakata, enu dibhata dia Izalaiele?

Loma 1:24

Mukonda dia kudianguka kuâ, Nzambi ua ehelela mu maluimbi ma miẋima iâ ma bolesa, phala ene mudiâ a di bhange imbamba ia jisonhi ku mikutu iâ.

I Samuuele 8:19

Mundu-phe aditunu dízui dia Samuuele; exi: Kana; tu kala muene ni sobha i tu tumina,