Jisálamu 78:5 - O Mikanda Ikola

⁵ Kuma muene ua xi kijimbuete mua Jakobo, ua bhana kijila mua Izalaiele, kiene kia tendelela o jitata jetu phala ue a i longe jinge ku anʼâ.

Jisálamu 78:5 Iomraidhean Croise

Dimatekenu 18:19

Mbata eme nga mu ijiia, kuila muene ua-ndu tumina anʼê ni dibhata diê dioso hádia di mu bhingana, phala ende ni kukaiejela mu jinjila ja Jihova, mbé ende ni kubhanga ima ia kilunji ni kuiuka, phala Jihova a kumbidile ioso ia tànga muene ku i bhanga kua Mbalahamu.

Jisálamu 119:152

O umbangi ué ió, nga kʼijiia tunde okulu kuma kima ki ua zuela, kia kolo muene, ki ki tena dingi kusangunuka.

Jisálamu 147:19

Uidikiza o maka mê kua Jakobo, ni ijila ni jiphangu jê kua Izalaiele.

Jisálamu 19:7

Ngonge ia Jihova ia di uabhela, i bhekela muthu muenhu uobhe; umbangi ua Jihova ua kidi, u ijidisa atobho.

Jisálamu 81:5

Umbangi uê ua xia mua Zuze, ua thembu iná kia bhitile ku thandu dia ixi ia Ejito. Mu ngʼevile jinge o uzuelelu ua kambe ku ngi jimbulukila, kuma exi:

Makatukilu 12:27

Enu mua kèla kuma: Sata iangene ia Jihova, kifua phasu iê, kia somboka o jinzo ja anʼa Izalaiele mu Ijitu, kizuua kia kuama akua Ijitu ene, o mabhata metu anga ua a bhana muenhu. O mundu bhenhobho hé a diunda a bheza.

Makatukilu 25:16

O moxi dia álaka u ta-mu umbangi uoso u nga-nda ku ku bhana.

Makatukilu 25:21

Kibhuna kia kiadi u ki ta ku thandu dia álaka; o moxi dia álaka, u ta-mu umbangi uoso u nga-nda ku ku bhana.

Makatukilu 40:20

Anga u katula umbangi, u u ta mu álaka, u ta o mikambu ia álaka,

Makatukilu 40:3

U ta muenhomo álaka ia umbangi, álaka anga u i xitila ni kibatulu.

Izaía 38:19

Kikale o athu ku muenhu, mukonda athu ku muenhu, ene ngó a ku ximana, kala eme ki ngala kubhanga leluʼiki. O tata, ua kʼejidisa o kidi kié-eie, u Nzambi, ku anʼê.

Izaía 8:20

Inda tuila: Ku Kitumu ni ku Umbangi; ene se nguauá kuzuela kala kiambe o kizuelu kiki, o mukengeji ua kimene ka kà u mona.

Loma 3:2

Sai-ku muene kubhanduluka mu ikexilu iavulu! Kima kia dianga-phe o kuila kuma o Jijudé ene Nzambi a a bhakesele o Njimbu iê.

Efezo 6:4

Enu uenu mu jitata, kana kuthathamesa anʼ enu ni ku a kuatesa njinda. Maji mu a sasa ni ku a beta, ni ku a longa kioso kia tumu Ngana.

Matendelelu 11:19

Endenu ni ku a longa anʼenu; mu uzuelelu uenu ki mu xikama mʼonzo, kuatenu maka enhá; o ki mu kala mu kuenda njila, kuatenu maka enhá; o ki u zeka ku kilu, zeka ni maka enhá; o ki u balumuka ku kilu, balumuka ni maka enhá.

Matendelelu 31:13

Mbé anʼâ oso a kambele ku kʼijiia, evue, a di longe kuxila Jihova Nzambi ienu, mu izuua ioso i mu tunga kulu dia mundu, mʼoxi i mua-nda kuzaúkila Njolodá, phala ku iʼvua.

Matendelelu 32:46

ua ambela, uixi: Tenu-ku muxima ku maka oso u ngala ku mi bhela umbangi lelu, mu ma sambukise ku anʼenu, ene ue phala akale ni muanu ua ku kumbidila o maka moso ma kitumu kiki.

Matendelelu 4:45

Ene-phe o maumbangiʼama, ni jingonge, ni mabatuilu, ma tange Mozé ku anʼa Izalaiele, kia tundu ku Ijito;

Matendelelu 6:7

Anʼé u a longa muene o ku a bhaka ni ku a kumbidila; o ki u xikama mʼonzo ié, banza maka enhá; o ki u kala mu kuenda njila, enda ni maka enhá; o ki u zeka, zeka ni maka enhá; o ki u balumuka ku kilu, kuata maka enhá.