Jisálamu 76:5 - O Mikanda Ikola

⁵ Athu a kexile ni muẋima ua suína, a toloka, o ima ioso a a tambula-iu; u sanga ene oso a zeka ni ene hudí, aii kilu kia mbala-maminhu; o ilôlo ia ita, maku mâ kala dingi ni nguzu ia ku di bhângela.

Jisálamu 76:5 Iomraidhean Croise

Jisálamu 13:3

Ngi Suue, Ngana, xinganeka, u ngi vutuile, Jihova, Nzambi iami! Muikina mesu mami ni mukengeji ué, phala ki ngiie kilu kia kúfua.

Izaía 31:8

O Asídia ua kà laúka ku xibhata, ki ia dikuenze-phe, kana; xibhata ia kà a jikinisa, maji ki xibhata ia muthu, kana; o xibhata iene, muene ua kà i lenga; o makuenze-mê anga a ka a tolola hé a kala mu ku a bhikisa.

Izaía 37:36

Bhenhobho anju ia Jihova ua tundu, iu ua nemeka mu kilômbo kia Asídia, hama ni makuinhi-nake a jimidi ni midi jitanu ja makuenze; o kuila muene a balumuka mu kimenemene, talesa, iimbi mu iimbi kiá!

Izaía 46:12

Ngivienu, enu mua kola o muẋima, enu o kuiuka kua mi kala dikanga.

Jelemiia 51:39

Ki a-nda kuila a salumuka eme ngʼa bhana kúnua kuâ, hé ngʼa kodiuisa phala nʼende ni kutuka-tuka; maji hádia a kà zeka kilu kia muiokoioko, ki mungu dingi a tona, Jihova ua ki tange.

Daniiele 4:37

Kiki-phe, eme, Nabukodonozolo, ngedi: Muenexiʼa diulu atane-ku! A kule, ajinge! Ngi mu zangeleka ni ku mu ximana jinga, mbata ikalakalu iê ioso kidi mu kidi, uendelu uê kutetuluka kuoso, oso ambe ku di zangeleka, muene u a toza anga a sebuluka muene.

Nahumu 3:18

Kuma o tubhila tué eie sobha ia Asídia aii ku kilu, o ilamba ié ala mù koxila; o mundu ué ua di muangena mu milundu sé ngó kumona muthu utena ku a phopha ni ku a bhongolola.