Jisálamu 8:1 - O Mikanda Ikola

¹ U Jihova, Ngana ietu, dijina dié kujinga kuahi mu ngongo ioso!

Jisálamu 8:1 Iomraidhean Croise

I Jisobha 8:27

Maji, ku kidi-phe, Nzambi mbé u tunga mu ngongo? Eie ua lembela maúlu, ni diulu dia maúlu, ku tena kusoka-ku, kuambe dingi o inzo iii i nga ku tungila eme!

Jisálamu 145:1

Nga ku zangeleka, eie u Nzambi, u Muenexi uami; ngi tumbula jinga o dijina dié, kutunda muiji kuiza muiji.

Jisálamu 148:13

Ene oso Ximanenu o dijina dia Jihova; mukonda diene ngó o dijina dia a tundu ene oso; muene ngó Sukè-ku mu ngongo ni ku maulu.

Jisálamu 36:5

O kulenduka kué, u Jihova, kua tuta ku diulu; o kukumbidila kué ku bhixila ku matuta,

Jisálamu 57:5

Zangalala, Ngana Nzambi, ku thandu dia maúlu; o fuma ié i tunde, o fuma ioso mu ngongo.

Jisálamu 63:1

Ngana Nzambi, tata, eie u Nzambi iami; eme ngi di meneka muene mu ku ku sota; muẋima uami ua ku kala ni dinhota; oʼxitu jami ja ku kala ni hânji iavulu, mu ixi iakukuta, iabhuila, iedi ni iene thokon! mua bhingi ki mu moneka menha.

Jisálamu 68:4

Imbilenu Nzambi, xikenu mu kuximana o dijina diê; tumbilenu o ikoka iê, mu mikáu ia hatu mu bhitila o dikalu diê; muene dijina diê Jihova; tanenu buoso bhua mi tukulukila.

Jisálamu 8:9

U Jihova, Ngana ietu, tata! O dijina dié kujinga kuahi mu ngongo ioso!

Jisálamu 81:1

Imbenu ni ngalasa kua Nzambi nguzu ietu; dikodienu di kusanguluka kua Nzambi ia Jakobo.

Jisálamu 84:1

Balaka ié Ngana, kuuabha kuahi, u Jihova dia ilômbo!

Makatukilu 15:11

Ku jinzambi nanhi muene u soka ni eie u Jihova? Mukuenu nanhi u kôla kiki mu kuzela ni kuiuka, kilamba ki kuata uoma, mukua kubhanga madiuanu?

Mukumbi ua Mikumbi 5:16

O uzuelelu uê u touala, ni uene nzué! Amah! Kidi muene! Nanhi u kamba ku muʼinda, ua uabha kiki! Kienʼiki kiala kazola kami, kienʼiki kia kala muadi uami, tata! enu anʼa ilumba mu Jeluzaleme!

Izaía 26:13

Jihova, Nzambi ietu, tata! Kia dikalela kiua jingana jengi kiá, ja mu tu tumina, maji hanji, mukonda dia Eie ngó, dijina dié ki tua di landuka.

Habakuke 3:3

Nzambi uijiia ku Tamane, ió Ukôla uijiia ku mulundu ua Palane. (Selah) Fuma iê iezalesa o diulu, o ixi ue iezala ni diximanu diê.

Matesu 22:45

Davidi se ua mu edi Ngana, u kala kiebhi monʼê?

Nzuá 20:28

Tomé uetaiua, uixi: Ngana iami, Nzambi iami!

Efezo 4:10

Kieniki uoso ua tulukile, muene ue ua bande ditala dia bhingi maùlu moso ua ma somboka, katé kia kala mu kuizalesa o ididi ioso.

Matendelelu 28:58

Se ua kambe kualuka ni ku kumbidila o maka moso ma Kitumu kiki, mòsoneke mu Ndunda ienhiʼii, anga u kamba kuxila o dijina diangene dikola, di kuatesa uoma, o dijina dia Jihova Nzambi ié,

Filipe 3:8

Kidi kiene, ima iosololo ngi i kita kingoho mu ujitu ua kuijiia Kristu Jezú, Ngana iami. O mukonda dia muène, ima i nga kuatele, nga i texi dikanga, ioso ia di boto. Ememuene-phe nga i kiti dixilu, phala ngi nganhale Kristu, nda ngi kondamene kua Muène.

Jihebeleu 7:26

Mukonda dia kiki, Jezú muène o Nganga ia Dikota tua mu bhindamena. Muène u kôla. Muène ka moneka phulu, ka moneka ufusa. Ua di kalelela ku akua ituxi, iú ua zangalala ku thandu a maulu.

Dijingunuinu 19:6

Kienhókio anga ngʼívua kala dízui dia mundu ua dikota, mba kala dízui dia dibhubha dia menha, mba kala dízui dia kinuminu kia suina kia nzaji, dixi: Ximanenu Nzambi! Mukonda o Ngana, Nzambi ietu, Muteni-a-Ioso, muène Sobha.