Jisálamu 78:4 - O Mikanda Ikola

⁴ Etu uetu ki tu i dingila anʼâ, tu tangela muiji uengi ueza-ku o fuma ia Jihova, ni uzonda uê ni madiuanu mê ma kalakala.

Jisálamu 78:4 Iomraidhean Croise

Jobe 15:18

(Kuma kia tange o jinjimu, kievu ue ku jitata jâ, ia a kambe o ku ki sueka,

Jisálamu 26:7

Ngi suina dízui ni ku ku sakidila; ngi tubhula fuma ia ikalakalu ié ia madiuanu.

Jisálamu 9:14

Ua ngi vutula-phe phala ngi ku ximane kiavulu muene, bhu kanga dia mielu i monʼa kilumba Ziione, ngi tange kioso ki ua ngi bhulula, ngi ku ximane jinge ni kutana.

Makatukilu 12:26

O kia kèla anʼenu a mʼibhula, kuila: Mua ki bhangela-hi, kubhitisa o kikalakaluʼiki?

Makatukilu 13:14

O ki kala anʼenu hádia a mʼibhula, exi: Kiki kima kiahi? mua kèla kuma: Nguzu ia lukuaku lua Jihova ia bhiti-bhu, mu ku tu katula mu Ijitu, mu dibhata dia ubhika.

Makatukilu 13:8

Kizuua kienhókio mua kʼàmbela anʼenu kuma: Tua ki bhangela mukonda dia kidiuanu kia tu bhange Jihova, mu ku tu katula mʼoxi ia Ijitu.

Izaía 38:19

Kikale o athu ku muenhu, mukonda athu ku muenhu, ene ngó a ku ximana, kala eme ki ngala kubhanga leluʼiki. O tata, ua kʼejidisa o kidi kié-eie, u Nzambi, ku anʼê.

Jouele 1:3

O kienhiki tangelenu-kiu anʼenu; o anʼenu a ki tangele ue anʼâ, o iá ua ku muiji ua mukuá!

Matendelelu 11:19

Endenu ni ku a longa anʼenu; mu uzuelelu uenu ki mu xikama mʼonzo, kuatenu maka enhá; o ki mu kala mu kuenda njila, kuatenu maka enhá; o ki u zeka ku kilu, zeka ni maka enhá; o ki u balumuka ku kilu, balumuka ni maka enhá.

Matendelelu 4:9

Hé kima, di lange-phe ngó kiambote eie-muène, enda ni kuinga ue kiambote o muenhu ué, o ima i ua mono ni mesu mé ki i ku jimbe, ki i ku bhue ku muxima, enda ni ku i banza katé bhua kà suka o muenhu ué, uende ni ku i longesa ku anʼê katé ku mululu ni ku muláula.

Matendelelu 6:7

Anʼé u a longa muene o ku a bhaka ni ku a kumbidila; o ki u xikama mʼonzo ié, banza maka enhá; o ki u kala mu kuenda njila, enda ni maka enhá; o ki u zeka, zeka ni maka enhá; o ki u balumuka ku kilu, kuata maka enhá.