Jisálamu 8:6 - O Mikanda Ikola

⁶ Ua mu bhana o kutambula konda ia imbamba ioso i ua iudika; o ima ioso ua i te bhoxi dia inama iê.

Jisálamu 8:6 Iomraidhean Croise

Dimatekenu 1:26

Nzambi anga u zuela, uixi: Tu bhangienu muthu mu kidifuanganu kietu, a bhabhelele ku kijingo kietu, a tumine ku jimbiji jendela mu menha, ni ku jinjila ji bhita bhulu, ni ku ibhaku, ni ixi ioso, ni ku ibamba iendela ku mavu.

Dimatekenu 1:28

Nzambi anga u a tula o kizediuise, uixi: Vualenu, mu sokoloke, mu izalese ixi ioso, mu i tolole; mu tumine ue jimbiji jendela mu menha, ni jinjila ji bhita bhulu, ni iama ioso ia muenhu iendela ku mavu.

Dimatekenu 9:2

O uoma ni ku mi lenga kuala o iama, u kale ku thandu dia jixitu joso mu ngo-ngo, ni jinjila joso ji bhita bhulu; ioso i zanzala ku mavu, ni jimbiji mu menha, a i bhakula ioso bhu maku menu.

Jisálamu 110:1

Jihova ua ki ambe kua Ngana HU iami, uixi: Xikama ku mbandu iami ia madilu, katé ki ngi ku bhanga o jinguma ji kala kibaka kié kia kutula inama.

Matesu 28:18

Jezú anga uiza, u a ambela, uixi: O kutena kuoso a ngi bhana-ku eme, ni mu diulu, ni mu ngongo.

Efezo 1:22

O Nzambi ima ioso iú ua i tula bhoxi dia inama ia Kristu, iú ua bhakula Kristu muène ku Ngeleja, kuma muene ua suku-u mu kukala Ngana ia ima ioso.

Jihebeleu 1:2

Maji kunu kua suku o izuua, ua tu zuelela kua Monʼê. O mua Monʼê, Nzambi muène mua bhangela o ima ioso iene mu ngongo.

Jihebeleu 2:8

Ua mu bhana kutena kua kutumina o ikalakalu ia maku mé. Ima ioso ua i te bhoxi dia inama iê. O kia tangʼ iki kuila Nzambi ua mu bhana kutumina ima ioso, kana kima kia xala-ku kia kamba ku ki tumina. Tua mono-phe kuma muthu kiluua zubha kutumina o ima ioso.

I Phetele 3:22

ió uaii ku diulu, iú uala ku madilu ma Nzambi. O kuenhoko ni ji-anju, ni makota ma ji-anju, ni mazonda ma mu belesela muène.